ᐅᐸᓓᑭᔅ ᒫᑎᐤ 22:4 - ᐅᔅᑭ ᑎᔅᑌᒥᓐᑦ

⁴ ᒥᓇ, ᑮ ᐃᔑᑎᔕᐌᐤ ᑯᑕᑭᔭ ᐊᑑᔅᑫᓛᑲᓇ, ᐁ ᐃᑗᑦ, ᐎᑕᒫᑯᒃ ᐊᓂᑭ ᑳ ᐎᑯᒫᑲᓂᐎᒋᒃ, ᒫᑎᑲ, ᓂ ᑮ ᐋᔦᔅᑳᐎᑖᓐ, ᓂ ᒥᒋᓱᐎᓐ; ᓂ ᒥᔅᑐᓱᒪᒃ ᓀᔥᑕ ᓂ ᑖᒋᐳᐋᑲᓇᒃ ᑮ ᓂᐸᐋᐗᒃ, ᒥᓯᐌ ᑫᒀᓇ ᒫᑲ ᐋᔦᔅᑳᐎᑕᓂᐗᓋ: ᐯᒋ ᐃᑑᑌᒃ ᐎᑭᑐᐎᓂᒃ᙮

ᐅᐸᓓᑭᔅ ᒫᑎᐤ 22:4 Referans Kwoze

ᐊᐸᔅᑕᓚᒃ 13:46

ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮

ᐅᐸᓓᑭᔅ ᒫᑎᐤ 21:36

ᒥᓇ, ᑯᑕᑭᔭ ᐊᑑᔅᑫᓛᑲᓇ ᑮ ᐃᔑᑎᔕᐌᐤ ᐊᐙᓯᑌ ᐃᔥᐱᔥ ᓃᔥᑕᒻ: ᑖᐱᔅᑯᒡ ᑯᑕᑭᔭ ᒫᑲ ᑮ ᑐᑕᐌᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:32

ᐊᓇ ᐁᑳ ᑳ ᑮ ᒪᓈᒋᐋᑦ ᑎᐱᓚᐌ ᐅᑯᓯᓴ, ᒫᑲ ᒥᓯᐌ ᐁ ᐃᑕᔑᔭᒃ ᐅᒋ ᐁ ᑮ ᐸᑭᑎᓈᑦ, ᐙᐐᔅ ᓈ ᓇᒪ ᐁᐗᒀᓂᐃ ᐊᓯᒋ ᒧᔐ ᒥᓯᐌ ᑫᒀᓇ ᑭ ᑳ ᒥᓕᑯᓇᐤ?

ᐊᐸᔅᑕᓚᒃ 1:8

ᒫᑲ ᑭ ᑳ ᒥᓕᑲᐎᓇᐗᐤ ᓱᑳᑎᓯᐎᓐ ᐃᔅᐱ ᑮ ᐅᑎᑎᑯᔦᑴ ᑳ ᐹᓓᑭᓯᑦ ᐊᒑᒃ: ᓀᔥᑕ ᒫᑲ ᑭ ᑳ ᑎᐹᒋᒥᓇᐗᐤ ᒋᕉᓴᓚᒥᒃ, ᓀᔥᑕ ᒥᓯᐌ ᒎᑎᐊᐃᒃ, ᓀᔥᑕ ᓴᒣᕆᔭᐃᒃ, ᓀᔥᑕ ᐱᓕᔥ ᒫᐗᒡ ᐁ ᐃᔥᒀᔮᒃ ᐊᔅᑭᒃ᙮

ᐅᐸᓓᑭᔅ ᓘᒃ 14:17

ᑮ ᐃᔑᑎᔕᐌᐤ ᒫᑲ ᐅᑦ ᐊᑑᔅᑫᓛᑲᓂᒪ ᐃᔅᐱ ᐌᑎᒋᐸᓕᒃ ᑭᒋ ᓂᐯᒀᓂᐗᒃ ᑭᒋ ᐃᑖᓕᒋ ᐊᓂᐃ ᑳ ᐎᑯᒫᑲᓂᐎᓕᒋ, ᐯᒋ ᐃᑐᑌᒃ: ᐌᓴ ᒥᓯᐌ ᑫᒀᓇ ᐋᔕᔾ ᐋᔦᔅᑲᐎᑖᓂᐗᓋ᙮

ᐅᐸᓓᑭᔅ ᒫᑎᐤ 22:8

ᐁᑯ ᐃᑖᑦ ᐅᑦ ᐊᑑᔅᑫᓛᑲᓂᒪ, ᐎᑭᑐᐎᓐ ᐋᔦᔅᑲᐗᔅᑌᐤ, ᒫᑲ ᐊᓂᑭ ᑳ ᐎᑯᒫᑲᓂᐎᒋᒃ ᓇᒪᐎᓚ ᑌᐸᑫᓕᑖᑯᓯᐗᒃ᙮

ᐅᐸᓓᑭᔅ ᒫᑎᐤ 22:5

ᒫᑲ ᑮ ᐋᑕᐌᓕᑕᒸᒃ, ᑮ ᐃᑐᑌᐗᒃ ᒫᑲ, ᐯᔭᒃ ᐅ ᓂᑖᐎᑭᒋᑲᓂᒃ, ᑯᑕᒃ ᒫᑲ ᑮ ᓈᑕᒻ ᐅᑦ ᐊᑖᐙᑲᓇ᙮