4 ᒥᓯᐌ ᐅᒪ ᑮ ᑐᒋᑳᑌᐤ, ᑭᒋ ᑎᐱᐸᓕᓕᒃ ᑳ ᑮ ᐃᑗᑦ ᐅᑭᔅᑭᐙᐃᑫᐤ, ᐁ ᐃᑗᑦ,
ᐁᑳᐎᓚ ᑯᔅᑖᒋ, ᓵᐃᐊᓐ ᐅᑖᓂᓴ; ᒫᑎᑲ, ᑭ ᑭᒋᐅᑭᒫᒻ ᐯᒋ ᐃᑐᑌᐤ, ᐁ ᑌᑕᐱᑦ ᐋᓴ ᐅᑯᔑᔑᓕᐗ᙮
ᒥᓯᐌ ᐅᒪ ᒫᑲ ᑮ ᐃᑭᓄᑯᐸᓐ ᑭᒋ ᑎᐱᐸᓕᓕᒃ ᑳ ᑮ ᐃᑗᐋᑦ ᐅᑎᐯᓕᒋᑫᐤ ᐅᑭᔅᑭᐙᐃᑫᐗ, ᐁ ᐃᑗᑦ,
ᒫᑲ ᒥᓯᐌ ᐅᒪ ᑮ ᐃᑭᓐ ᑭᒋ ᑎᐱᐸᓕᓕᑭ ᐅᑭᔅᑭᐙᐃᑫᐗᒃ ᐅ ᑭᒋ ᒪᓯᓇᐃᑫᐎᓂᐙᐗ᙮ ᐁᑯ ᒥᓯᐌ ᑭᔅᑭᓄᐊᒪᐙᑲᓇᒃ ᓀᑲᑖᒋᒃ, ᑮ ᐅᔑᒧᐗᒃ ᒫᑲ᙮
ᑮᔥᐱᓐ ᒫᑲ ᐊᐌᓇ ᐙᔦᔥ ᐃᑎᑖᑴ, ᑭ ᑳ ᐃᑖᐗᐤ, ᐅᑎᐯᓕᒋᑫᐤ ᓇᑕᐌᓕᒣᐤ; ᑣᔦᒃ ᒫᑲ ᑲᑕ ᐯᒋᑎᔕᐌᐤ᙮
ᐋᓯᔑᔕ ᒫᑲ ᑮ ᐯᑐᐌᐗᒃ ᒋᓴᓴ, ᑮ ᑌᑕᔅᑕᐗᒃ ᒫᑲ ᐅ ᐎᓛᒋᑲᓂᐙᐗ; ᐁᑯ ᒫᑲ ᑎᐁᑕᐱᑦ᙮
ᑮ ᐯᑐᐌᐗᒃ ᒫᑲ ᒋᓴᓴ: ᑮ ᑌᑕᔅᑖᐗᒃ ᒫᑲ ᐅ ᐎᓛᒋᑲᓂᐙᐗ ᐋᓯᔑᔑᒃ, ᐁᑯ ᒫᑲ ᑎᐁᑕᓛᒋᒃ ᒋᓴᓴ᙮
ᐎᐋᐸᓂᓕᒃ ᒥᒉᑦ ᐃᓕᓕᐗᒃ ᑳ ᑮ ᐯᒋ ᐃᑐᑌᒋᒃ ᒪᑯᔐᐎᓂᒃ, ᐃᔅᐱ ᐱᐁᑕᑭᒃ ᒋᓴᓴ ᐁ ᐯᒋ ᐃᑐᑌᓕᒋ ᒋᕉᓴᓚᒥᒃ,
