ᐅᐸᓓᑭᔅ ᒫᑎᐤ 19:29 - ᐅᔅᑭ ᑎᔅᑌᒥᓐᑦ

²⁹ ᒥᓯᐌ ᑕᑐ ᐊᐌᓇ ᒫᑲ ᑳ ᑮ ᓇᑲᑕᒃ ᐙᔅᑳᔨᑲᓇ, ᓀᔥᑕᐱᑯ ᐎᒋᔖᓇ, ᓀᔥᑕᐱᑯ ᐎᒋᔖᓂᔅᑴᒪ, ᓀᔥᑕᐱᑯ ᐅᑖᐎᔭ, ᓀᔥᑕᐱᑯ ᐅᑳᐎᔭ, ᓀᔥᑕᐱᑯ ᐅᑦ ᐊᐙᔑᒥᔕ, ᓀᔥᑕᐱᑯ ᐅᑦ ᐊᔅᑭ, ᓂᑦ ᐃᔑᓂᑲᓱᐎᓂᓕᐤ ᐅᒋ, ᑲᑕ ᒥᓚᐤ ᒥᑖᑐᒥᑕᓇᐗᐤ ᐃᔥᐱᔥ, ᑲᑕ ᐋᔭᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒫᑎᐤ 19:29 Referans Kwoze

ᐱᓕᐱᔭᓇ 3:8

ᐁᐁ, ᑭᔅᑎᓈᒃ, ᒥᓯᐌ ᑫᒀᓇ ᐸᑾᓐᑕᐤ ᓂᑦ ᐃᑕᑭᑌᓐ ᐁ ᐃᔑ ᑭᔅᑌᓕᑖᑾᓂᓕᒃ ᐅ ᑭᔅᑫᓕᒥᑯᓯᐎᓐ ᙭ ᒋᓴᔅ ᓂ ᑎᐯᓕᒋᑫᒻ; ᐊᓇ ᒥᓯᐌ ᑫᒀᓇ ᑳ ᑮ ᐅᒋ ᐗᓂᑖᔮᓐ, ᓀᔥᑕ ᑖᐱᔅᑯᒡ ᒥᒋᑾᓛᔕ ᓂᑦ ᐃᑕᑭᑌᓐ, ᑭᒋ ᑲᔥᑭᐊᒃ ᙭,

ᐅᐸᓓᑭᔅ ᓘᒃ 14:26

ᑮᔥᐱᓐ ᐊᐌᓇ ᐯᒋ ᓈᔑᑌ, ᐁᑳ ᒫᑲ ᐁ ᐸᒀᑖᑦ ᐅᑖᐎᔭ, ᓀᔥᑕ ᐅᑳᐎᔭ, ᓀᔥᑕ ᐅᑦ ᐊᐙᔑᒥᔕ, ᓀᔥᑕ ᐎᒋᔖᓇ, ᓀᔥᑕ ᐎᒋᔖᓂᔅᑴᒪ, ᐁᐁ, ᓀᔥᑕ ᑎᐱᓚᐌ ᐅ ᐱᒫᑎᓯᐎᓐ ᐊᓯᒋ, ᓇᒪᐎᓚ ᓂ ᑳ ᑮ ᐅᑭᔅᑭᓄᐊᒪᐙᑲᓂᒪᐤ᙮

ᐅᐸᓓᑭᔅ ᒫᑎᐤ 16:25

ᐌᓴ ᐊᐌᓇ ᐙ ᐱᒫᒋᑖᑴ ᐅ ᐱᒫᑎᓯᐎᓐ ᑲᑕ ᐗᓂᑕᐤ: ᐊᐌᓇ ᒫᑲ ᑫ ᐗᓂᑖᑴ ᐅ ᐱᒫᑎᓯᐎᓐ ᓂᓚ ᐅᒋ, ᑲᑕ ᒥᔅᑲᒻ᙮

ᐅᐸᓓᑭᔅ ᒫᑎᐤ 6:33

ᓃᔥᑕᒻ ᒫᑲ ᓈᓇᑕᐌᓕᑕᒸᒃ ᑭᒋᒪᓂᑐ ᐅᑦ ᐅᑭᒫᐎᐎᓐ, ᓀᔥᑕ ᐅ ᒀᔭᔅᑭᑖᑎᓯᐎᓐ; ᒥᓯᐌ ᐅᐅ ᑫᒀᓇ ᒫᑲ ᑭ ᑳ ᐊᓯᒋ ᒥᓕᑲᐎᓇᐗᐤ᙮

ᓂᔥᑕᒻ ᐱᑕᕐ 4:14

ᑮᔥᐱᓐ ᑭᑳᒥᑲᐎᔦᑴ ᐅᑦ ᐃᔑᓂᑳᓱᐎᓐ ᙭ ᐅᒋ, ᒥᓚᐙᑌᓇᐗᐤ; ᐌᓴ ᑭᔅᑌᓕᑖᑯᓯᐎ ᐊᒑᒃ ᓀᔥᑕ ᑭᒋᒪᓂᑐ ᐅᑦ ᐊᒑᑾ ᑭ ᐎᒉᐎᑯᐗᐤ: ᐎᓚᐗᐤ ᐅᒋ ᒪᒋᐋᓕᒧᒪᐤ, ᒫᑲ ᑭᓚᐗᐤ ᐅᒋ ᑭᔅᑌᓕᑖᑯᐊᐤ᙮

ᐅᐸᓓᑭᔅ ᒫᑎᐤ 10:22

ᑭ ᑳ ᐸᒀᑎᑯᐙᐗᒃ ᒫᑲ ᒥᓯᐌ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ; ᒫᑲ ᐊᓇ ᐁᑳ ᑫ ᔖᑯᒋᐋᑲᓂᐎᑦ ᐁᐗᒀᓇ ᑫ ᐱᒫᒋᐋᑲᓂᐎᑦ᙮

ᐅᐸᓓᑭᔅ ᒑᓐ 15:19

ᑮᔥᐱᓐ ᐊᔅᑮᒃ ᑮ ᐅᒋᐌᑯᐸᓀ, ᐊᔅᑭ ᑲᑕ ᓵᑭᑖᒪᑲᓄᐸᓐ ᐊᓂᒪ ᑳ ᑎᐱᓚᐌᐎᓯᒪᑲᒃ: ᐁᑳ ᒫᑲ ᐊᔅᑮᒃ ᐁ ᐅᒋᔦᒃ, ᐁ ᑮ ᐙᐌᓛᐸᒥᑕᑾᒃ ᒫᑲ ᐊᔅᑮᒃ ᐅᒋ, ᐁᐗᑯ ᐌᒋ ᐸᒀᑎᑯᔦᒃ ᐊᔅᑭ᙮

ᐅᐸᓓᑭᔅ ᓘᒃ 6:22

ᑭ ᔕᐌᓕᑖᑯᓯᓇᐗᐤ ᐃᔅᐱ ᐗᑳᑎᑖᑾᐌ ᐃᓕᓕᐗᒃ, ᓀᔥᑕ ᐹᑳᓂᐃᑖᑾᐌ ᐁᑳ ᑭᒋ ᐎᒉᐌᑾᒃ, ᓀᔥᑕ ᒪᒋ ᐋᔭᒥᐃᑖᑾᐌ, ᓀᔥᑕ ᐗᓚᐎᐌᐱᓇᑾᐌ ᑭᑦ ᐃᔑᓂᑳᓱᐎᓂᐙᐗ ᑖᐱᔅᑯᒡ ᐁ ᒫᓛᑕᑲ, ᐃᓕᓕᐎᑯᓯᓵᓐ ᐅᒋ᙮

ᐅᐸᓓᑭᔅ ᒫᑎᐤ 5:11

ᑭ ᔕᐌᓕᑖᑯᓯᓇᐗᐤ ᐁ ᓈᔦᑕᐎᐃᑎᑖᑾᒃ ᐃᓕᓕᐗᒃ, ᓀᔥᑕ ᑲᒀᑕᑭᐃᑖᑾᒃ, ᓀᔥᑕ ᒥᓯᐌ ᐃᔑ ᑭᓛᔅᑭ ᐋᓕᒧᒥᑖᑾᒃ ᓂᓚ ᐅᒋ᙮

ᓂᔥᑕᒻ ᑯᕆᓐᑎᐊᓇ 2:9

ᒫᑲ, ᐁ ᐃᑕᓯᓇᐃᑳᑌᒃ, ᒥᔅᑭᔑᒃ ᓇᒪᐎᓚ ᑮ ᐅᒋ ᐙᐸᑕᒧᒪᑲᓐ, ᓇᒪ ᓀᔥᑕ ᒥᑕᐗᑳᔾ ᑮ ᐯᑕᒧᒪᑲᓐ, ᓇᒪ ᓀᔥᑕ ᑮ ᐱᑐᑫᒪᑲᓂᓕᐗ ᐅᑌᐃᒃ ᐃᓕᓕᐤ, ᐊᓂᐃ ᑭᒋᒪᓂᑐ ᑳ ᑮ ᐙᐌᔑᑕᒪᐙᑦ ᐊᓂᐃ ᑳ ᓵᑭᐃᑯᑦ᙮

ᐊᐸᔅᑕᓚᒃ 9:16

ᐌᓴ ᓂ ᑳ ᐙᐸᑎᓛᐤ ᐊᓂᐃ ᑭᒋ ᑫᒀᓇ ᑫ ᐙᐎᓴᑫᓕᑕᒃ ᓂᑦ ᐃᔑᓂᑳᓱᐎᓂᓕᐤ ᐅᒋ᙮

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᒫᑎᐤ 19:16

ᒫᑎᑲ, ᒫᑲ, ᑮ ᐯᒋ ᐃᑎᑯ ᐊᐌᓕᐗ, ᒥᓗ ᑭᔅᑭᓄᐊᒫᑫᐤ, ᑫᑯ ᒥᓗ ᑫᒀᓐ ᑫ ᑐᑕᒫᓐ, ᑭᒋ ᐋᔮᔮᓐ ᑳᑭᑫ ᐱᒫᑎᓯᐎᓐ?

ᐅᐸᓓᑭᔅ ᒫᑎᐤ 13:23

ᒫᑲ ᐊᓇ ᑳ ᐅᑎᓇᒃ ᓯᒥᓇ ᒥᓗ ᐊᔅᑮᒃ, ᐁᐗᒀᓇ ᑳ ᐯᑕᒃ ᐋᔭᒥᐎᓂᓕᐤ, ᓀᔥᑕ ᑳ ᓂᓯᑐᑕᒃ; ᐊᓯᒋ ᓀᔥᑕ ᑳ ᒥᓂᔑᐎᑦ, ᓀᔥᑕ ᑳ ᓂᑖᐎᑭᐃᐌᑦ, ᐋᑎᑦ ᒥᑖᑐᒥᑕᓇᐤ ᑕᑡᐤ ᐋᓕᐙᒃ ᐋᑎᑦ ᓂᑯᑣᓱᒥᑕᓇᐤ, ᐋᑎᑦ ᓂᔅᑐᒥᑕᓇᐤ᙮

ᓂᔓ ᑯᕆᓐᑎᐊᓇ 5:16

ᐁᐗᑯ ᐅᒋ ᐊᓄᒡ ᐅᒋ ᓇᒪᐎᓚ ᐊᐌᓇ ᐃᓕᓕᐤ ᓂ ᑭᔅᑫᓕᒫᓈᓐ ᐎᔮᓯᐎᓂᒃ ᐃᔑ: ᐁᐁ, ᐋᑕ ᐁ ᑮ ᑭᔅᑫᓕᒪᒃ ᙭ ᐎᔮᓯᐎᓂᒃ ᐃᔑ, ᐁᓕᐌᒃ ᒫᑲ ᐊᓄᒡ ᐅᒋ ᓇᒪᐎᔅᑳᑦ ᐅᒪ ᓂᑦ ᐃᔑ ᑭᔅᑫᓕᒫᓈᓐ᙮

ᐅᐸᓓᑭᔅ ᒫᑎᐤ 25:46

ᐅᑯ ᒫᑲ ᑳᑭᑫ ᑲᒀᑕᑭᓯᐎᓂᒃ ᑲᑕ ᐃᑐᑌᐗᒃ, ᒫᑲ ᐅᒀᔭᔅᑭᑖᑎᓯᐗᒃ ᑳᑭᑫ ᐱᒫᑎᓯᐎᓂᒃ᙮

ᐅᐸᓓᑭᔅ ᒫᑎᐤ 13:8

ᑯᑕᑭᔭ ᒫᑲ ᑮ ᐸᑭᑎᓋ ᒥᓗ ᐊᔅᑮᒃ, ᑮ ᒥᓂᔑᐗᓋ ᒫᑲ, ᐋᑎᑦ ᒥᑖᑐᒥᑕᓇᐤ ᑕᑡᐤ ᐋᓕᐙᒃ, ᐋᑎᑦ ᓀᔥᑕ ᓂᑯᑣᓱᒥᑕᓇᐤ, ᐋᑎᑦ ᓂᔅᑐᒥᑕᓇᐤ᙮

ᓂᔅᑐ ᒑᓐ 1:7

ᐌᓴ ᐅᑦ ᐃᔑᓂᑳᓱᐎᓐ ᐅᒋ ᑮ ᑭᑐᑌᐗᒃ, ᐁᑳ ᑫᒀᓐ ᐁ ᐅᑎᓇᑭᒃ ᒉᓐᑖᐃᓚᒃ ᐅᒋ᙮

ᐅᐸᓓᑭᔅ ᓘᒃ 5:11

ᐃᔅᐱ ᒫᑲ ᑳ ᓈᑕᑳᒣᐅᑖᒋᒃ ᐅ ᓈᐱᒀᓂᐙᐗ, ᑮ ᓇᑲᑕᒶᒃ ᒥᓯᐌ, ᓀᔥᑕ ᑮ ᓄᔅᐱᓇᑌᐗᒃ᙮

ᐅᐸᓓᑭᔅ ᒑᓐ 4:36

ᐊᓇ ᒫᑲ ᑳ ᒪᓂᔑᑫᑦ ᐅᑎᓇᒻ ᑎᐸᐊᒫᑯᓯᐎᓂᓕᐤ, ᓀᔥᑕ ᒪᐗᒋᑕᐤ ᓂᑖᐎᑭᑖᑲᓇ ᑭᒋ ᐅᒋ ᑳᑭᑫ ᐱᒫᑎᓰᑦ: ᑖᐱᔅᑯᒡ ᐊᓇ ᑳ ᐸᑭᑎᓂᑫᑦ ᓀᔥᑕ ᐊᓇ ᑳ ᒪᓂᔑᑫᑦ ᑭᒋ ᒥᓚᐙᑕᑭᒃ᙮