ᐅᐸᓓᑭᔅ ᒫᑎᐤ 18:7 - ᐅᔅᑭ ᑎᔅᑌᒥᓐᑦ

⁷ ᑲᑕ ᑲᒀᑕᑭᓯᒪᑲᓐ ᐊᔅᑭ ᒪᒋ ᐋᔨᑎᐎᓇ ᐅᒋ! ᐌᓴ ᑫᒋᓈᔥ ᒪᒋ ᐋᔨᑎᐎᓇ ᑲᑕ ᐅᑎᒋᐸᓕᐗ; ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑳ ᐅᒋ ᐅᑎᒋᐸᓕᒃ ᒪᒋ ᐋᔨᑎᐎᓐ!

ᐅᐸᓓᑭᔅ ᒫᑎᐤ 18:7 Referans Kwoze

ᐅᐸᓓᑭᔅ ᓘᒃ 17:1

ᐁᑯ ᐁᑖᑦ ᑭᔅᑭᓄᐊᒪᐙᑲᓇ, ᓇᒪᐎᓚ ᑲᑕ ᑮ ᐃᑭᓐ ᐁᑳ ᑭᒋ ᐅᑎᒋᐸᓕᑭ ᒪᒋ ᐋᔨᑎᐎᓇ; ᒫᑲ ᑲᑕ ᑲᒀᑕᑭᓯᐤ ᐊᓇ ᑫ ᐅᒋ ᐅᑎᒋᐸᓕᑭ᙮

ᓂᔥᑕᒻ ᑯᕆᓐᑎᐊᓇ 11:19

ᐌᓴ ᓇᓈᓂᔑᐃᓱᐎᓇ ᐅᒋᑕᐤ ᑲᑕ ᐃᑕᑾᓋ ᐃᑕ ᐁ ᐃᑖᔦᒃ, ᐊᓂᑭ ᑳ ᓇᐁᓕᑖᑯᓯᒋᒃ ᑭᒋ ᑭᔅᑫᓕᑖᑯᓯᒋᒃ ᐃᑕ ᐁ ᐃᑖᔦᒃ᙮

ᐅᐸᓓᑭᔅ ᒫᑎᐤ 26:24

ᐃᓕᓕᐎᑯᓯᓵᓐ ᑭᑐᑌᐤ ᐁ ᐃᔑ ᒪᓯᓇᐃᑳᑌᓕᒃ; ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑳ ᐋᔦᔑᐸᑭᑎᓈᑦ ᐃᓕᓕᐎᑯᓯᓵᓇ! ᑲᑕ ᑮ ᒥᓨᔑᓂᓕᐸᓐ ᐊᓇ ᐃᓕᓕᐤ ᑮᔥᐱᓐ ᐁᑳ ᑮ ᐅᒋ ᓂᑖᐎᑭᑦ᙮

ᒎᑦ 1:4

ᐌᓴ ᐋᑎᑦ ᐃᓕᓕᐗᒃ ᑭᒧᒡ ᑮ ᐱᑐᑫᑖᒋᒧᐗᒃ, ᐌᔅᑲᒡ ᑳ ᑮ ᐅᓚᑭᒫᑲᓂᐎᒋᒃ ᑭᒋ ᐋᔮᒋᒃ ᐅᒣᓕᐤ ᓂᔑᐗᓈᒋᒥᐌᐎᓂᓕᐤ; ᑳ ᒪᒋᑣᒋᒃ ᐃᓕᓕᐗᒃ, ᐁ ᑴᔅᑭᓇᒸᒋᒃ ᑭ ᑭᒋᒪᓂᑐᒥᓇᐗ ᐅ ᔕᐌᓕᒋᑫᐎᓂᓕᐤ ᑮᔥᑴᐙᑎᓯᐎᓂᒃ ᐃᔑ, ᓀᔥᑕ ᐁ ᐋᓉᑕᐙᒋᒃ ᐱᔦᔭᑯᓕᒋ ᐅᑎᐯᓕᒋᑫᐗ ᑭᒋᒪᓂᑐᐗ, ᓀᔥᑕ ᑭ ᑎᐯᓕᒋᑫᒥᓇᐗ ᒋᓴᔅ ᙭᙮

ᑕᐃᑕᔅ 2:8

ᒀᔭᔉ ᐃᔑ ᐋᔭᒥᐎᓐ ᐁᑳ ᑫ ᑮ ᓂᔑᐗᓈᒋᒋᑳᑌᒃ: ᐊᓇ ᓇᔅᐹᒡ ᑳ ᐃᔑ ᐋᔭᒥᑦ ᑭᒋ ᓇᓀᐯᐎᓯᑦ, ᐁᑳ ᑫᒀᓐ ᐁ ᐋᔮᑦ ᑭᒋ ᐅᒋ ᒪᒋ ᐋᓕᒧᒥᔉ᙮

ᑕᐃᑕᔅ 2:5

ᑭᒋ ᓕᑆᑳᒋᒃ, ᑭᒋ ᐸᓓᑭᓯᒋᒃ, ᑭᒋ ᑕᔑᑫᒋᒃ ᑎᐱᓚᐌ ᐎᑭᐙᒃ, ᑭᒋ ᒥᓨᑎᓯᒋᒃ, ᑭᒋ ᓇᓇᐃᑕᐙᒋᒃ ᑎᐱᓚᐌ ᐅ ᓈᐯᒥᐙᐗ, ᑭᒋᒪᓂᑐ ᐅᑦ ᐋᔭᒥᐎᓐ ᐁᑳ ᑭᒋ ᒪᒋᐋᓕᒧᒋᑳᑌᓕᒃ᙮

ᓂᔥᑕᒻ ᑎᒧᑎ 6:1

ᐁᑯᔑ ᐊᓂᑭ ᐊᑑᔅᑫᓛᑲᓇᒃ ᑳ ᑎᐯᓕᒫᑲᓂᐎᒋᒃ, ᑲᑕ ᐃᑕᑭᒣᐗᑳ ᑎᐱᓚᐌ ᐅᑦ ᐅᑭᒫᒥᐗᐗ ᐁ ᑌᐸᑫᓕᑖᑯᓯᓕᑭ ᒥᓯᐌ ᐃᔑ ᑭᒋ ᑭᔅᑌᓕᒫᑲᓂᐎᓕᒋ, ᐅᑦ ᐃᔑᓂᑳᓱᐎᓐ ᑭᒋᒪᓂᑐ ᓀᔥᑕ ᐅ ᑭᔅᑭᓄᐊᒫᑫᐎᓐ ᐁᑳ ᑭᒋ ᒪᒋ ᐋᓕᒧᒋᑳᑌᓕᒃ᙮

ᐊᐸᔅᑕᓚᒃ 1:16

ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᐅᒪ ᑭᒋᒪᓯᓇᐃᑫᐎᓐ ᔮᓕᑌᓪ ᑮ ᐃᑌᓕᑖᑾᓐ ᑭᒋ ᑎᐱᐸᓕᒃ, ᓇᔮᑲᓇ ᑳ ᐃᔑ ᐋᔭᒥᑦ ᑳ ᐹᓓᑭᓯᑦ ᐋᒑᒃ ᑌᐱᑦ ᐅᑐᓐ ᐅᒋ, ᐁ ᐃᑖᒋᒫᑦ ᒎᑕᓴ, ᐊᓇ ᑳ ᑮ ᑭᔅᑭᓄᑕᐋᑦ ᐊᓂᐃ ᑳ ᑮ ᐅᑎᓈᓕᒋ ᒋᓴᓴ᙮

ᐅᐸᓓᑭᔅ ᒑᓐ 17:12

ᐁᔥᑾ ᐁ ᐎᒉᐗᑭᒃ ᐊᔅᑮᒃ, ᓂ ᑮ ᑲᓇᐌᓕᒪᐗᒃ ᑭᑦ ᐃᔑᓂᑳᓱᐎᓂᒃ: ᐊᓂᑭ ᑳ ᑮ ᒥᓕᔭᓐ ᓂ ᑮ ᑲᓇᐌᓕᒪᐗᒃ, ᓀᔥᑕ ᓇᒪ ᐙᐙᒡ ᐯᔭᒃ ᐁ ᐃᑕᓯᒋᒃ ᐗᓂᐋᑲᓂᐎᐤ, ᐊᓇ ᐱᑯ ᑳ ᐅᑯᓯᓯᒥᑯᑦ ᓂᔑᐗᓈᒋᐅᐎᓂᓕᐤ; ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ᙮

ᐅᐸᓓᑭᔅ ᒫᕐᒃ 13:7

ᐃᔅᐱ ᒫᑲ ᐯᑕᒣᑴ ᓇᑐᐸᓕᐎᓇ, ᓀᔥᑕ ᓇᑐᐸᓕᐎᓇ ᐁ ᑎᐹᑐᑖᑲᓂᐎᑭ, ᐁᑳᐎᓚ ᒥᑯᔥᑳᑌᓕᑕᒧᒃᐧ ᐌᓴ ᐅᐅ ᑐᐎ ᑫᒋᓈᔥ ᑲᑕ ᐃᑭᓋ; ᒫᑲ ᓇᒪᐎᓚ ᐁᔥᑾ ᑲᑕ ᐃᔥᒀᐸᓕᐤ᙮

ᐅᐸᓓᑭᔅ ᒫᑎᐤ 16:23

ᒫᑲ ᐁ ᑴᔅᑭᑳᐸᐎᑦ, ᑮ ᐃᑌᐤ ᐱᑕᕋ, ᓂᔅᐱᔅᑾᓂᒃ ᐃᔑ ᐃᑐᑌ, ᓭᑖᓐ: ᑭ ᓈᔦᑕᐌᓕᑕᒥᐃᓐ; ᐌᓴ ᓇᒪᐎᓚ ᑭᒋᒪᓂᑐ ᐅᑦ ᐋᔮᓇ ᑭ ᒫᒥᑐᓀᓕᑕᒸᓐ, ᒫᑲ ᐊᓂᐃ ᐃᓕᓕᐗᒃ ᑳ ᐅᑦ ᐋᔮᓂᒋᒃ᙮