9 ᐁ ᐊᑎ ᓂᑕᒪᒋᐌᒋᒃ ᐗᒌᒃ ᐅᒋ, ᒋᓴᔅ ᑮ ᐃᑕᔓᒣᐤ, ᐁ ᐃᑗᑦ, ᐁᑳᐎᓚ ᐊᐌᓇ ᐎᑕᒫᒃ, ᐹᑎᒫ ᐃᓕᓕᐎᑯᓯᓵᓐ ᑮ ᐗᓂᔥᑳᑌ ᐅᓂᐱᐗ ᐅᒋ᙮
ᑮ ᐋᔨᒋᒣᐤ ᒫᑲ ᐁᑳ ᐊᐌᓕᐗ ᑭᒋ ᐎᑕᒪᐙᓕᒋ ᐊᐌᓇ ᐁ ᐋᐎᑦ᙮
ᐅ ᓂᑭᐃᑾ ᒫᑲ ᑮ ᒫᒪᔅᑳᑕᒥᓕᐗ: ᒫᑲ ᑮ ᐃᑕᔓᒣᐤ ᐁᑳ ᑭᒋ ᐎᑕᒪᐙᓕᒋ ᐊᐌᓕᐗ ᑫᒀᓕᐤ ᑳ ᑐᒋᑳᑌᓕᒃ᙮
ᑲᑕ ᓂᐸᐁᐗᒃ ᒫᑲ, ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑳᓇᐤ᙮ ᓈᔅᐱᒡ ᒫᑲ ᑮ ᒥᒋᓚᐌᓯᐗᒃ᙮
ᒫᑲ ᑭᑦ ᐃᑎᓇᐗᐤ, ᐃᓛᐃᒐ ᐋᔕᔾ ᑮ ᑕᑯᔑᓐ, ᓇᒪᐎᓚ ᒫᑲ ᑮ ᐅᒋ ᑭᔅᑫᓕᒣᐗᒃ, ᒫᑲ ᑮ ᑐᑕᐌᐗᒃ ᐱᑯ ᐁ ᐃᑌᓕᑕᑭᒃ: ᐁᑯ ᓀᔥᑕ ᑫ ᐃᔑ ᐙᐎᓴᑫᓕᑕᒥᐋᒋᒃ ᐃᓕᓕᐎᑯᓯᓵᓇ᙮
ᒋᓴᔅ ᐃᑌᐤ ᒫᑲ, ᒪᑫᓯᐗᒃ ᐙᑎᐗᒃ, ᐱᓓᓯᐗᒃ ᓀᔥᑕ ᑳ ᐹᐸᒥᓚᒋᒃ ᐗᒋᔅᑐᓂᐗᒃ; ᒫᑲ ᐃᓕᓕᐎᑯᓯᓵᓐ ᓇᒪᐎᓚ ᐋᔭᐤ ᐃᑕ ᑫ ᐱᒥᑎᑖᑦ ᐅᔅᑎᒀᓐ᙮
ᒋᓴᔅ ᒫᑲ ᐃᑌᐤ, ᐁᑳᐎᓚ ᐊᐌᓇ ᐎᑕᒪᐤ; ᑭᑐᑌ ᒫᑲ, ᐙᐸᑎᓐ ᓵᓵᑭᐃᓕᐌᐎᓕᓕᐤ ᑭᔭᐎᓕᐤ, ᐸᑭᑎᓂᑫ ᒫᑲ ᐊᓂᒪ ᒥᓕᐌᐎᓐ ᑳ ᑮ ᐃᑕᔓᐌᑦ ᒧᓯᔅ ᑭᒋ ᑭᔅᑫᓕᑕᒥᐃᑫᒋᒃ᙮
ᑮ ᐃᑕᔓᒣᐤ ᒫᑲ, ᐁᑳ ᑭᒋ ᑭᔅᑫᓕᑖᑯᐃᑯᑦ᙮
ᐃᔅᐱ ᒫᑲ ᑳ ᑕᔅᑕᓵᐱᒋᒃ, ᓇᒪᐎᓚ ᐊᐌᓕᐗ ᑮ ᐅᒋ ᐙᐸᒣᐗᒃ, ᒋᓴᓴ ᐱᑯ᙮
ᒋᓴᔅ ᒫᑲ ᑮ ᐃᑌᐤ, ᐁ ᐅᑦ ᐋᓉᑕᒧᐎᓂᔦᒃ: ᐌᓴ ᑖᐺ ᑭᑦ ᐃᑎᓇᐗᐤ, ᑮᔥᐱᓐ ᐁᔮᐌᑴ ᑖᐺᔦᓕᑕᒧᐎᓐ ᑖᐱᔅᑯᒡ ᐯᔭᒃ ᒪᔅᑕᑦ ᓯᒥᓐ, ᑭ ᑳ ᐃᑌᓇᐗᐤ ᐅᒪ ᐗᒋ, ᓀᑌ ᐃᔑ ᐋᒋᐸᓕ; ᑲᑕ ᐋᒋᐸᓕᐤ ᒫᑲ; ᓇᒪᐎᓚ ᑫᒀᓐ ᒫᑲ ᑭ ᑳ ᔖᑯᒋᐃᑯᓈᐗᐤ᙮
ᒣᒀᒡ ᒫᑲ ᑳᓕᓕᒃ ᑳ ᑕᔑᑫᒋᒃ, ᒋᓴᔅ ᑮ ᐃᑌᐤ, ᐃᓕᓕᐎᑯᓯᓵᓐ ᑲᑕ ᐙᔦᔑᐸᑭᑎᓇᐤ ᐃᓕᓕᐗ ᐅᒋᒌᓕᒃ;
ᐃᔅᐱ ᒫᑲ ᑳ ᒪᔭᐎᐸᓕᒃ ᐃᑗᐎᓐ, ᒋᓴᔅ ᑮ ᒥᔅᑲᐗᐤ ᐁ ᐯᔭᑯᑦ᙮ ᑮ ᑲᓇᐎᑳᑖᐗᒃ ᒫᑲ, ᓀᔥᑕ ᓇᒪᐎᓚ ᐅᒋ ᐎᑕᒪᐌᐗᒃ ᐊᐌᓕᐗ ᒣᒀᒡ ᐊᓂᐃ ᐁ ᑭᔑᑳᓕᑭ ᑫᒀᓕᐤ ᑳ ᑮ ᐙᐸᑕᑭᒃ᙮