7 ᒋᓴᔅ ᒫᑲ ᑮ ᐯᒋ ᓵᒥᓀᐤ, ᐁ ᐃᑗᑦ, ᐗᓂᔥᑳᒃ, ᐁᑳᐎᓚ ᒫᑲ ᑯᔅᑖᒋᒃ᙮
ᒫᑲ ᒋᓴᔅ ᑣᔦᒃ ᑮ ᐋᔭᒥᐁᐤ, ᐁ ᐃᑗᑦ, ᑳᔮᒣᓕᑕᒧᒃ; ᓂᓚ ᐅ, ᐁᑳᐎᓚ ᑯᔅᑖᒋᒃ᙮
ᐃᔅᐱ ᒫᑲ ᐎᐋᐸᒪᒃ, ᓂ ᑮ ᐸᑭᔑᓂᓐ ᐅᓯᑎᒃ ᑖᐱᔅᑯᒡ ᐁ ᓂᐱᔮᓐ᙮ ᓀᔥᑕ ᒫᑲ ᐅ ᑭᒋᓂᔉ ᓂ ᑮ ᐅᒋ ᓵᒥᓂᒃ, ᐁ ᐃᔑᑦ, ᐁᑳᐎᓚ ᑯᔅᑖᒋ: ᓂᓚ ᐁᐗᑯ ᓂᔥᑕᒻ ᓀᔥᑕ ᒫᒋᒡ:
ᐁ ᓇᓂᑭᐸᓕᑦ ᒫᑲ, ᓀᔥᑕ ᐁ ᒫᒪᔅᑳᑌᓕᑕᒃ ᑮ ᐃᑗᐤ, ᑌᐯᓕᒋᑫᔭᓐ, ᑫᒀᓐ ᓀᑕᐌᓕᒥᔭᓐ ᑭᒋ ᑑᑕᒫᓐ? ᐅᑎᐯᓕᒋᑫᐤ ᒫᑲ ᑮ ᐃᑌᐤ, ᐗᓂᔥᑳ, ᐃᑐᑌ ᒫᑲ ᐃᑖᐎᓂᒃ, ᓀᔥᑕ ᑭ ᑳ ᐎᑕᒫᑲᐎᓐ ᑫᒀᓐ ᑫ ᑑᑕᒪᓐ᙮
ᒣᒀᒡ ᒫᑲ ᐁ ᓭᑭᓯᒋᒃ ᓀᔥᑕ ᐁ ᐅᑎᑕᐱᒋᒃ ᒧᔅᑕᔅᑲᒥᒃ, ᑮ ᐃᑎᑯᐗᒃ, ᑖᓀᑭ ᐌᒋ ᓈᓇᑕᐙᐸᒣᒃ ᐊᓇ ᐁ ᐱᒫᑎᓰᑦ ᐃᑕ ᐁ ᐃᑖᓕᒋ ᑳ ᓂᐱᓕᒋ?
ᐃᔅᐱ ᒫᑲ ᑭᔅᑭᓄᐊᒪᐙᑲᓇᒃ ᐱᐁᑕᑭᒃ ᑮ ᐅᑎᑌᐱᐸᓕᐅᐗᒃ, ᓈᔅᐱᒡ ᒫᑲ ᑮ ᓭᑭᓯᐗᒃ᙮
ᐃᔅᐱ ᒫᑲ ᑳ ᑕᔅᑕᓵᐱᒋᒃ, ᓇᒪᐎᓚ ᐊᐌᓕᐗ ᑮ ᐅᒋ ᐙᐸᒣᐗᒃ, ᒋᓴᓴ ᐱᑯ᙮
