23 ᑲᑕ ᓂᐸᐁᐗᒃ ᒫᑲ, ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑳᓇᐤ᙮ ᓈᔅᐱᒡ ᒫᑲ ᑮ ᒥᒋᓚᐌᓯᐗᒃ᙮
ᐁᑯᔅᐱ ᐅᒋ ᒋᓴᔅ ᑮ ᒫᒋ ᐙᐸᑎᓓᐤ ᐅ ᑭᔅᑭᓄᐊᒪᐙᑲᓇ, ᒋᕉᓴᓚᒥᒃ ᑭᒋ ᐃᑐᑌᑦ, ᓀᔥᑕ ᑭᒋ ᐗᐎᓴᑫᓕᑕᒥᐃᑯᑦ ᒥᒉᑦ ᑫᒀᓇ ᐊᓂᐃ ᑳ ᓂᑳᓀᓕᑖᑯᓯᓕᒋ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐅᒪᓯᓇᐃᑫᐗ, ᓀᔥᑕ ᑭᒋ ᓂᐸᐋᑲᓂᐎᑦ, ᒥᓇ ᒫᑲ ᑭᒋ ᐗᓂᔥᑳᓈᑲᓂᐎᑦ ᓂᔅᑐ ᑭᔑᑳᓕᑫ᙮
ᑮ ᒫᒋ ᑭᔅᑭᓄᐊᒪᐌᐤ ᒫᑲ, ᐃᓕᓕᐎᑯᓯᓵᓐ ᑭᒋ ᐙᐎᓴᑫᓕᑕᒃ ᒥᒉᑦ ᑫᒀᓇ ᓀᔥᑕ ᑭᒋ ᐋᑕᐌᓕᒥᑯᑦ ᐊᓂᐃ ᑳ ᓂᑳᓀᓕᑖᑯᓯᓕᒋ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐅᒪᓯᓇᐃᑫᐗ, ᓀᔥᑕ ᑭᒋ ᓂᐸᐋᑲᓂᐎᑦ; ᒥᓇ ᒫᑲ ᑭᒋ ᐗᓂᔥᑳᑦ ᑮ ᓂᔅᑐ ᑭᔑᑳᓕᑫ᙮
ᒫᑲ ᐁ ᑮ ᐎᑕᒫᑕᑾᒃ ᐅᐅ ᑫᒀᓇ, ᑯᐹᑌᓕᑕᒧᐎᓐ ᑭ ᓵᑲᔅᑭᓀᔅᑳᑯᓇᐗᐤ ᑭᑌᐃᐙᒃ᙮
ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᓂᔑᐗᓈᒋᑖᒃ ᐅᒪ ᑭᒋᐊᔭᒥᐁᐎᑲᒥᒃ, ᑮ ᓂᔅᑐ ᑭᔑᑳᑫ ᒫᑲ ᓂ ᑳ ᐗᓂᔥᑳᓀᓐ᙮
ᐁ ᐊᑎ ᓂᑕᒪᒋᐌᒋᒃ ᐗᒌᒃ ᐅᒋ, ᒋᓴᔅ ᑮ ᐃᑕᔓᒣᐤ, ᐁ ᐃᑗᑦ, ᐁᑳᐎᓚ ᐊᐌᓇ ᐎᑕᒫᒃ, ᐹᑎᒫ ᐃᓕᓕᐎᑯᓯᓵᓐ ᑮ ᐗᓂᔥᑳᑌ ᐅᓂᐱᐗ ᐅᒋ᙮
ᑲᑕ ᐸᑭᑎᓂᑯ ᒫᑲ ᒉᓐᑖᐃᓚ ᐅᒋᒋᓕᒃ ᑭᒋ ᐋᔭᓵᒋᐃᑯᑦ, ᓀᔥᑕ ᑭᒋ ᐸᐸᓴᔅᑌᐅᑯᑦ, ᓀᔥᑕ ᑭᒋ ᒌᔅᑖᔅᑾᐅᑯᑦ: ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑲᐤ᙮
ᐁ ᐃᑗᒋᒃ, ᐅᑭᒪᐤ, ᓂ ᑭᔅᑭᓯᓈᓐ ᐊᓇ ᐊᐙᔦᔑᒥᐌᐤ ᐁ ᑮ ᐃᑗᑦ, ᒣᒀᒡ ᑫᔮᐸᒡ ᐁ ᐱᒫᑎᓰᑦ, ᑮ ᓂᔅᑐ ᑭᔑᑳᑫ ᒥᓇ ᓂ ᑳ ᐗᓂᔥᑳᓐ᙮
ᐊᓐᑕ ᒫᑲ ᑮ ᐅᒋ ᑭᑐᑌᐗᒃ, ᓀᔥᑕ ᑮ ᔖᐳᑕᐌᔥᑲᒻ ᑳᓕᓕ; ᓇᒪ ᒫᑲ ᑮ ᓇᑕᐌᓕᑕᒻ ᐊᐌᓕᐗ ᑭᒋ ᑭᔅᑫᓕᑕᒥᓕᒋ᙮