ᐅᐸᓓᑭᔅ ᒫᑎᐤ 15:32 - ᐅᔅᑭ ᑎᔅᑌᒥᓐᑦ

³² ᐁᑯ ᒋᓴᔅ ᓀᑐᒫᑦ ᐅ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ, ᓂ ᑭᑎᒫᑫᓕᒫᐗᒃ ᐅᑯ ᒥᔮᒪᐎᒥᒉᑎᒋᒃ ᐃᓕᓕᐗᒃ, ᐌᓴ ᐋᔕᔾ ᓂᔅᑐ ᑭᔑᑳᐗ ᓂ ᑮ ᐎᒉᐎᑾᒃ, ᓇᒪ ᓀᔥᑕ ᑫᒀᓕᐤ ᐋᔮᐗᒃ ᑭᒋ ᒥᒋᒋᒃ: ᓇᒪᐎᓚ ᒫᑲ ᓂ ᑳ ᑭᒋᑎᔕᐙᐗᒃ ᐁᑳ ᐁ ᒥᒋᓱᒋᒃ, ᐌᓴ ᑭᔅᑎᓈᒡ ᑲᑕ ᓄᑌᔑᓋᒃ ᒣᒀᒡ ᐁ ᐱᒧᑌᒋᒃ᙮

ᐅᐸᓓᑭᔅ ᒫᑎᐤ 15:32 Referans Kwoze

ᐅᐸᓓᑭᔅ ᒫᑎᐤ 9:36

ᒫᑲ ᐃᔅᐱ ᐎᐋᐸᒫᑦ ᒥᔮᒪᐎᒥᒉᑎᓕᒋ ᐃᓕᓕᐗ, ᑮ ᔕᐌᑌᐁᑐᑕᐌᐤ; ᐌᓴ ᑮ ᐋᔦᔅᑯᓯᐗᒃ, ᓀᔥᑕ ᓇᓈᓂᔅ ᑮ ᐋᐃᑕᐗᒃ, ᑖᐱᔅᑯᒡ ᒫᓂᔥᒑᓂᔕᒃ ᐁᑳ ᐁ ᐅᒫᓂᔥᒑᓂᔑᐎᓕᓕᒥᒋᒃ᙮

ᐊᐸᔅᑕᓚᒃ 27:33

ᒣᒀᒡ ᒫᑲ ᑳ ᐯᑖᐸᓂᓕᒃ, ᐹᓪ ᑮ ᐸᑯᓭᓕᒣᐤ ᒥᓯᐌ ᐁ ᐃᑕᓯᓕᒋ ᑭᒋ ᒥᒋᓱᓕᒋ, ᐁ ᐃᑗᑦ, ᐊᓄᒡ ᐁ ᑭᔑᑳᒃ ᐁᐗᑯ ᓀᐅᔖᑉ ᐁ ᑭᔑᑳᒃ ᐁ ᑮ ᐯᐅᔦᒃ ᐁᑳ ᐁ ᒥᒋᓱᔦᒃ, ᐁᑳ ᑫᒀᓐ ᐁ ᑮ ᐅᑎᓇᒣᒃ᙮

ᐦᐃᑉᕉᐗ 4:15

ᐌᓴ ᓇᒪᐎᓚ ᑭᑦ ᐋᔭᐙᓇᐤ ᑭᒋ ᓵᓵᑭᐎᓕᐌᐎᓕᓕᐤ ᐁᑳ ᑫ ᑮ ᐃᑕᒪᒋᑖᑦ ᑭᑦ ᐊᓕᒥᓯᐎᓂᓇᐗ; ᒫᑲ ᒥᓯᐌ ᐃᔑ ᑮ ᑲᑴᒋᐊᐤ ᑖᐱᔅᑯᒡ ᑭᓚᓈᓇᐤ, ᓇᒪᐎᓚ ᒫᑲ ᑮ ᒪᒋᑐᑕᒻ᙮

ᐅᐸᓓᑭᔅ ᓘᒃ 7:13

ᐃᔅᐱ ᒫᑲ ᐅᑎᐯᓕᒋᑫᐤ ᐎᐋᐸᒫᑦ, ᑮ ᑭᑎᒫᑫᓕᒣᐤ, ᑮ ᐃᑌᐤ ᒫᑲ, ᐁᑳᐎᓚ ᒫᑐ᙮

ᐅᐸᓓᑭᔅ ᒫᕐᒃ 9:22

ᒥᒉᑡᐤ ᒫᑲ ᑮ ᒪᒍᔅᑌᐌᐱᓂᑯ, ᓀᔥᑕ ᐸᑲᔅᑕᐌᐌᐱᓂᑯ᙮ ᑭᒋ ᓂᔑᐗᓃᒋᐃᑯᑦ: ᒫᑲ ᑮᔥᐱᓐ ᑫᒀᓐ ᑫ ᑮ ᑐᑕᒧᐗᓀ, ᑭᑎᒪᑫᓕᒥᓈᓐ, ᓀᔥᑕ ᐎᒋᐃᓈᓐ᙮

ᐅᐸᓓᑭᔅ ᒫᑎᐤ 27:63

ᐁ ᐃᑗᒋᒃ, ᐅᑭᒪᐤ, ᓂ ᑭᔅᑭᓯᓈᓐ ᐊᓇ ᐊᐙᔦᔑᒥᐌᐤ ᐁ ᑮ ᐃᑗᑦ, ᒣᒀᒡ ᑫᔮᐸᒡ ᐁ ᐱᒫᑎᓰᑦ, ᑮ ᓂᔅᑐ ᑭᔑᑳᑫ ᒥᓇ ᓂ ᑳ ᐗᓂᔥᑳᓐ᙮

ᐅᐸᓓᑭᔅ ᒫᑎᐤ 20:34

ᐁᑯᔑ ᒫᑲ ᒋᓴᔅ ᑮ ᑭᑎᒫᑫᓕᒣᐤ, ᑮ ᓵᒥᓇᒬᐤ ᒫᑲ ᐅᔅᑭᔑᑯᓕᐗ: ᑣᔦᒃ ᒫᑲ ᑮ ᐙᐱᐋᐗᒃ, ᑮ ᓄᔅᐱᓇᑌᐗᒃ ᒫᑲ᙮

ᐅᐸᓓᑭᔅ ᒫᑎᐤ 12:40

ᐌᓴ ᑖᐱᔅᑯᒡ ᒍᓇ ᑳ ᑮ ᐃᑖᑦ ᓂᔅᑐ ᑭᔑᑲᐗ ᓀᔥᑕ ᓂᔅᑐ ᑎᐱᔅᑲᐗ ᑭᒋ ᐙᐸᒣᒃ ᐗᑖᓕᒃ; ᐁᑯ ᑖᐱᔅᑯᒡ ᐃᓕᓕᐎᑯᓯᓵᓐ ᓂᔅᑐ ᑭᔑᑳᐗ ᓀᔥᑕ ᓂᔅᑐ ᑎᐱᔅᑳᐗ ᑫ ᐃᑖᑦ ᐊᔅᑭ ᐁ ᐅᑌᐃᒪᑲᓂᓕᒃ᙮

ᐅᐸᓓᑭᔅ ᒫᑎᐤ 14:13

ᐃᔅᐱ ᒫᑲ ᒋᓴᔅ ᐱᐁᑕᒃ, ᐊᓐᑕ ᑮ ᐅᒋ ᑭᑐᑌᐤ ᓈᐱᒀᓂᒃ ᐸᑾᑕᔅᑲᒥᑳᒃ ᐁ ᐃᑐᑌᑦ ᐹᑳᓐ: ᐃᔅᐱ ᒫᑲ ᐃᓕᓕᐗᒃ ᑳ ᐯᑕᑭᒃ, ᑮ ᓄᔅᐱᓇᑌᐗᒃ ᐃᑖᐎᓂᒃ ᐅᒋ ᐁ ᒧᔅᑐᑌᒋᒃ᙮

ᐅᐸᓓᑭᔅ ᒫᑎᐤ 15:33

ᑮ ᐃᑎᑯ ᒫᑲ ᐅ ᑭᔅᑭᓄᐊᒪᐙᑲᓇ, ᑖᓐᑌ ᑫ ᐅᒋ ᐋᔭᐗᒃ ᐅᑕ ᐸᑾᑖᔅᑲᒥᑳᒃ ᐊᓚᑯᓇᐤ ᐃᔥᐱᔥ ᑭᒋ ᑮᔥᐳᐊᑭᒃ ᐅᑯ ᐁᔅᐱᒋ ᒥᒉᑎᒋᒃ ᐃᓕᓕᐗᒃ?