25 ᐁᑯ ᐱᐁᒋ ᓇᐗᑭᔅᑕᐙᑦ, ᐁ ᐃᑗᑦ, ᑌᐯᓕᒋᑫᔭᓐ ᐎᒋᐃᓐ᙮
ᒥᒉᑡᐤ ᒫᑲ ᑮ ᒪᒍᔅᑌᐌᐱᓂᑯ, ᓀᔥᑕ ᐸᑲᔅᑕᐌᐌᐱᓂᑯ᙮ ᑭᒋ ᓂᔑᐗᓃᒋᐃᑯᑦ: ᒫᑲ ᑮᔥᐱᓐ ᑫᒀᓐ ᑫ ᑮ ᑐᑕᒧᐗᓀ, ᑭᑎᒪᑫᓕᒥᓈᓐ, ᓀᔥᑕ ᐎᒋᐃᓈᓐ᙮
ᒥᔮᒪᐎᒥᒉᑎᒋᒃ ᐃᓕᓕᐗᒃ ᒫᑲ ᑮ ᑭᑕᐊᒪᐌᐗᒃ ᑭᒋ ᑭᐱᑐᐌᓕᒋ: ᒫᑲ ᐊᐙᓯᑌ ᑮ ᑌᐺᐗᒃ, ᐁ ᐃᑗᒋᒃ, ᔕᐌᓕᒥᓈᓐ, ᐅ ᑌᐯᓕᒋᑫᔭᓐ, ᑌᐱᑦ ᐌᑯᓯᓯᒥᔉ᙮
ᐁᑯ ᒫᑲ ᐱᐁᒋ ᓈᑎᑯᑦ ᐊᓂᐃ ᓈᐱᑾᓂᒃ ᑳ ᐃᑖᓕᒋ, ᑮ ᓇᐗᑮᔅᑖᑯ ᒫᑲ, ᐁ ᐃᑗᓕᒋ, ᑖᐺ ᑭᓚ ᑭᒋᒪᓂᑐ ᐅᑯᓯᓴ᙮
ᑣᔦᒃ ᒫᑲ ᐅᑖᐎᔭ ᐊᓇ ᐊᐙᔑᔥ ᑮ ᑌᐺᓕᐗ, ᓀᔥᑕ ᑮ ᐃᑗᓕᐗ ᐁ ᐅᒋᑲᐙᐱᓕᒋ, ᑌᐯᓕᒋᑫᔭᓐ, ᓂ ᑖᐺᑌᓐ; ᐎᒋᑕ ᓂᑦ ᐋᓉᑕᒧᐎᓐ᙮
ᒫᑎᑲ, ᒫᑲ ᑮ ᐯᒋ ᓈᑎᑯ ᐅᓓᑉᕈᓯᐃᑖᔅᐱᓀᐗ, ᑮ ᓇᐗᑮᔅᑖᑯ ᒫᑲ, ᐁ ᐃᑗᓕᒋ, ᑌᐯᓕᒋᑫᔭᓐ, ᑮᔥᐱᓐ ᐃᑌᓕᑕᒪᓀ, ᑭ ᑳ ᑮ ᐸᔦᑭᐃᓐ᙮
ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑗᐤ, ᓇᒪᐎᓚ ᒥᓨᔑᓐ ᑭᒋ ᐅᑎᓂᒥᒋ ᐊᐙᔑᔕᒃ ᐅᑦ ᐊᓚᑯᓇᒥᐙᐗ, ᓀᔥᑕ ᑭᒋ ᐌᐱᓇᒫᒋᒃ ᐊᑎᒶᒃ᙮
