ᐅᐸᓓᑭᔅ ᒫᑎᐤ 14:14 - ᐅᔅᑭ ᑎᔅᑌᒥᓐᑦ

¹⁴ ᒋᓴᔅ ᒫᑲ ᐁ ᑭᑐᑌᑦ, ᑮ ᐙᐸᒣᐤ ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ, ᑮ ᑭᑎᒫᑫᓕᒣᐤ ᒫᑲ, ᑮ ᒥᓇᐙᒋᐃᒣᐤ ᒫᑲ ᐅᑦ ᐋᑯᓯᒥᐗᐗ᙮

ᐅᐸᓓᑭᔅ ᒫᑎᐤ 14:14 Referans Kwoze

ᐦᐃᑉᕉᐗ 4:15

ᐌᓴ ᓇᒪᐎᓚ ᑭᑦ ᐋᔭᐙᓇᐤ ᑭᒋ ᓵᓵᑭᐎᓕᐌᐎᓕᓕᐤ ᐁᑳ ᑫ ᑮ ᐃᑕᒪᒋᑖᑦ ᑭᑦ ᐊᓕᒥᓯᐎᓂᓇᐗ; ᒫᑲ ᒥᓯᐌ ᐃᔑ ᑮ ᑲᑴᒋᐊᐤ ᑖᐱᔅᑯᒡ ᑭᓚᓈᓇᐤ, ᓇᒪᐎᓚ ᒫᑲ ᑮ ᒪᒋᑐᑕᒻ᙮

ᐅᐸᓓᑭᔅ ᒫᑎᐤ 9:36

ᒫᑲ ᐃᔅᐱ ᐎᐋᐸᒫᑦ ᒥᔮᒪᐎᒥᒉᑎᓕᒋ ᐃᓕᓕᐗ, ᑮ ᔕᐌᑌᐁᑐᑕᐌᐤ; ᐌᓴ ᑮ ᐋᔦᔅᑯᓯᐗᒃ, ᓀᔥᑕ ᓇᓈᓂᔅ ᑮ ᐋᐃᑕᐗᒃ, ᑖᐱᔅᑯᒡ ᒫᓂᔥᒑᓂᔕᒃ ᐁᑳ ᐁ ᐅᒫᓂᔥᒑᓂᔑᐎᓕᓕᒥᒋᒃ᙮

ᐦᐃᑉᕉᐗ 2:17

ᐁᐗᑯ ᒫᑲ ᐅᒋ ᒥᓯᐌ ᐃᔑ ᑮ ᐃᑕᔅᑌᓕᐤ ᑭᒋ ᐃᔑᐋᑲᓂᐎᑦ ᑖᐱᔅᑯᒡ ᐎᒋᔖᓇ; ᑭᒋ ᔕᐌᓕᒋᑫᐎ ᓀᔥᑕ ᑾᔭᔅᑭᑎᐎ ᑭᒋᓵᓵᑭᐎᓕᐌᐎᓕᓕᐎᑦ, ᐊᓂᐃ ᑫᒀᓇ ᐅᒋ ᑳ ᑎᐯᓕᑕᒥᓕᒋ ᑭᒋᒪᓂᑐᐗ, ᑭᒋ ᑎᐸᐊᒸᑦ ᐃᓕᓕᐗ ᐅ ᒪᒋᑣᐎᓂᓕᐗ᙮

ᐦᐃᑉᕉᐗ 5:2

ᐊᐌᓇ ᑳ ᑲᔥᑭᑖᑦ ᑭᒋ ᑭᑎᒫᑫᓕᒫᑦ ᐊᓂᐃ ᑳ ᑲᑫᐹᑎᓯᓕᒋ, ᐊᓂᐃ ᓀᔥᑕ ᑳ ᐸᔅᑫᐊᒣᓕᒋ; ᐌᓴ ᐎᓚ ᑫᒋᐙᒃ ᐁ ᐙᔅᑳᔅᑳᑯᑦ ᓂᓚᒥᓯᐎᓂᓂᐤ᙮

ᐅᐸᓓᑭᔅ ᓘᒃ 19:41

ᐃᔅᐱ ᒫᑲ ᑭᔑᐙᒃ ᑌᑯᔑᒃ, ᑮ ᑲᓇᐙᐸᑕᒻ ᐃᑖᐎᓂᓕᐤ, ᓀᔥᑕ ᑮ ᒫᑐᑐᑕᒻ,

ᐅᐸᓓᑭᔅ ᓘᒃ 7:13

ᐃᔅᐱ ᒫᑲ ᐅᑎᐯᓕᒋᑫᐤ ᐎᐋᐸᒫᑦ, ᑮ ᑭᑎᒫᑫᓕᒣᐤ, ᑮ ᐃᑌᐤ ᒫᑲ, ᐁᑳᐎᓚ ᒫᑐ᙮

ᐅᐸᓓᑭᔅ ᒫᕐᒃ 9:22

ᒥᒉᑡᐤ ᒫᑲ ᑮ ᒪᒍᔅᑌᐌᐱᓂᑯ, ᓀᔥᑕ ᐸᑲᔅᑕᐌᐌᐱᓂᑯ᙮ ᑭᒋ ᓂᔑᐗᓃᒋᐃᑯᑦ: ᒫᑲ ᑮᔥᐱᓐ ᑫᒀᓐ ᑫ ᑮ ᑐᑕᒧᐗᓀ, ᑭᑎᒪᑫᓕᒥᓈᓐ, ᓀᔥᑕ ᐎᒋᐃᓈᓐ᙮

ᐅᐸᓓᑭᔅ ᒫᕐᒃ 6:34

ᒋᓴᔅ ᒫᑲ ᐃᔅᐱ ᐱᐁᒋ ᐗᓚᐐᑦ, ᑮ ᐙᐸᒣᐤ ᒥᒉᑦ ᐃᓕᓕᐗ, ᓀᔥᑕ ᑮ ᔕᐎᑌᐁᑐᑕᐌᐤ, ᐌᓴ ᑖᐱᔅᑯᒡ ᒫᓂᔥᒑᓂᔕᒃ ᐁᑳ ᐁ ᐅ ᒫᓂᔥᒑᓂᔑᐎᓕᓕᒥᒋᒃ ᑮ ᐃᔑᓈᑯᓯᐗᒃ: ᑮ ᒫᒋ ᑭᔅᑭᓄᐊᒪᐌᐤ ᒫᑲ ᒥᒉᑦ ᑫᒀᓇ᙮

ᐅᐸᓓᑭᔅ ᒫᑎᐤ 4:23

ᒋᓴᔅ ᒫᑲ ᑮ ᐸᐹᐃᑐᑌᐤ ᒥᓯᐌ ᑳᓖᓖᒃ, ᐁ ᑭᔅᑭᓄᐊᒫᑫᑦ ᐅᑦ ᐋᔭᒥᐁᐎᑲᒥᑯᓖᒃ, ᐁ ᐙᐎᑕᒫᑫᑦ ᒫᑲ ᑭᒋᑭᔑᑳᐎ ᐅᑭᒫᐎᐎᓂ ᒥᓗᐋᒋᒧᐎᓂᓕᐤ, ᐁ ᒥᓇᐙᒋᑖᑦ ᒥᓯᐌ ᐃᔑ ᐋᑯᓯᐎᓂᓕᐤ ᓀᔥᑕ ᒥᓯᐌ ᓇᓈᑲᐤ ᑳ ᐃᑖᔅᐱᓀᓕᒋ ᐃᓕᓕᐗ᙮

ᐅᐸᓓᑭᔅ ᒫᑎᐤ 14:15

ᐃᔅᐱ ᒫᑲ ᐌᑖᑯᔑᒃ, ᑮ ᐯᒋ ᓈᑎᑯ ᐅ ᑭᔅᑭᓄᐊᒪᐙᑲᓇ, ᑮ ᐃᑎᑯ ᒫᑲ, ᐸᑾᑕᔅᑲᒥᑲᐤ ᐅᑕ, ᐋᔕᔾ ᒫᑲ ᐊᑾ ᑭᔑᑳᐤ: ᑭᒋᑎᔕᐅᒃ ᒥᔮᒪᐎᒥᒉᑎᒋᒃ ᐃᓕᓕᐗᒃ, ᑭᒋ ᐃᑐᑌᒋᒃ ᐃᑖᐎᓂᔑᒃ, ᑭᒋ ᐊᑖᐌᔅᑕᒫᓱᒋᒃ ᒥᒋᒥᓕᐤ᙮