10 ᑮ ᐃᔑᑎᔕᐌᐤ ᒫᑲ ᐊᐌᓕᐗ ᑭᒋ ᑮᔥᑭᑴᐙᓕᒋ ᒑᓇ ᑭᐸᐅᑐᐎᑲᒥᑯᒃ᙮
ᒫᑲ ᑭᑦ ᐃᑎᓇᐗᐤ, ᐃᓛᐃᒐ ᐋᔕᔾ ᑮ ᑕᑯᔑᓐ, ᓇᒪᐎᓚ ᒫᑲ ᑮ ᐅᒋ ᑭᔅᑫᓕᒣᐗᒃ, ᒫᑲ ᑮ ᑐᑕᐌᐗᒃ ᐱᑯ ᐁ ᐃᑌᓕᑕᑭᒃ: ᐁᑯ ᓀᔥᑕ ᑫ ᐃᔑ ᐙᐎᓴᑫᓕᑕᒥᐋᒋᒃ ᐃᓕᓕᐎᑯᓯᓵᓇ᙮
ᐃᔅᐱ ᒫᑲ ᑮ ᑭᔑᑖᑣᐌ ᐅ ᑎᐹᒋᒧᐎᓂᐗᐤ, ᑲᑕ ᓇᑐᐸᓕᔅᑖᑯᐗᒃ ᐊᓂᐃ ᐊᐌᓯᓴ ᐁᑳ ᒥᓴᔅᑫᔮᒃ ᐙᑎᑳᓂᒃ ᑳ ᐯᒋ ᐅᐱᔅᑳᓕᒋ, ᑲᑕ ᔖᑯᒋᐃᑯᐗᒃ ᒫᑲ, ᓀᔥᑕ ᑲᑕ ᓂᐹᐃᑯᐗᒃ᙮
ᐦᐁᕋᑦ ᒫᑲ ᑮ ᐃᑗᐤ, ᒑᓐ ᓂ ᑮ ᑭᔥᑭᑴᐗᐤ: ᒫᑲ ᐊᐌᓇ ᐊᐗ ᑳ ᐅᒋ ᐯᑕᒫᓐ ᐅᐅ ᑫᒀᓇ? ᑮ ᐎ ᐙᐸᒣᐤ ᒫᑲ᙮
ᒫᑲ ᑭᑦ ᐃᑎᓇᐗᐤ, ᐋᔕᔾ ᑖᐺ ᐃᓛᐃᒐ ᑕᑯᔑᓐ, ᑮ ᑐᑕᐌᐗᒃ ᒫᑲ ᐱᑯ ᑳ ᐃᑌᓕᑕᑭᒃ, ᑳ ᐃᑕᓯᓇᐃᑳᑌᓕᒃ ᐎᓚ ᐅᒋ᙮
ᑭᒋᐅᑭᒪᐤ ᒫᑲ ᑮ ᒥᒋᓚᐌᓯᐤ: ᐁᓕᐌᒃ ᒫᑲ ᐁ ᑮ ᑭᒋᐃᑗᑦ, ᐊᓂᐃ ᓀᔥᑕ ᑳ ᐎᑕᐱᒥᑯᑦ ᐁ ᐎᒋᒥᒋᓱᒥᑯᑦ, ᑮ ᐃᑕᔓᐌᐤ ᑭᒋ ᒥᓕᒥᒋ᙮
ᐅᔅᑎᒀᓐ ᒫᑲ ᑮ ᐯᑖᓂᐗᓂᓕᐤ ᐅᓛᑲᓂᒃ, ᑮ ᒥᓚᐤ ᒫᑲ ᐅᔥᑭᓂᑭᔅᑴᐤ; ᐎᓚ ᒫᑲ ᑮ ᐯᑐᐌᐤ ᐅᑳᐎᔭ᙮
