ᐅᐸᓓᑭᔅ ᒫᑎᐤ 13:23 - ᐅᔅᑭ ᑎᔅᑌᒥᓐᑦ

²³ ᒫᑲ ᐊᓇ ᑳ ᐅᑎᓇᒃ ᓯᒥᓇ ᒥᓗ ᐊᔅᑮᒃ, ᐁᐗᒀᓇ ᑳ ᐯᑕᒃ ᐋᔭᒥᐎᓂᓕᐤ, ᓀᔥᑕ ᑳ ᓂᓯᑐᑕᒃ; ᐊᓯᒋ ᓀᔥᑕ ᑳ ᒥᓂᔑᐎᑦ, ᓀᔥᑕ ᑳ ᓂᑖᐎᑭᐃᐌᑦ, ᐋᑎᑦ ᒥᑖᑐᒥᑕᓇᐤ ᑕᑡᐤ ᐋᓕᐙᒃ ᐋᑎᑦ ᓂᑯᑣᓱᒥᑕᓇᐤ, ᐋᑎᑦ ᓂᔅᑐᒥᑕᓇᐤ᙮

ᐅᐸᓓᑭᔅ ᒫᑎᐤ 13:23 Referans Kwoze

ᐱᓕᐱᔭᓇ 1:11

ᐁ ᓵᑲᔅᑭᓀᔅᑳᑯᔦᒃ ᐁ ᐃᔑ ᒥᓂᔑᐗᒃ ᒀᔭᔅᑖᑎᓯᐎᓐ, ᐊᓂᐃ ᒋᓴᔅ ᙭ ᑳ ᐅᒋ ᐅᑎᒋᐸᓕᑭ, ᑭᒋ ᐅᒋ ᑭᔅᑖᒋᒫᑲᓂᐎᑦ ᓀᔥᑕ ᒫᒥᒋᒫᑲᓂᐎᑦ ᑭᒋᒪᓂᑐ᙮

ᐅᐸᓓᑭᔅ ᒑᓐ 15:16

ᓇᒪᐎᓚ ᑭᓚᐗᐤ ᑭ ᐅᒋ ᐙᐌᓛᐸᒥᓇᐗᐤ, ᒫᑲ ᓂᓚ ᑭ ᑭᑮᐙᐌᓛᐸᒥᑎᓇᐗᐤ, ᓀᔥᑕ ᑭ ᑮ ᐹᑲᓂᐃᑎᓇᐗᐤ ᑭᒋ ᓇᑕᐎ ᓂᑖᐎᑭᑖᔦᒃ ᒥᓂᔕ, ᓀᔥᑕ ᑭ ᒥᓂᔑᒥᐙᐗ ᑭᒋ ᐃᑕᑾᑭ: ᐱᑯ ᑫᒀᓐ ᒫᑲ ᑫ ᓇᑐᑕᒪᐗᐌᑴ ᐅᑖᐎᒪᐤ ᓂᑦ ᐃᔑᓂᑳᓱᐎᓂᒃ ᑭᒋ ᒥᓕᑖᒃ᙮

ᐅᐸᓓᑭᔅ ᒫᑎᐤ 12:33

ᐃᔑᐃᒃ ᒥᓈᑎᒃ ᑭᒋ ᒥᓗᔑᔑᑦ, ᓀᔥᑕ ᐅ ᒥᓂᔕ ᑭᒋ ᒥᓨᔑᓂᓕᑭ; ᓀᔥᑕᐱᑯ ᐃᔑᐃᒃ ᒥᓈᑎᒃ ᑭᒋ ᒫᓛᑎᓯᑦ, ᓀᔥᑕ ᐅ ᒥᓂᔕ ᑭᒋ ᒫᓛᑕᓂᓕᑭ: ᐌᓴ ᒥᓈᑎᒃ ᑭᔅᑫᓚᑖᑯᓯᐤ ᐁ ᐃᔑ ᒥᓂᔑᐎᑦ᙮

ᐅᐸᓓᑭᔅ ᒫᑎᐤ 13:8

ᑯᑕᑭᔭ ᒫᑲ ᑮ ᐸᑭᑎᓋ ᒥᓗ ᐊᔅᑮᒃ, ᑮ ᒥᓂᔑᐗᓋ ᒫᑲ, ᐋᑎᑦ ᒥᑖᑐᒥᑕᓇᐤ ᑕᑡᐤ ᐋᓕᐙᒃ, ᐋᑎᑦ ᓀᔥᑕ ᓂᑯᑣᓱᒥᑕᓇᐤ, ᐋᑎᑦ ᓂᔅᑐᒥᑕᓇᐤ᙮

ᑯᓚᔑᔭᓇ 1:6

ᑳ ᑮ ᐯᒋ ᐅᑎᑎᑯᔦᒃ, ᑖᐱᔅᑯᒡ ᐁ ᐃᑕᑾᒃ ᒥᓯᐌ ᐊᔅᑮᒃ; ᓀᔥᑕ ᑳ ᒥᓂᔑᐗᒃ ᑖᐱᔅᑯᒡ ᓀᔥᑕ ᑳ ᐃᔑ ᒥᓂᔑᔅᑳᑯᔦᒃ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒣᒃ, ᓀᔥᑕ ᐁ ᑮ ᑭᔅᑫᓕᑕᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑖᐺᐎᓂᒃ:

ᐅᐸᓓᑭᔅ ᒫᑎᐤ 3:8

ᓄᑯᑖᒃ ᐃᓴ ᐁ ᐃᔑ ᒥᓂᔑᐗᒃ ᑴᔅᑳᑎᓯᐎᓐ:

ᐅᐸᓓᑭᔅ ᓘᒃ 13:9

ᑮᔥᐱᓐ ᒫᑲ ᒥᓂᔑᐎᑌ, ᑲᑕ ᒥᓨᔑᓐ, ᑮᔥᐱᓐ ᒫᑲ ᐁᑳ, ᐁᑯ ᐹᑎᒫ ᑫ ᑲᐙᐗᑦ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᓂᔓ ᐱᑕᕐ 3:18

ᒫᑲ ᓂᑕᐎᑭᒃ ᔕᐌᓕᒋᑫᐎᓂᒃ, ᓀᔥᑕ ᐅ ᑭᔅᑫᓕᒥᑯᓯᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴ ᙭᙮ ᐎᓚ ᒫᑲ ᑲᑕ ᐎ ᒫᒥᒋᒫᑲᓂᐎᐤ ᐊᓄᒡ ᓀᔥᑕ ᑳᑭᑫ᙮ ᐁᒣᓐ᙮

ᑯᓚᔑᔭᓇ 1:10

ᑭᒋ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᐅᑎᐯᓕᒋᑫᐤ, ᒥᓯᐌ ᐁ ᓇᐃᓚᐌᐁᒃ, ᐁ ᒥᓂᔑᐎᔦᒃ ᒥᓯᐌ ᒥᓗ ᐊᑑᔅᑫᐎᓂᒃ, ᓀᔥᑕ ᐁ ᓚᑭ ᑭᔅᑫᓕᒣᒃ ᑭᒋᒪᓂᑐ;

ᐦᐃᑉᕉᐗ 8:10

ᐌᓴ ᐁᐗᑯ ᐅᒪ ᓇᔅᑯᒥᑐᐎᓐ ᑫ ᐅᔑᑕᒪᐗᑭᒃ ᑳ ᐃᑕᔑᑦ ᐃᔅᕃᐃᓪ ᑮ ᐳᓂᐸᓕᑾᐌ ᐅᐅ ᑭᔑᑳᐗ, ᐃᑗᐤ ᐅᑎᐯᓕᒋᑫᐤ; ᓂ ᑳ ᐸᑭᑎᓀᓐ ᓂᑦ ᐅᓚᔓᐌᐎᓇ ᐅ ᒥᑐᓀᓕᒋᑲᓂᐙᒃ, ᓀᔥᑕ ᓂ ᑳ ᒪᓯᓇᐁᓐ ᐅᑌᐃᐙᒃ; ᓂ ᑳ ᐅ ᑭᒋᒪᓂᑐᒥᒥᑾᒃ ᒫᑲ, ᓀᔥᑕ ᓂ ᑳ ᐅᑦ ᐃᓕᓕᒥᒫᐗᒃ;

ᐦᐃᑉᕉᐗ 4:2

ᐌᓴ ᑭᓚᓈᓇᐤ ᓀᔥᑕ ᑭ ᑮ ᐎᑕᒫᑲᐎᓈᓇᐤ ᒥᓗᐋᒋᒧᐎᓐ, ᑖᐱᔅᑯᒡ ᐎᓚᐗᐤ: ᒫᑲ ᐊᓂᐁᓕᐤ ᐋᔭᒥᐎᓂᓕᐤ ᑳ ᑮ ᐯᑕᑭᒃ ᓇᒪᐎᓚ ᐙᔦᔥ ᑮ ᐃᑖᐸᒋᐃᑯᐗᒃ, ᐁᑳ ᐊᓯᒋ ᐁ ᑮ ᑖᐺᔦᓕᑕᑭᒃ ᐊᓂᑭ ᑳ ᑮ ᐯᑕᑭᒃ᙮

ᓂᔓ ᑌᓴᓗᓂᔭᓇ 2:10

ᓀᔥᑕ ᒥᓯᐌ ᒪᒑᑎᓯᐎᓂ ᑲᑳᔦᓕᓯᐎᓂᒃ ᐊᓂᐃ ᐅᒋ ᑫ ᓂᔑᐗᓈᑎᓯᓕᒋ; ᐁᑳ ᐁ ᑮ ᐅᑎᓇᒥᓕᒋ ᑭᒋ ᓵᑭᑖᓕᒋ ᑖᐺᐎᓂᓕᐤ, ᑭᒋ ᐱᒫᑎᓯᓕᒋ᙮

ᓂᔥᑕᒻ ᑌᓴᓗᓂᔭᓇ 4:1

ᐊᐙᓯᑌ ᑫᔮᐸᒡ ᒫᑲ, ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᓀᔥᑕ ᑲᑫᔅᑭᒥᑎᓈᓐ ᐎᓚ ᐅᒋ ᐅᑎᐯᓕᒋᑫᐤ ᒋᓴᔅ, ᐁ ᑮ ᐃᔑ ᐎᑕᒫᑖᒃ ᑫ ᐃᔑ ᐱᒧᑌᔦᑭᐸᓐ ᓀᔥᑕ ᓇᐃᓚᐌᐁᑭᐸᓐ ᑭᒋᒪᓂᑐ, ᐊᐙᓯᑌ ᓀᔥᑕ ᐊᐙᓯᑌ ᑭᒋ ᐃᔑ ᑐᑕᒣᒃ᙮

ᐱᓕᐱᔭᓇ 4:17

ᓇᒪᐎᓚ ᐁ ᓇᑕᐌᓕᑕᒫᓐ ᒥᓕᐌᐎᓐ; ᒫᑲ ᓂ ᓇᑕᐌᓕᑌᓐ ᑳ ᒥᓂᔑᐗᑭ ᑫ ᐌᓗᒋ ᐃᑕᑭᑕᒫᑲᐎᔦᒃ᙮

ᓂᔓ ᑯᕆᓐᑎᐊᓇ 9:10

ᐊᓇ ᒫᑲ ᑳ ᐅᑎᓇᒪᐙᑦ ᓯᒥᓇ ᐊᓂᐃ ᑳ ᐗᓴᓶᐱᓂᑫᓕᒋ, ᑭ ᑳ ᐎ ᐅᑎᓇᒫᑯᐗᐤ ᐊᓚᑯᓇᐗ ᑭᒋ ᒧᐎᒣᒃ, ᓀᔥᑕ ᑭ ᑳ ᐎ ᓚᑭᑭᑕᐤ ᑭ ᓯᒥᓂᒥᐗᐗ ᑳ ᐗᓴᓶᐱᓂᑳᑌᑭ, ᓀᔥᑕ ᑲᑕ ᐎ ᓚᑭᑭᑕᐤ ᐊᓂᐃ ᐁ ᐃᔑ ᒥᓂᔑᐗᒃ ᑭ ᒀᔭᔅᑭᑖᑎᓯᐎᓂᐗᐤ:

ᐊᐸᔅᑕᓚᒃ 17:11

ᐅᑯ ᐊᐙᓯᑌ ᑮ ᑭᔅᑌᓕᑖᑯᓯᐗᒃ ᐃᔥᐱᔥ ᐊᓂᑭ ᑌᓴᓗᓈᐃᑲᐃᒃ ᑳ ᐃᑖᒋᒃ, ᐊᓂᒪ ᐅᒋ ᐁ ᑮ ᐅᑎᓇᑭᒃ ᐋᔭᒥᐎᓂᓕᐤ ᒥᓯᐌ ᒋᑫᓕᑕᒧᐎᓂᒃ, ᓀᔥᑕ ᐁ ᑮ ᓈᓈᑕᐎᑭᔅᑫᓕᑕᑭᒃ ᒪᓯᓇᐃᑫᐎᓇ ᑕᑡᐤ ᑳᔑᑳᓕᑭ, ᑮᔥᐱᓐ ᐊᓂᐃ ᑫᒀᓇ ᐁ ᐃᑭᓄᐗᑴ᙮

ᐊᐸᔅᑕᓚᒃ 16:14

ᐯᔭᒃ ᐃᔅᑴᐤ ᒫᑲ ᓕᑎᐊ ᐁ ᐃᔑᓂᑳᓱᑦ, ᑳ ᐃᑖᐙᑫᑦ ᒥᑴᑭᓂᓕᐤ, ᑕᐃᐊᑕᐃᕋ ᐃᑖᐎᓂᒃ ᑳ ᐅᒌᑦ, ᑳ ᐅᒋᒋᑾᓇᐱᔅᑕᐗᑦ ᑭᒋᒪᓂᑐᐗ, ᓂ ᑮ ᐯᑖᑯᓈᓐ; ᐁᐗᑯ ᐅᑌᐃᓕᐤ ᐅᑎᐯᓕᒋᑭᐤ ᑮ ᐋᐸᐊᒬᐤ, ᑮ ᓈᑲᑕᐌᓕᑕᒻ ᒫᑲ ᐊᓂᐃ ᑫᒀᓇ ᑳ ᑮ ᐋᓕᒧᑕᒥᓕᒋ ᐹᓚ᙮

ᐅᐸᓓᑭᔅ ᒑᓐ 8:47

ᐊᓇ ᑭᒋᒪᓂᑐᒃ ᑳ ᐅᒌᑦ ᐯᑕᒬᐤ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐗ: ᑭᓚᐗᐤ ᒫᑲ ᓇᒪᐎᓚ ᑭ ᐯᑕᒸᓇᐗᐤ ᐁᑳ ᑭᒋᒪᓂᑐᒃ ᐁ ᐅᒋᔦᒃ᙮

ᐅᐸᓓᑭᔅ ᓘᒃ 8:15

ᒫᑲ ᐊᓂᒪ ᒥᓗ ᐊᔅᑮᒃ, ᐁᐗᒀᓂᑭ, ᐁ ᒀᔭᔅᑯᑌᐁᒋᒃ ᓀᔥᑕ ᐁ ᒥᓗᑌᐁᒋᒃ, ᑳ ᐯᑕᑾᐎ ᐋᔭᒥᐎᓂᓕᐤ, ᑲᓇᐌᓕᑕᒶᒃ, ᓀᔥᑕ ᔑᐱᓚᐌᓯᐎᓂᒃ ᒥᓂᔑᐎᐗᒃ᙮

ᐅᐸᓓᑭᔅ ᒫᕐᒃ 10:15

ᑖᐺ ᑭᑦ ᐃᑎᓇᐗᐤ, ᐊᐌᓇ ᐁᑳ ᑫ ᐅᑎᓇᒸᑴ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ ᑖᐱᔅᑯᒡ ᐊᐱᔅᑕᐙᔑᔥ, ᓇᒪᐎᓚ ᐊᓐᑕ ᑲᑕ ᐱᑐᑫᐤ᙮

ᐅᐸᓓᑭᔅ ᒫᕐᒃ 4:20

ᐅᑯ ᓀᔥᑕ ᐁᐗᒀᓂᑭ ᑳ ᐗᓴᓶᐱᓇᒫᒋᒃ ᒥᓗ ᐊᔅᑮᒃ; ᐊᓂᑭ ᑳ ᐯᑕᑭᒃ ᐋᔭᒥᐎᓂᓕᐤ, ᓀᔥᑕ ᑳ ᐅᑎᓇᑭᒃ, ᓀᔥᑕ ᑳ ᒥᓂᔑᐎᒋᒃ, ᐋᑎᑦ ᓂᔅᑐᒥᑕᓇᐤ, ᐋᑎᑦ ᓂᑯᑣᓱᒥᑕᓇᐤ, ᐋᑎᑦ ᒥᑖᑐᒥᑕᓇᐤ᙮

ᐅᐸᓓᑭᔅ ᒫᑎᐤ 3:10

ᐊᓄᒡ ᒫᑲ ᐊᓯᒋ ᒋᑲᐃᑲᓐ ᐃᑖᓂᑳᑌᐤ ᐁ ᐅᒉᐱᑭᐎᒋᒃ ᒥᔅᑎᑾᒃ; ᐁᐗᑯ ᐅᒋ ᒥᓯᐌ ᑕᑐ ᒥᔅᑎᒃ ᐁᑳ ᑳ ᓂᑖᐎᑭᑖᑦ ᒥᓗᒥᓇ, ᑳᐙᐙᑲᓂᐎᐤ, ᒪᒎᔅᑌᐌᐱᓈᑲᓂᐎᐤ ᒫᑲ᙮

ᐦᐃᑉᕉᐗ 6:7

ᐌᓴ ᐊᔅᑭ ᑳ ᒥᓂᑴᒪᑲᒃ ᑭᒥᐗᓇᐳ ᒥᒉᑡᐤ ᐁᑯᑕ ᑳ ᐸᑭᑎᒃ, ᓀᔥᑕ ᑳ ᓂᑕᐎᑭᑕᒫᑯᒋᒃ ᓂᑕᐎᑭᑖᑲᓂᔕ ᐊᓂᑭ ᑳ ᓄᒋᑖᒋᒃ, ᒥᓦᑭᑕᒻ ᑭᒋᒪᓂᑐ:

ᐅᐸᓓᑭᔅ ᓘᒃ 8:8

ᑯᑕᑭᔭ ᒫᑲ ᑮ ᐸᑭᑎᓋ ᒥᓗ ᐊᔅᑮᒃ, ᓀᔥᑕ ᑮ ᓵᑭᓂᑖᐎᑭᓋ, ᑮ ᒥᓂᔑᐗᓋ ᒫᑲ ᒥᑖᑐᒥᑕᓇᐤ ᑕᑡᐤ ᐋᓕᐙᒃ᙮ ᐃᔅᐱ ᒫᑲ ᐅᐅ ᑫᒀᓇ ᑳ ᑮ ᐃᑗᑦ, ᑮ ᑌᐺᐤ, ᐊᓇ ᑳ ᐅᑖᐗᑳᑦ ᑭᒋ ᐯᑕᒃ ᐁᑯᔑ ᑲᑕ ᐯᑕᒻ᙮