26 ᐁᑯᔑ ᐁᑯ ᑫ ᐃᑭᒃ, ᓄᑖ; ᐌᓴ ᐁᐗᑯ ᐁᔑ ᒥᓗ ᐃᑌᓕᑕᒪᓐ᙮
ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;
ᑳ ᐃᑕᔅᑌᒃ ᐊᓂᒪ ᑳᑭᑫ ᑫᒋᓀᓕᑕᒧᐎᓐ, ᑳ ᑮ ᑫᒋᓀᓕᑕᒃ ᙭ ᒋᓴᓯᒃ ᑭ ᑎᐯᓕᒋᑫᒥᓇᐤ;
ᐊᓇ ᓀᔥᑕ ᑳ ᑮ ᐅᒋ ᐋᔮᔭᒃ ᑎᐱᓚᐌᐎᓯᐎᓐ, ᐁ ᓂᑳᓂᑭᔅᑭᓇᐌᓕᒥᑲᐎᔭᒃ ᐁ ᐃᔑ ᑫᒋᓀᓕᑕᒃ ᐊᓇ ᑳ ᐋᔨᑐᑕᒃ ᒥᓯᐌ ᑫᒀᓇ ᐁ ᐃᔑ ᑲᑫᔅᑭᒥᐌᒪᑲᓂᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ:
ᐁ ᑮ ᑭᔅᑫᓕᑕᒥᐃᑕᒃ ᐁ ᐃᔑ ᑳᑖᓂᐗᓂᓕᒃ ᐅᑦ ᐃᑌᓕᑕᒧᐎᓐ, ᐁ ᐃᔑ ᒥᓗ ᐃᑌᓕᑕᒃ, ᐎᓚ ᑫᒋᐙᒃ ᑳ ᑮ ᐃᑌᓕᑕᒃ;
ᐁᐗᑯ ᐅᒋ ᔕᐌᓕᒣᐤ ᐊᓂᐃ ᐙ ᔕᐌᓕᒫᑦ, ᓀᔥᑕ ᐊᓂᐃ ᐁᑌᓕᒫᑦ ᒪᔥᑲᐎᑌᐁᐁᐤ᙮
ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᒋᓴᔅ ᑮ ᒥᓚᐙᑕᒻ ᐅᑦ ᐊᒑᑯᒃ, ᑮ ᐃᑗᐤ ᒫᑲ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ ᑌᐯᓕᒋᑫᔭᓐ ᑭᒋᑭᔑᑯᒃ, ᓀᔥᑕ ᐊᔅᑭᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ: ᐁᑯᔑ ᐁᑯ ᑫ ᐃᑭᒃ, ᓄᑖ; ᐌᓴ ᐁᐗᑯ ᐁᔑ ᒥᓗ ᐃᑌᓕᑕᒪᓐ᙮
ᐁ ᐃᑗᑦ, ᓄᑖ, ᑮᔥᐱᓐ ᐙ ᑐᑕᒧᐗᓂ, ᐃᑲᑌᓇᒪᐎᓐ ᐅᒪ ᒥᓂᒀᑲᓐ: ᐁᓕᐌᒃ ᒫᑲ, ᓇᒪᐎᓚ ᓂᓚ ᐁ ᐃᑌᓕᑕᒫᓐ, ᒫᑲ ᐁ ᐃᑌᓕᑕᒪᓐ ᑭᓚ, ᑲᑕ ᐃᑭᓐ᙮
ᐁᑯ ᐁᑗᑦ ᒋᓴᔅ, ᓄᑖ, ᐌᐯᓕᑕᒪᐎᒃ; ᐌᓴ ᓇᒪᐎᓚ ᑭᔅᑫᓕᑕᒶᒃ ᑫᒀᓕᐤ ᑳ ᑐᑕᑭᒃ᙮ ᑮ ᒫᑎᓇᒫᑐᐗᒃ ᒫᑲ ᐅ ᐎᓛᒋᑲᓂᓕᐗ ᓀᔥᑕ ᑮ ᒪᐃᑲᓈᑎᑯᑫᐗᒃ᙮
ᐁᑯ ᑳ ᐃᑲᑌᓈᒋᒃ ᐊᓯᓂᔭ ᐊᓐᑕ ᐅᒋ ᐁ ᐱᒥᔑᒫᑲᓂᐎᓕᒋ ᐊᓂᐁᓕᐗ ᑳ ᓂᐱᓕᒋ᙮ ᒋᓴᔅ ᒫᑲ ᑮ ᑕᔅᑕᓵᐱᐤ, ᓀᔥᑕ ᑮ ᐃᑗᐤ, ᓄᑖ, ᑭ ᓈᓈᔅᑯᒥᑎᓐ ᐁ ᑮ ᓇᑐᑕᐎᔭᓐ᙮
ᐊᓄᒡ ᓂᑦ ᐊᒑᒃ ᒥᑯᔥᑳᑌᓕᑕᒻ; ᑖᓂ ᒫᑲ ᑫ ᐃᑗᔮᓐ? ᓄᑖ, ᒥᑖᑴᓇᒪᐎᓐ ᐅᒪ ᑎᐹᔨᑲᓐ ᐱᓯᒧᑳᓂᒃ: ᒫᑲ ᐁᐗᑯ ᐅᒪ ᑳ ᐅᒋ ᐅᑎᑕᒫᓐ ᐅᒪ ᑎᐹᔨᑲᓐ ᐱᓯᒧᑳᓂᒃ᙮
ᓄᑖ, ᑭᔅᑌᓕᑖᑯᑕ ᑭᑦ ᐃᔑᓂᑳᓱᐎᓐ᙮ ᐁᑯ ᐱᐁᑖᑾᒃ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᓂ ᑮ ᑭᔅᑌᓕᑖᑯᑖᓐ, ᒥᓇ ᒫᑲ ᓂ ᑳ ᑭᔅᑌᓕᑖᑯᑖᓐ᙮
