ᐅᐸᓓᑭᔅ ᒫᑎᐤ 11:20 - ᐅᔅᑭ ᑎᔅᑌᒥᓐᑦ

²⁰ ᐁᑯ ᒥᐋᒋ ᑭᑐᑕᒃ ᐊᓂᐃ ᐃᑖᐎᓇ ᐃᑕ ᑳ ᐃᑐᒋᑳᑌᓕᑭ ᐅᓵᒻ ᐅ ᒫᒪᔅᑳᒋ ᐊᑑᔅᑫᐎᓇ, ᐁᑳ ᐁ ᑴᔅᑳᑎᓯᓕᒋ᙮

ᐅᐸᓓᑭᔅ ᒫᑎᐤ 11:20 Referans Kwoze

ᑭᔅᑫᓕᑖᑯᑖᑫᐎᓐ 2:21

ᓂ ᑮ ᑕᐎᓇᒪᐗᐤ ᒫᑲ ᑭᒋ ᒥᒋᓚᐌᔦᓕᑕᒃ ᐅ ᐱᔑᑾᑎᓯᐎᓐ; ᓇᒪᐎᓚ ᒫᑲ ᑮ ᐅᒋ ᒥᒋᓚᐌᔦᓕᑕᒻ᙮

ᑭᔅᑫᓕᑖᑯᑖᑫᐎᓐ 16:11

ᑮ ᐹᔅᑕᒣᐗᒃ ᒫᑲ ᑭᒋᒪᓂᑐᐗ ᑭᒋᑭᔑᑯᒃ ᑳ ᐃᑖᓕᒋ ᐅ ᐎᓴᑲᐱᓀᐎᓂᐙᐗ ᓀᔥᑕ ᐅ ᐎᓴᑭᓯᐎᓂᐙᐗ ᐅᒋ, ᓇᒪᐎᓚ ᒫᑲ ᑮ ᒥᒋᓚᐌᔦᓕᑕᒶᒃ ᐅᑦ ᐃᓯᒋᑫᐎᓂᐙᐗ᙮

ᑭᔅᑫᓕᑖᑯᑖᑫᐎᓐ 16:9

ᐃᓕᓕᐗᒃ ᒫᑲ ᑮ ᐃᔅᒀᓱᐗᒃ ᓈᔅᐱᒡ ᐁ ᑭᔑᑌᓕᒃ, ᓀᔥᑕ ᑮ ᐹᔅᑕᒧᑕᒬᐗᒃ ᑭᒋᒪᓂᑐᐗ ᐅᑦ ᐃᔑᓂᑳᓱᐎᓂᓕᐤ, ᐊᓇ ᑳ ᑎᐯᓕᑕᒃ ᐅᐅ ᐋᑯᐃᑖᔅᐱᓀᐎᓇ: ᓇᒪᐎᓚ ᒫᑲ ᑮ ᒥᒋᓚᐌᔦᓕᑕᒶᒃ ᑭᒋ ᒫᒥᒋᒫᒋᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:5

ᑮᔥᐱᓐ ᒫᑲ ᐊᐌᓇ ᐁ ᐃᑕᔑᔦᒃ ᐁᑳ ᐁᔮᑴ ᑲᑫᑕᐌᓕᑕᒧᐎᓂᓕᐤ, ᐁᑯᔑ ᑲᑕ ᓇᑐᑕᒪᐌᐤ ᑭᒋᒪᓂᑐᐗ, ᐊᓇ ᑳ ᑭᔐᐙᑎᓯᐎ ᒥᓛᑦ ᒥᓯᐌ ᐃᓕᓕᐗ, ᐁᑳ ᓀᔥᑕ ᑳ ᑭᑐᑖᑦ; ᑲᑕ ᒥᓛᑲᓂᐎᐤ ᒫᑲ᙮

ᐊᐸᔅᑕᓚᒃ 17:20

ᐌᓴ ᑮ ᐯᑖᓐ ᐊᑎᑦ ᒫᒪᔅᑳᒋ ᑫᒀᓇ ᓂᑕᐗᑳᓈᒃ: ᐁᐗᑯ ᐅᒋ ᓂ ᐎ ᑭᔅᑫᓕᑌᓈᓐ ᑖᓐ ᐁᑣᒋᑳᑌᑭ ᐅᐅ ᑫᒀᓇ᙮

ᐅᐸᓓᑭᔅ ᒫᕐᒃ 16:14

ᐹᑎᒪ ᑮ ᓄᑯᓰᔅᑕᐌᐤ ᐊᓂᐃ ᐯᔭᑯᔖᑉ ᒣᒀᒡ ᐁ ᐊᐱᓕᒋ ᐁ ᒥᒋᓱᓕᒋ, ᓀᔥᑕ ᑮ ᑭᑐᑌᐤ ᐁ ᐋᓉᑕᒥᓕᒋ ᓀᔥᑕ ᐁ ᒪᔥᑲᐎᑌᐁᓕᒋ, ᐁᑳ ᐁ ᑮ ᑖᐺᑕᐙᓕᒋ ᐊᓂᐃ ᑳ ᑮ ᐙᐸᒥᑯᑦ ᑳ ᐗᓂᔥᑳᑦ᙮

ᐅᐸᓓᑭᔅ ᒫᕐᒃ 9:19

ᑮ ᓇᔥᑴᐗᔑᐁᐤ ᒫᑲ, ᐁ ᐃᑖᑦ, ᐅ ᐁᑳ ᐌᑖᐺᑕᒧᐎᓂᔦᒃ ᑳ ᐋᓂᔅᑫᐱᒫᑎᓯᔦᒃ! ᑖᓀᓕᑯᒃ ᑫ ᐄᒉᐎᑕᑾᒃ? ᑖᓀᓕᑯᒃ ᑫ ᐯᐃᑖᑾᒃ? ᐯᑐᐎᓐ ᓂᓚ᙮

ᐅᐸᓓᑭᔅ ᒫᑎᐤ 12:41

ᓂᓂᐱ ᐃᓕᓕᐗᒃ ᑲᑕ ᐎᒋᑳᐸᐎᔅᑕᐌᐗᒃ ᑎᐹᔅᑯᓂᑫᐎᓂᒃ ᐅᐅ ᐊᓄᒡ ᑳ ᐱᒫᑎᓯᓕᒋ, ᑲᑕ ᓂᔑᐗᓈᒋᒣᐗᑦ ᒫᑲ: ᐌᓴ ᑮ ᒥᒋᓚᐌᔦᓕᑕᒶᒃ ᐁ ᑮ ᑲᑫᔅᑭᒥᐌᓕᒋ ᒍᓇᐗ; ᒫᑎᑲ, ᒫᑲ, ᐊᐌᓇ ᐊᐙᓯᑌ ᐁ ᐃᔅᐯᓕᑖᑯᓯᑦ ᐃᔥᐱᔥ ᒍᓇ ᐅᑕ ᐃᑖᐤ!

ᓂᔓ ᑯᕆᓐᑎᐊᓇ 12:21

ᒫᔅᑯᒡ ᓀᔥᑕ, ᐃᔅᐱ ᒥᓇ ᑕᑯᔑᓂᔮᓀ, ᓂ ᑭᒋᒪᓂᑐᒻ ᓂ ᑳ ᑕᐸᒥᓕᒥᐃᒃ ᐃᑕ ᐁ ᐃᑖᔦᒃ, ᓀᔥᑕ ᓂ ᑳ ᒫᑐᑐᑕᐙᐗᒃ ᒥᒉᑦ ᐋᔕᔾ ᑳ ᑮ ᒪᒋᑐᑕᑭᒃ, ᐁᑳ ᓀᔥᑕ ᑳ ᑮ ᒥᑖᑕᑭᒃ ᐎᓂᓯᐎᓂᓕᐤ, ᓀᔥᑕ ᐱᔑᒀᑎᓯᐎᓂᓕᐤ, ᓀᔥᑕ ᐱᔑᒀᑎᓯᐎ ᐃᑌᓕᑕᒧᐎᓂᓕᐤ ᑳ ᑮ ᐋᔨᑐᑕᑭᒃ᙮