6 ᔮᓕᑌᓐ ᒫᑲ ᓈᑎᑯᒃ ᐌᓂᔑᑭᒃ ᒫᓂᔥᒑᓂᔕᒃ ᐃᔅᕃᐃᓪ ᐅ ᐙᔅᑳᔨᑲᓂᒥᒃ᙮
ᐌᓴ ᑭ ᑮ ᓇᔅᐱᑕᐙᐗᐗᒃ ᒫᓂᔥᒑᓂᔕᒃ ᐁ ᐗᓂᔑᑭᒃ; ᒫᑲ ᐊᓄᒡ ᑮ ᑭᐌᑐᑕᐗᐗᐤ ᑭᑦ ᐊᒑᑯᐗᐗᒃ ᐅ ᒫᓂᔥᒑᓂᔑᐎᓕᓕᒥᐙᐗ ᓀᔥᑕ ᐅ ᑭᒋᐋᔭᒥᐁᐎᑭᒫᒥᐗᐗ᙮
ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮
ᑭᓚᐗᐤ ᐅᒋ ᓃᔥᑕᒻ ᑭᒋᒪᓂᑐ, ᐁ ᑮ ᐗᓂᔥᑳᓇᑦ ᐅᑯᓯᓴ ᒋᓴᓴ, ᑮ ᐃᔑᑎᔕᐌᐤ ᑭᒋ ᒥᓦᑭᒥᑖᒃ, ᐁ ᑴᔅᑭᓂᑖᒃ ᑕᑐ ᐁ ᐃᑕᔑᔦᒃ ᑭ ᒪᒑᑎᓯᐎᓂᐙᒃ ᐅᒋ᙮
ᔮᒀᒥᓰᒃ ᐁᑳ ᑭᒋ ᐋᑕᐌᓕᒣᒃ ᐯᔭᒃ ᐅᑯ ᑳ ᐋᐱᔅᑌᓕᑖᑯᓯᒋᒃ; ᐌᓴ ᑭᑦ ᐃᑎᓇᐗᐤ, ᑭᒋᑭᔑᑯᒃ ᐅᑦ ᐁᓐᒐᓕᒥᐙᐗ ᒧᔕᒃ ᑲᓇᐙᐸᒥᒣᓕᐗ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮
ᒫᑲ ᓃᔥᑕᒻ ᓂ ᑮ ᐙᐸᑎᓛᐗᒃ ᐊᓂᑭ ᑎᒫᔅᑲᓯᒃ ᑳ ᐃᑖᒋᒃ ᓀᔥᑕ ᒋᕉᓴᓚᒥᒃ, ᓀᔥᑕ ᒥᓯᐌ ᐙᔅᑲ ᒎᑎᐊᐃᒃ, ᐁᑯ ᓀᔥᑕ ᒉᓐᑖᐃᓚᒃ, ᑭᒋ ᑴᔅᑳᑎᓯᒋᒃ ᓀᔥᑕ ᑭᒋ ᑴᔅᑭᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑐᑕᑭᒃ ᐁ ᐃᔑ ᐊᑑᔅᑫᒪᑲᒃ ᑴᔅᑳᑎᓯᐎᓐ᙮
ᐃᔅᐱ ᒫᑲ ᑳ ᐋᓉᑖᑫᒋᒃ, ᓀᔥᑕ ᐁ ᐸᐸᔅᑖᒧᒋᒃ, ᑮ ᐸᐸᐎᐸᓕᑕᐤ ᐅ ᐎᓚᒋᑲᓐ, ᑮ ᐃᑌᐤ ᒫᑲ, ᑭᒥᑯᐙᐤ ᑲᑕ ᐊᔅᑌᐤ ᑎᐯᓚᐌ ᑭᔅᑎᒀᓂᐙᒃ: ᓂᓚ ᓂ ᐸᔦᑭᓯᓐ: ᐊᓄᒡ ᐅᒋ ᓂ ᑳ ᓈᑖᐗᒃ ᐊᓂᑭ ᒉᓐᑖᐃᓚᒃ᙮
ᓀᔥᑕ ᑴᔅᑳᑎᓯᐎᓐ, ᓀᔥᑕ ᐁ ᐊᔐᓂᑳᑌᑭ ᒪᒋᑐᑕᒧᐎᓇ ᑭᒋ ᐙᐎᒋᑳᑌᒃ ᐅᑦ ᐃᔑᓂᑳᓱᐎᓂᒃ, ᐃᑕ ᐁ ᐃᑖᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓃᔥᑕᒻ ᒋᕉᓴᓚᒥᒃ ᐁ ᐙᐎᒋᑳᑌᒃ᙮
ᐌᓴ ᐃᓕᓕᐎᑯᓯᓵᓐ ᑮ ᐯᒋ ᐃᑐᑌᐤ ᑭᒋ ᐱᒫᒋᑖᑦ ᐊᓂᐁᓕᐤ ᑳ ᐗᓂᑎᓂᓕᒃ᙮
