4 ᓵᐃᒪᓐ ᑳ ᑫᓇᐃᓕᓕᐎᑦ, ᓀᔥᑕ ᒎᑕᔅ ᐃᔅᑳᕆᔭᑦ, ᐊᓇ ᑳ ᐙᔦᔑᐸᑭᑎᓈᑦ᙮
ᐁᑯ ᐯᔭᒃ ᐊᓂᑭ ᓂᔓᔖᑉ, ᒎᑕᔅ ᐃᔅᑳᕆᔭᑦ ᐁᔑᓂᑳᓱᑦ, ᓂᔮᑖᑦ ᑭᒋ ᓵᓵᑭᐎᓕᐌᐎᓕᓕᐗ,
ᐁᑯ ᑳ ᑭᔑ ᓂᐯᒀᓂᐗᒃ, ᒪᒋᒪᓂᑐ ᐁ ᑮ ᐸᑭᑎᓇᒸᑦ ᐅᑌᐃᓕᒃ ᒎᑕᔅ ᐃᔅᑳᕆᔭᑕ ᓵᐃᒪᓐ ᐅᑯᓯᓴ, ᑭᒋ ᐙᔦᔑᐸᑭᑎᓈᓕᒋ;
ᑮ ᐋᓕᒧᒣᐤ ᒎᑕᔅ ᐃᔅᑳᕆᔭᑕ, ᓵᐃᒪᓐ ᐅᑯᓯᓴ: ᐌᓴ ᐁᐗᒀᓂᐃ ᑫ ᐙᔦᔑᐸᑭᑎᓂᑯᑦ, ᐁ ᐊᔑᑕᑭᒫᑲᓂᐎᓕᒋ ᐊᓂᐃ ᓂᔓᔖᑉ᙮
ᑣᔦᒃ ᒫᑲ, ᒣᒀᒡ ᑫᔮᐸᒡ ᐁ ᐋᔭᒥᑦ, ᑕᑯᔑᓐ ᒎᑕᔅ, ᐯᔭᒃ ᐊᓂᑭ ᓂᔓᔖᑉ, ᐁ ᐎᒉᐎᑯᑦ ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ, ᔑᒫᑲᓇ ᓀᔥᑕ ᓴᔅᑲᐅᓇ ᐁ ᐋᔮᓕᒋ, ᑳ ᐯᒋᑎᔕᐅᑯᓕᒋ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐅᒪᓯᓇᐃᑫᐗ, ᓀᔥᑕ ᑳ ᓂᑳᓀᓕᑖᑯᓯᓕᒋ᙮
ᒣᒀᒡ ᑫᔮᐸᒡ ᐁ ᐋᔭᒥᑦ ᒫᑲ, ᒫᑎᑲ, ᒎᑕᔅ, ᐯᔭᒃ ᐊᓂᑭ ᓂᔓᔖᑉ, ᑮ ᐯᒋ ᐃᑐᑌᐤ, ᐁ ᐎᒉᐙᑦ ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ, ᔑᒫᑲᓇ ᓀᔥᑕ ᓴᔅᑲᐅᓇ ᐁ ᐋᔮᓕᒋ, ᑳ ᐯᒋᑎᔕᐅᑯᓕᒋ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᑳ ᓂᑳᓀᓕᑖᑯᓯᓕᒋ ᐃᓕᓕᐗ᙮
ᒣᒀᒡ ᒫᑲ ᑫᔮᐸᒡ ᐁ ᐋᔭᒥᑦ, ᒫᑎᑲ, ᒥᔮᒪᐎᒥᒉᑎᒋᒃ ᐃᓕᓕᐗᒃ, ᐊᓇ ᓀᔥᑕ ᒎᑕᔅ ᑳ ᐃᔑᓂᑳᓱᑦ, ᐯᔭᒃ ᐊᓂᑭ ᓂᔓᔖᑉ, ᐁ ᓂᑳᓄᑕᐙᑦ, ᑮ ᐊᑎ ᐯᔣᐸᒣᐤ ᒫᑲ ᒋᓴᓴ ᑭᒋ ᐅᒉᒫᑦ᙮
ᐁᑯ ᓭᑖᓐ ᐹᑐᑫᔅᑳᑯᐙᑦ ᒎᑕᓴ ᑳ ᐊᔅᐱᓂᑳᓱᓕᒋ ᐃᔅᑳᕆᔭᑦ, ᐁ ᐊᔑᑕᑭᒫᑲᓂᐎᓕᒋ ᐊᓂᐃ ᓂᔓᔖᑉ᙮
ᒎᑕᔅ ᐃᔅᑳᕆᔭᑦ ᒫᑲ, ᐯᔭᒃ ᐊᓂᑭ ᓂᔓᔖᑉ, ᑮ ᓈᑌᐤ ᑭᒋ ᓵᓵᑭᐎᓕᐌᐎᓕᓕᐗ, ᑭᒋ ᐙᔦᔑᐸᑭᑎᓇᒪᐙᑦ᙮
ᐁᑯ ᒎᑕᔅ, ᑳ ᑮ ᐙᔦᔑᐸᑭᑎᓈᑦ, ᐃᔅᐱ ᐎᐋᐸᑕᒃ ᐁ ᑮ ᓂᔑᐗᓈᒋᒥᒥᒋ, ᑮ ᒥᒋᓚᐌᔦᓕᑕᒻ, ᒥᓇ ᒫᑲ ᑮ ᐯᔑᐌᐤ ᐊᓂᐃ ᓂᔅᑐᒥᑕᓇᐤ ᐙᐱᓯ ᔔᓕᐋᓈᐱᔅᑾ, ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᑳ ᓂᑳᓀᓕᑖᑯᓯᓕᒋ ᐁ ᐎ ᒥᓛᑦ,
ᑭᒋ ᐎᒋᐃᐌᑦ ᐅᒪ ᐋᔭᒥᐋᐎ ᐊᑑᔅᑫᐎᓂᒃ, ᓀᔥᑕ ᐊᐸᔅᑕᓕᐎᐎᓂᒃ, ᑳ ᐅᒋ ᐸᑭᔑᒃ ᒎᑕᔅ, ᒪᒋ ᐋᔨᑎᐎᓐ ᐅᒋ, ᑭᒋ ᐃᑐᑌᑦ ᑎᐱᓚᐌ ᐅ ᑕᔑᑫᐎᓂᒃ᙮
ᐃᔅᐱ ᒫᑲ ᑳ ᐱᑐᑫᒋᒃ, ᑮ ᑯᔅᐹᑕᐎᐗᒃ ᐃᔥᐱᒥᒃ ᐱᔅᑭᒋᐙᔅᑳᔨᑲᓂᒃ, ᑳ ᐃᔑ ᑕᔑᑫᒋᒃ ᐱᑕᕐ, ᓀᔥᑕ ᒉᒻᔅ, ᓀᔥᑕ ᒑᓐ, ᓀᔥᑕ ᐋᓐᑦᕉ, ᐱᓕᑉ, ᓀᔥᑕ ᑕᒪᔅ, ᐹᕐᑕᓚᒻᔫ, ᓀᔥᑕ ᒫᑎᐤ, ᒉᒻᔅ, ᐋᓪᐱᔭᔅ ᐅᑯᓯᓴ, ᓀᔥᑕ ᓵᐃᒪᓐ ᓯᓗᑎᔅ, ᓀᔥᑕ ᒎᑕᔅ ᐎᒋᔖᓇ ᒉᒻᔅ᙮
ᑭ ᑭᔅᑫᓕᑌᓇᐗᐤ ᑮ ᓂᔓ ᑭᔑᑳᑫ ᑫ ᒥᔮᔥᑳᑫᐎ ᒪᑯᔖᓂᐗᒃ, ᐃᓕᓕᐎᑯᓯᓵᓐ ᒫᑲ ᐙᔦᔑᐸᑭᑎᓇᐤ ᑭᒋ ᒋᔅᑖᔅᑾᐙᑲᓂᐎᑦ᙮
ᑮ ᐃᑌᐤ ᒫᑲ, ᑫᒀᓐ ᑫ ᒥᓕᔦᒃ, ᐁᑯ ᒫᑲ ᑫ ᐸᑭᑎᓇᒫᑕᑾᒃ? ᑮ ᓇᔅᑯᒣᐗᒃ ᒫᑲ ᑭᒋ ᒥᓛᒋᒃ ᓃᔅᑐᒥᑕᓇᐤ ᐙᐱᓯᔔᓕᐊᓈᐱᔅᑾ᙮
ᒫᑲ ᐃᑖᐗᒃ ᐋᑎᑦ ᐁ ᐃᑕᓯᔦᒃ ᐁᑳ ᑳ ᑖᐺᑕᑭᒃ᙮ ᐌᓴ ᒋᓴᔅ ᓃᔥᑕᒻ ᐅᒋ ᑮ ᑭᔅᑫᓕᒣᐤ ᐊᐌᓕᐗ ᐊᓂᐃ ᐁᑳ ᑖᐺᑕᒥᓕᒋ, ᓀᔥᑕ ᐊᐌᓕᐗ ᑫ ᐙᔦᔑᐸᑭᑎᓂᑯᑦ᙮
