ᐅᐸᓓᑭᔅ ᒫᑎᐤ 10:20 - ᐅᔅᑭ ᑎᔅᑌᒥᓐᑦ

²⁰ ᐌᓴ ᓇᒪᔦᐤ ᑭᓚᐗᐤ ᑳ ᐋᔭᒥᐁᒃ, ᒫᑲ ᐅᑦ ᐊᒑᑾ ᑯᑖᐎᐗᐤ ᐁᐗᒀᓇ ᑳ ᐋᔭᒥᔅᑳᑖᒃ᙮

ᐅᐸᓓᑭᔅ ᒫᑎᐤ 10:20 Referans Kwoze

ᐊᐸᔅᑕᓚᒃ 6:10

ᓇᒪᐎᓚ ᒫᑲ ᑮ ᑲᔥᑭᑖᐗᒃ ᑭᒋ ᓇᔅᑰᔅᑕᑭᒃ ᐊᓂᐁᓕᐤ ᑲᑫᑖᐌᓕᑕᒧᐎᓂᓕᐤ ᓀᔥᑕ ᐊᓂᐃ ᐊᒑᑾ ᑳ ᑮ ᐅᒋ ᐋᔭᒥᓕᒋ᙮

ᐅᐸᓓᑭᔅ ᓘᒃ 21:15

ᐌᓴ ᓂᓚ ᑭ ᑳ ᒥᓕᑎᓇᐗᐤ ᒥᑐᓐ ᓀᔥᑕ ᑲᑫᑕᐌᓕᑕᒧᐎᓐ ᐁᑳ ᑫ ᑮ ᐋᓉᑕᑭᒃ ᐁᑳ ᓀᔥᑕ ᑫ ᑮ ᔖᑯᒋᑖᒋᒃ ᒥᓯᐌ ᐊᓂᑭ ᑳ ᐸᒀᑎᑖᑾᒃ᙮

ᐅᐸᓓᑭᔅ ᓘᒃ 12:12

ᐌᓴ ᑳ ᐸᓓᑭᓯᑦ ᐊᒑᒃ ᑭ ᑳ ᑭᔅᑭᓄᐊᒫᑯᐗᐤ ᐊᓂᒪ ᑎᐸᔨᑲᓐ ᐱᓯᒧᑳᓂᒃ ᑫᒀᓐ ᑫ ᐃᑗᔦᑯᐸᓐ᙮

ᓂᔓ ᐱᑕᕐ 1:21

ᐌᓴ ᑭᔅᑭᐙᐃᑫᐎ ᐋᔭᒥᐎᓐ ᓇᒪᐎᔅᑳᑦ ᑮ ᐹᐸᓕᐤ ᐃᓕᓕᐤ ᐁ ᐃᑌᓕᑕᒃ ᐅᒋ; ᒫᑲ ᐅ ᐸᓓᑭ ᐃᓕᓕᒪ ᑭᒋᒪᓂᑐ ᑮ ᐃᔑ ᐋᔭᒥᓕᐗ ᑳ ᑮ ᐃᔑ ᐃᑌᓕᑕᒥᐃᑯᓕᒋ ᐸᓓᑭ ᐊᒑᑾ᙮

ᐊᐸᔅᑕᓚᒃ 4:8

ᐁᑯ ᒫᑲ ᐱᑕᕐ, ᐁ ᓴᑲᔅᑭᓀᔅᑳᑯᑦ ᑳ ᐸᓓᑭᓯᓕᒋ ᐊᒑᑾ, ᑮ ᐃᑌᐤ, ᑭᓚᐗᐤ ᑳ ᑎᐯᓕᒣᑾᒃ ᐃᓕᓕᐗᒃ, ᓀᔥᑕ ᑳ ᓂᑳᓀᓕᑖᑯᓯᔦᒃ ᐃᔅᕃᐃᓕᒃ,

ᐊᐸᔅᑕᓚᒃ 2:4

ᒥᓯᐌ ᒫᑲ ᑮ ᓵᑲᔥᑭᓀᔅᑳᑯᐗᒃ ᐸᓓᑭ ᐊᒑᑾ, ᑮ ᒫᒋ ᐊᔭᒥᐗᒃ ᒫᑲ ᑯᑕᑭᔭ ᐃᔑᑭᔗᐎᓂᒃ, ᑳ ᐃᔑ ᒥᓕᑯᒋᒃ ᐊᒑᑾ᙮

ᓂᔓ ᑯᕆᓐᑎᐊᓇ 13:3

ᐁ ᓇᑕᐌᓕᑕᒪᐎᔮᒃ ᑫᒋᓇᐅᐎᓐ ᐁ ᐋᔭᒥᑦ ᙭ ᓂᓚ ᐅᒋ, ᑭᓚᐗᐤ ᐃᔑ ᐁᑳ ᑳ ᓕᓚᒪᒃ, ᒫᑲ ᑳ ᓱᑳᑎᓯᒪᑲᒃ ᐁ ᐱᒋᔅᑳᑯᔦᒃ᙮

ᓂᔥᑕᒻ ᐱᑕᕐ 1:12

ᐊᓂᑭ ᑳ ᑮ ᐙᐸᑎᓛᑲᓂᐎᒋᒃ, ᓇᒪᐎᓚ ᐎᓚᐗᐤ ᑫᒋᐙᒃ, ᒫᑲ ᑭᓚᓈᓇᐤ ᐊᓂᐃ ᐁ ᑮ ᐊᑐᔅᑫᔅᑕᒫᑕᑾᒃ, ᐊᓂᐃ ᐊᓄᒡ ᑳ ᐎᑕᒫᑖᑾᒃ ᐊᓂᑭ ᑳ ᑮ ᑲᑫᔅᑭᒥᑖᑾᒃ ᒥᓗᐋᒋᒧᐎᓐ ᐯᓓᑭᓯᑦ ᐊᒑᒃ ᐅᒋ ᑭᒋᑭᔑᑯᒃ ᑳ ᑮ ᐯᒋ ᓛᔑᑎᔕᐙᑲᓂᐎᑦ: ᐅᐅ ᑫᒀᓇ ᐁᓐᒐᓚᒃ ᑮ ᐸᑯᓭᓕᒧᐗᒃ ᑭᒋ ᑲᓇᐗᐸᑕᑭᒃ᙮

ᐊᐸᔅᑕᓚᒃ 28:25

ᐃᔅᐱ ᒫᑲ ᐁᑳ ᑖᐱᔅᑯᒡ ᑳ ᐃᑌᓕᑕᑭᒃ, ᑮ ᑭᑐᑌᐗᒃ, ᐃᔅᐱ ᐹᓪ ᐯᔭᒃ ᐋᔭᒥᐎᓂᓕᐤ ᑳ ᑮ ᐃᑗᑦ, ᒀᔭᔉ ᑖᐺ ᐯᓓᑭᓯᑦ ᐊᒑᒃ ᑮ ᐋᔭᒥᐁᐤ ᑯᑖᐎᓈᐗ ᐊᓂᐃ ᐅᑭᔅᑭᐙᐃᑫᐗ ᐋᐃᓭᔭ ᐅᒋ,

ᐊᐸᔅᑕᓚᒃ 13:9

ᐁᑯ ᓵᓪ (ᐊᓇ ᐹᓪ ᐊᓯᒋ ᑳ ᐃᔑᓂᑲᑖᑲᓂᐎᑦ) ᐁ ᓵᑲᔅᑭᓀᔅᑲᑯᑦ ᐸᓓᑭ ᐊᒑᑾ, ᑮ ᑲᓇᐙᐸᒣᐤ,

ᐅᐸᓓᑭᔅ ᓘᒃ 11:13

ᑮᔥᐱᓐ ᒫᑲ ᑭᓚᐗᐤ ᐁ ᐋᑕ ᒪᒋᑣᔦᒃ ᑫᔅᑫᓕᑕᒧᐌᑴ ᑭᒋ ᐃᔑ ᒥᓓᑾᒃ ᒥᓗ ᒥᓕᐌᐎᓇ ᑭᑦ ᐊᐙᔑᒥᔑᐙᐗᒃ, ᑖᓂ ᒫᑲ ᐊᐙᓯᑌ ᐃᔥᐱᔥ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᐸᓓᑭ ᐊᒑᑾ ᑫ ᒥᓛᑦ ᐊᓂᐃ ᑳ ᓇᑐᑕᒫᑯᑦ?

ᐅᐸᓓᑭᔅ ᒫᕐᒃ 12:36

ᐌᓴ ᑌᐱᑦ ᑫᒋᐙᒃ ᑮ ᐃᑌᐤ ᐸᓓᑭ ᐊᒑᑾ ᐅᒋ, ᐅᑎᐯᓕᒋᑫᐤ ᑮ ᐃᑌᐤ ᓂ ᑎᐯᓕᒋᑫᒪ, ᐊᐱ ᑭᓚ ᓂ ᑭᒋᓂᔅᑭᒃ, ᐹᑎᒫ ᑭ ᑐᑕᒫᓀ ᑭᒋ ᐅ ᑕᑯᔅᑳᒋᑲᓂᔭᓐ ᐊᓂᑭ ᑳ ᐸᒀᑎᔅᑭᒃ᙮

ᐅᐸᓓᑭᔅ ᒫᑎᐤ 6:32

ᐁᐗᒀᓂᐃ ᒥᓯᐌ ᐅᐅ ᓂᐋᓇᑕᐌᓕᑕᑭᒃ ᒉᓐᑖᐃᓚᒃ: ᐌᓴ ᑯᑖᐎᐗᐤ ᑭᒋᑭᔑᑯ ᑭᔅᑫᓕᑕᒻ ᐁ ᓇᑕᐌᓕᑕᒣᒃ ᒥᓯᐌ ᐅᐅ ᑫᒀᓇ᙮

ᓂᔥᑕᒻ ᑌᓴᓗᓂᔭᓇ 2:13

ᐅᒪ ᐅᒋ ᓀᔥᑕ ᓇᒪᐎᓚ ᓂ ᐳᓂᓇᓈᔅᑯᒫᓈᓐ ᑭᒋᒪᓂᑐ, ᐌᓴ ᐃᔅᐱ ᐌᑎᓇᒬᒃ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑮ ᐯᑕᒬᒃ ᓂᓚᓈᓐ ᐅᒋ, ᑭ ᑮ ᐅᑎᓀᓇᐗᐤ ᓇᒪᐎᓚ ᑖᐱᔅᑯᒡ ᐅᑦ ᐋᔭᒥᐎᓂᐗᐤ ᐃᓕᓕᐗᒃ, ᒫᑲ, ᑳ ᐃᔑ ᑖᐺᐎᓂᐗᒃ ᑭᒋᒪᓂᑐ ᐅᑦ ᐋᔭᒥᐎᓐ, ᐱᒋᓛᒃ ᑳ ᑲᔥᑭᐅᐎ ᐊᑐᔅᑳᑯᔦᒃ ᑭᓚᐗᐤ ᑳ ᑖᐺᑕᒣᒃ᙮