4 ᐱᑯ ᐊᓂᒪ ᐙᔅᑳᔨᑲᓐ ᑫ ᐃᔑ ᐱᑕᑫᐌᑴ, ᐁᑯᑕ ᑕᔑᑫᒃ, ᓀᔥᑕ ᐁᑯᑕ ᐅᒋ ᑭᑐᑌᒃ᙮
ᐊᑕ ᐱᑯ ᑭᒋ ᐃᑖᐎᓐ ᓀᔥᑕᐱᑯ ᐃᑖᐎᓐ ᑫ ᐃᔑ ᐱᑐᑫᐌᑴ, ᑲᑴᒋᑫᒧᒃ ᐊᐌᓇ ᐁᑯᑕ ᑎᐁᐸᑫᓕᑖᑯᓯᑴ; ᐁᑯᑕ ᒫᑲ ᑕᔑᑫᒃ ᐹᑎᒫ ᒥᓇ ᑭᑐᑌᔦᑴ᙮
ᑮ ᐃᑌᐤ ᒫᑲ, ᐱᑯ ᐃᑕ ᑫ ᐱᑐᑫᐌᑴ ᐙᔅᑳᔨᑲᓂᒃ, ᐁᑯᑕ ᑕᔑᑫᒃ ᐹᑎᒫ ᐊᓐᑕ ᐅᒋ ᑭᑐᑌᔦᑴ᙮
ᐃᔅᐱ ᒫᑲ ᑳ ᓯᑲᐊᑕᐙᑲᓂᐎᑦ, ᓀᔥᑕ ᒥᓯᐌ ᑳ ᐃᑕᔑᑦ, ᓂ ᑮ ᐸᑯᓭᓕᒥᑯᓈᓐ, ᐁ ᐃᑗᑦ, ᑮᔥᐱᓐ ᑳ ᐃᑌᓕᒥᐌᑴ ᐁ ᔮᒀᒥᔅᑕᐗᒃ ᐅᑎᐯᓕᒋᑫᐤ, ᐯᒋ ᐱᑐᑫᒃ ᓂᑭᒃ, ᐁᑯᑕ ᒫᑲ ᑕᔑᑫᒃ᙮ ᓂ ᑮ ᔕᑯᒋᒥᑯᓈᓐ ᒫᑲ᙮
ᑮ ᐃᑌᐤ ᒫᑲ, ᐁᑳ ᐎᓚ ᑫᒀᓐ ᑭᑐᑖᑖᒃ ᐁ ᐸᐸᒧᑌᔦᒃ, ᐁᑳ ᓀᔥᑕ ᓴᔅᑲᐅᓈᑎᑾᒃ, ᐁᑳ ᓀᔥᑕ ᒥᒋᒥᐗᑦ, ᐁᑳ ᓀᔥᑕ ᐊᓚᑯᓇᐤ, ᐁᑳ ᓀᔥᑕ ᔔᓕᐋᓐ; ᐁᑳ ᓀᔥᑕ ᓈᓂᔓ ᐱᓯᔅᑳᑲᓇ ᐋᔮᒃ᙮
ᐊᐌᓇ ᒫᑲ ᐁᑳ ᑫ ᐱᑐᑳᐃᑖᑴ, ᐃᔅᐱ ᐗᓚᐎᔦᑴ ᐊᓂᒪ ᐃᑖᐎᓂᒃ ᐅᒋ, ᐊᐳᒋᑲ ᐸᐸᐎᐸᓕᑖᒃ ᒪᒋᑾᓛᔕ ᑭᓯᑎᐙᒃ ᐅᒋ ᑭᒋ ᐅᒋ ᒫᒥᔑᒥᑯᒋᒃ᙮
