ᐅᐸᓓᑭᔅ ᓘᒃ 7:22 - ᐅᔅᑭ ᑎᔅᑌᒥᓐᑦ

²² ᐁᑯ ᒋᓴᔅ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑭᐌᒃ, ᐎᑕᒫᒃ ᒑᓐ ᒫᑲ ᐊᓂᐃ ᑫᒀᓇ ᑳ ᑮ ᐙᐸᑕᒣᒃ ᓀᔥᑕ ᑳ ᑮ ᐯᑕᒣᒃ; ᐊᓂᑭ ᐁᑳ ᑳ ᐙᐱᒋᒃ ᐙᐱᐗᒃ, ᐊᓂᑭ ᐁᑳ ᑳ ᓂᑖᐅᑌᒋᐤ ᐱᒧᑌᐗᒃ, ᐅᓓᑉᕈᓯᐃᑖᔅᐱᓀᐗᒃ ᐹᔦᑭᐋᐗᒃ, ᐅᑭᐱᑌᐗᒃ ᐯᑕᒶᒃ, ᐊᓂᑭ ᑳ ᓂᐱᒋᒃ ᐗᓂᔥᑳᓈᐗᒃ, ᐅᑭᑎᒫᑭᓯᐗᒃ ᐙᐎᑕᒪᐙᐗᒃ ᒥᓗᐋᒋᒧᐎᓂᓕᐤ᙮

ᐅᐸᓓᑭᔅ ᓘᒃ 7:22 Referans Kwoze

ᐅᐸᓓᑭᔅ ᓘᒃ 4:18

ᐅᑎᐯᓕᒋᑫᐤ ᐅᑦ ᐊᒑᑾ ᓂ ᑭᑭᔥᑳᑯᓕᐗ, ᐌᓴ ᓂ ᑮ ᑕᒪᔅᑯᓂᒃ ᑭᒋ ᑎᐹᒋᒧᔅᑕᐗᑭᒃ ᒥᓗᐋᒋᒧᐎᓂᓕᐤ ᐊᓂᑭ ᑳ ᑭᑎᒫᑭᓯᒋᒃ; ᓂ ᑮ ᐯᒋᑎᔕᐅᒃ ᑭᒋ ᒥᓇᐋᒋᐊᑭᒃ ᐊᓂᑭ ᑳ ᐱᑯᑌᐁᒋᒃ, ᑭᒋ ᑎᐹᒋᒧᔅᑕᐗᑭᒃ ᐋᐸᐊᒫᑫᐎᓂᓕᐤ ᐊᓂᑭ ᑳ ᐋᐗᑳᓂᐎᒋᒃ, ᓀᔥᑕ ᐙᐱᐎᓂᓕᐤ ᐊᓂᑭ ᐁᑳ ᑳ ᐙᐱᒋᒃ, ᑭᒋ ᐋᐸᐗᑭᒃ ᐊᓂᑭ ᑳ ᐅᑐᑭᓯᒋᒃ,

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:5

ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?

ᐅᐸᓓᑭᔅ ᒫᑎᐤ 21:14

ᑮ ᐯᒋ ᓈᑎᑯ ᒫᑲ ᑭᒋᐋᔭᒥᐁᐎᑲᒥᑯᒃ ᐁᑳ ᑳ ᐙᐱᓕᒋ ᓀᔥᑕ ᐁᑳ ᑳ ᓂᑖᐅᑌᓕᒋ; ᑮ ᒥᓇᐙᒋᐁᐤ ᒫᑲ᙮

ᐊᐸᔅᑕᓚᒃ 26:18

ᑭᒋ ᐹᔅᑭᑌᓇᒶᑦ ᐅᔅᑭᔑᑯᐙᐗ, ᓀᔥᑕ ᑎᐱᔅᑭᓯᐎᓂᒃ ᑭᑭ ᐅᒋ ᑴᔅᑭᓇᒋᒃ ᐙᓭᔮᓯᐎᓂᒃ ᐃᔑ, ᓀᔥᑕ ᓭᑖᓐ ᐅ ᑲᔥᑭᐅᐎᓂᒃ ᐃᔑ ᑭᒋ ᑖᐺᔦᓕᒫᒋᒃ ᑭᒋᒪᓂᑕᐗ, ᑭᒋ ᒥᓛᑲᓂᐎᒋᒃ ᑭᒋ ᐌᐯᓕᑕᒫᒋᒃ ᐅ ᒪᒋᑣᐎᓂᐙᐗ, ᓀᔥᑕ ᑎᐯᓕᑕᒧᐎᓂᓕᐤ ᒣᑴᔭᔥ ᐊᓂᐃ ᑳ ᐸᓓᑭᐋᑲᓂᐎᓕᒋ ᑖᐺᔦᓕᑕᒧᐎᓐ ᐅᒋ ᑳ ᐯᒋᔅᑳᑯᔮᓐ᙮

ᐅᐸᓓᑭᔅ ᓘᒃ 7:21

ᐊᓂᒪ ᑫᔮᐸᒡ ᑎᐹᔨᑲᓂᒃ ᐱᓯᒧᑳᓂᒃ ᑮ ᒥᓇᐙᒋᐁᐤ ᒥᒉᑦ ᐅᑦ ᐋᑯᓯᐎᓂᓕᐗ ᓀᔥᑕ ᐅᑦ ᐋᑯᐃᑖᔅᐱᓀᐎᓂᓕᐗ, ᓀᔥᑕ ᒪᒋ ᐊᒑᑾ ᐅᒋ: ᓀᔥᑕ ᒥᒉᑦ ᐁᑳ ᑳ ᐙᐱᓕᒋ ᑮ ᐙᐱᐁᐤ᙮

ᐊᐸᔅᑕᓚᒃ 8:7

ᐌᓴ ᒪᒋ ᐊᒑᑾᒃ, ᓲᑲ ᐁ ᑌᐺᒋᒃ, ᑮ ᐯᒋ ᐗᓚᐎᐗᒃ ᒥᒉᑦ ᐅᒋ ᑳ ᑮ ᐱᒋᔅᑲᐙᒋᒃ; ᓀᔥᑕ ᒥᒉᑦ ᑳ ᐅᑎᑎᑯᒋᒃ ᓇᓇᒫᔅᐱᓀᐎᓇ, ᓀᔥᑕ ᐊᓂᑭ ᑳ ᒫᔅᑭᑳᑌᒋᒃ, ᑮ ᒥᓇᐙᒋᐊᑲᓂᐎᐙᒃ᙮

ᐅᐸᓓᑭᔅ ᒑᓐ 1:46

ᓇᑕᓂᔭᓪ ᒫᑲ ᑮ ᐃᑌᐤ, ᑫᒀᓐ ᓈ ᐁ ᒥᓨᔑᒃ ᑲᑕ ᑮ ᐅᒋᒪᑲᓐ ᓈᓴᕋᑎᒃ? ᐱᓕᑉ ᐃᑌᐤ, ᐯᒋ ᐙᐸᑕ᙮

ᐅᐸᓓᑭᔅ ᒫᑎᐤ 11:5

ᐁᑳ ᑳ ᐙᐱᒋᒃ ᐙᐱᐋᐗᒃ, ᐅᓓᑉᕈᓯᐃᑖᔅᐱᓀᐗᒃ ᐹᔦᑭᐋᐗᒃ, ᐅᑭᐱᑌᐗᒃ ᓇᐃᑕᒶᒃ, ᐅᓂᐱᐗᒃ ᐗᓂᔥᑳᓈᐗᒃ, ᓀᔥᑕ ᐅᑭᑎᒫᑭᓯᐗᒃ ᐙᐎᑕᒪᐙᐗᒃ ᒥᓗᐋᒋᒧᐎᓂᓕᐤ᙮

ᐅᐸᓓᑭᔅ ᓘᒃ 7:23

ᔕᐌᓕᑖᑯᓯᐤ ᒫᑲ, ᐊᐌᓇ ᐁᑳ ᑫ ᓈᔦᑕᐌᓕᒥᑴ᙮