ᐅᐸᓓᑭᔅ ᓘᒃ 6:35 - ᐅᔅᑭ ᑎᔅᑌᒥᓐᑦ

³⁵ ᒫᑲ ᓵᑭᐃᑯᒃ ᑭᓚᐗᐤ ᐊᓂᑭ ᑳ ᐸᒀᑎᑖᑾᒃ, ᓀᔥᑕ ᒥᓗᑐᑖᑫᒃ, ᓀᔥᑕ ᐋᐎᐃᐌᒃ, ᐁᑳ ᑫᒀᓐ ᒥᓇ ᐁ ᐸᑯᓭᓕᑕᒣᒃ: ᑭ ᑎᐸᐊᒫᑯᓯᐎᓂᐗᐤ ᒫᑲ ᑲᑕ ᒥᔕᐤ, ᓀᔥᑕ ᑭ ᑳ ᐅᑕᐙᔑᒥᔑᒥᑯᐗᐤ ᐊᓇ ᒥᔭᐗᒋ ᐃᔅᐯᓕᑖᑯᓯᑦ: ᐌᓴ ᐎᓚ ᑭᔐᐙᑐᑕᐌᐤ ᐊᓂᐃ ᐁᑳ ᑳ ᓇᓈᔅᑯᒧᓕᒋ ᓀᔥᑕ ᑳ ᒪᒋᑣᓕᒋ᙮

ᐅᐸᓓᑭᔅ ᓘᒃ 6:35 Referans Kwoze

ᐅᐸᓓᑭᔅ ᒑᓐ 13:35

ᐁᑯᑕ ᐅᒪ ᒥᓯᐌ ᐃᓕᓕᐗᒃ ᑫ ᐅᒋ ᑭᔅᑫᓕᑕᑭᒃ ᑭᓚᐗᐤ ᐁ ᐅ ᑭᔅᑭᓄᐊᒪᐙᑲᓂᒥᑖᑾᒃ, ᑮᔥᐱᓐ ᓯᐋᑭᐃᑐᔦᑴ᙮

ᓂᔓ ᑯᕆᓐᑎᐊᓇ 8:9

ᐌᓴ ᑭ ᑭᔅᑫᓕᑕᒸᓇᐗᐤ ᐅ ᔕᐌᓕᒋᑫᐄᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐋᑕ ᐁ ᑮ ᒥᔕᑭᓯᑦ, ᐁᓕᐌᒃ ᑭᓚᐗᐤ ᐅᒋ ᑮ ᐊᑎ ᑭᑎᒫᑭᓯᐤ, ᑭᓚᐗᐤ ᐅ ᑭᑎᒫᑭᓯᐎᓂᒃ ᐅᒋ ᑭᒋ ᒥᔕᑭᓯᔦᒃ᙮

ᐅᐸᓓᑭᔅ ᒑᓐ 15:8

ᐁᑯᑕ ᒫᑲ ᐌᒋ ᑭᔅᑌᓕᑖᑯᐋᑲᓂᐎᑦ ᓄᑖᐎ, ᑭᒋ ᓂᑖᐎᑭᑖᔦᒃ ᒥᔅᑕᐃ ᒥᓂᔕ; ᐁᑯ ᑫ ᐅ ᑭᔅᑭᓄᐊᒪᐙᑲᓂᒥᑕᑾᒃ᙮

ᐊᐸᔅᑕᓚᒃ 14:17

ᐊᓕᐌᒃ ᓇᒪᐎᓚ ᐅᒋ ᓇᑲᑎᑎᓱ ᐁᑳ ᑭᒋ ᐋᓕᒧᒥᑦ, ᐁ ᑮ ᒥᓗ ᑐᑖᑫᑦ, ᓀᔥᑕ ᐁ ᑮ ᒥᓕᑕᒃ ᑭᒥᐗᓈᐳ ᑭᒋᑭᔑᑯᒃ ᐅᒋ, ᓀᔥᑕ ᐁ ᒥᓂᔑᐗᑭ ᐁ ᑴᔅᑲᔮᐙᑭ, ᐁ ᓵᑲᔅᑭᓇᑖᑦ ᑭᑌᐃᓇᐗ ᒥᒋᓱᐎᓂᓕᐤ ᓀᔥᑕ ᓯᑭᓓᓯᐎᓂᓕᐤ ᐅᒋ᙮

ᐅᐸᓓᑭᔅ ᓘᒃ 1:32

ᑲᑕ ᑭᔅᑎᓯᐤ, ᑲᑕ ᐃᔑᓂᑳᑕᐤ ᒫᑲ ᐅᑯᓯᓴ ᒥᔭᐗᒋ ᐃᔅᐯᓕᑖᑯᓯᑦ: ᐅᑎᐯᓕᒋᑫᐗ ᑭᒋᒪᓂᑐᐗ ᒫᑲ ᑲᑕ ᒥᓕᑯ ᐅᑖᐎᔭ ᑌᐱᑦ ᐅ ᑭᒋᐅᑭᒪᐗᐱᐎᓂᓕᐤ:

ᐅᐸᓓᑭᔅ ᒫᕐᒃ 5:7

ᑮ ᑌᐺᐤ ᒫᑲ ᐁ ᑭᔗᐌᑦ, ᓀᔥᑕ ᑮ ᐃᑗᐤ, ᑖᓂ ᑭᓚ ᑫ ᐃᑖᐸᒋᐃᑖᓐ, ᒋᓴᔅ ᑭᓚ ᐌᑯᓯᓯᒥᔉ ᒫᐗᒡ ᐁᔅᐯᓕᑖᑯᓯᑦ ᑭᒋᒪᓂᑐ? ᑭ ᑭᒋᐃᑗᐃᑎᓐ ᑭᒋᒪᓂᑐ ᐅᒋ, ᐁᑳ ᑭᒋ ᑲᒀᑕᑭᐃᔭᓐ᙮

ᐅᐸᓓᑭᔅ ᒫᑎᐤ 5:9

ᔕᐌᓕᑖᑯᓯᐗᒃ ᑳ ᐅᑐᑌᒥᐃᐌᒋᒃ; ᐌᓴ ᑭᒋᒪᓂᑐ ᐅᑦ ᐊᐙᔑᒥᔕ ᑲᑕ ᐃᔑᓂᑳᓱᐗᒃ᙮

ᐅᐸᓓᑭᔅ ᓘᒃ 6:36

ᐁᐗᑯ ᐅᒋ ᔕᐌᓕᒋᑫᒃ, ᑖᐱᔅᑯᒡ ᑯᑖᐎᐗᐤ ᐁ ᐃᔑ ᔖᐌᓕᒋᑫᑦ᙮

ᓂᔓ ᑎᒧᑎ 3:2

ᐌᓴ ᐃᓕᓕᐗᒃ ᐎᓚᐗᐤ ᑫᒋᐙᒃ ᑲᑕ ᓵᑭᐃᑎᓱᐗᒃ, ᐁ ᒧᔅᑌᓇᒫᑫᒋᒃ, ᐁ ᒫᒪᑖᑯᒧᒋᒃ ᐁ ᑭᔅᑌᓕᒧᒋᒃ, ᐁ ᐹᔅᑖᒧᔅᑭᒋᒃ, ᐁ ᐋᓉᑕᐙᒋᒃ ᐅᓂᑭᐃᑯᐗᐗ, ᐁᑳ ᐁ ᓇᓈᔅᑯᒧᒋᒃ, ᐁᑳ ᐁ ᐸᓓᑭᓯᒋᒃ,