ᐅᐸᓓᑭᔅ ᓘᒃ 6:19 - ᐅᔅᑭ ᑎᔅᑌᒥᓐᑦ

¹⁹ ᒥᓯᐌ ᒥᔭᒪᐎᒥᒉᑎᒋᒃ ᐃᓕᓕᐗᒃ ᒫᑲ ᑮ ᑯᒋ ᓵᒥᓀᐗᒃ: ᐌᓴ ᐎᔮᐎᒃ ᑮ ᐅᒋᐸᓕᓕᐤ ᑲᔥᑭᐅᐎᓐ, ᒥᓯᐌ ᑳ ᒥᓇᐙᒋᐃᑯᒋᒃ᙮

ᐅᐸᓓᑭᔅ ᓘᒃ 6:19 Referans Kwoze

ᐅᐸᓓᑭᔅ ᒫᑎᐤ 14:36

ᑮ ᓇᑐᑕᒪᐌᐗᒃ ᒫᑲ ᑭᒋ ᓵᒥᓇᒥᓕᒋ ᐅ ᐎᓛᒋᑲᓐ ᑎᑎᐱᔅᑕᐃᑲᓂᒃ ᐱᑯ; ᒥᓯᐌ ᒫᑲ ᑳ ᑮ ᓵᒥᓇᑭᒃ ᒥᑐᓂ ᑮ ᒥᓇᐙᒋᐋᐗᒃ᙮

ᐅᐸᓓᑭᔅ ᒫᕐᒃ 3:10

ᐌᓴ ᒥᒉᑦ ᑮ ᒥᓇᐙᒋᐋᐗᒃ, ᑳ ᐅᒋ ᓯᑎᔥᑳᑯᑦ ᐁ ᐎ ᓵᒥᓂᑯᑦ, ᒥᓯᐌ ᐊᓂᐃ ᑳ ᐊᔨᑖᔅᐱᓀᓕᒋ᙮

ᐅᐸᓓᑭᔅ ᒫᕐᒃ 6:56

ᐱᑯ ᐃᑕ ᒫᑲ ᐁ ᐹᐱᑐᑫᑦ, ᐃᑖᐎᓂᔑᒃ, ᓀᔥᑕᐱᑯ ᐃᑖᐎᓂᒃ, ᓀᔥᑕᐱᑯ ᐊᔅᑮᒃ, ᑮ ᐸᐱᒥᔑᒣᐗᒃ ᐊᓂᐃ ᑳ ᐋᑯᓯᓕᒋ ᐱᒧᑌᔅᑲᓈᒃ, ᑮ ᓇᑐᑕᒪᐌᐗᒃ ᒫᑲ ᑭᒋ ᓵᒥᓇᒸᒋᒃ ᐱᑯ ᐅᑦ ᐊᑯᐅᓂᓕᐤ ᑎᑎᐱᔅᑕᐃᑲᓂᒃ; ᒥᓯᐌ ᒫᑲ ᑳ ᓵᒥᓂᑭᒃ ᑮ ᒥᓇᐙᒋᐋᐗᒃ᙮

ᐅᐸᓓᑭᔅ ᒫᕐᒃ 5:30

ᒋᓴᔅ ᒫᑲ, ᑣᔦᒃ ᐁ ᑭᔅᑫᓕᑕᒃ ᓱᑳᑎᓯᐎᓂᓕᐤ ᐁ ᑮ ᐗᓚᐎᐸᓕᓕᒃ ᐎᔮᐎᒃ ᐅᒋ, ᑮ ᑴᔅᑭᑳᐸᐎᐤ ᐁ ᓯᑎᔥᑳᑖᑲᓂᐎᑦ, ᑮ ᐃᑗᐤ ᒫᑲ, ᐊᐌᓇ ᑳ ᓵᒥᓇᒃ ᓂ ᐎᓛᒋᑲᓇ?

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᐅᐸᓓᑭᔅ ᒫᕐᒃ 8:22

ᐯᒋ ᐃᑐᑌᐤ ᒫᑲ ᐯᑦᓭᑕᐃᒃ; ᑮ ᐯᑐᐌᐗᒃ ᒫᑲ ᐃᓕᓕᐗ ᐁᑳ ᐁ ᐙᐱᓕᒋ, ᓀᔥᑕ ᑮ ᓇᑐᑕᒪᐌᐗᒃ ᑭᒋ ᓵᒥᓈᓕᒋ᙮

ᐊᐸᔅᑕᓚᒃ 19:12

ᐁᐗᑯ ᐌᒋ ᐎᔭᐎᒃ ᐅᒋ ᑮ ᐯᑐᐙᑲᓂᐎᐗᒃ ᑳ ᐋᑯᓯᒋᒃ ᑖᐱᔅᑳᑲᓇ ᓀᔥᑕ ᐊᔅᐱᒋᑯᓀᐅᓇ, ᑮ ᓇᑲᑎᑯᐗᒃ ᒫᑲ ᐃᑖᔅᐱᓀᐎᓇ, ᓀᔥᑕ ᒪᒋ ᐊᒑᑾ ᑮ ᐗᓚᐎᐗ ᐎᔭᐎᐗᒃ ᐅᒋ᙮

ᐅᐸᓓᑭᔅ ᓘᒃ 5:17

ᑮ ᐃᑭᓐ ᒫᑲ, ᐯᔭᑾᐤ ᐁ ᑭᔑᑳᓕᒃ, ᒣᒀᒡ ᐁ ᑭᔅᑭᓄᐊᒫᑫᑦ, ᐸᕋᓯᔭᒃ ᓀᔥᑕ ᐅᓚᔓᐌᐎᓂ ᐅᑭᔅᑭᓄᐊᒫᑫᐗᒃ ᐊᓐᑕ ᑮ ᐊᐱᐗᒃ, ᑳ ᐯᒋ ᐅᑐᑌᒋᒃ ᒥᓯᐌ ᑕᑐ ᐃᑖᐎᓂᒃ ᑳᓕᓕᒃ ᓀᔥᑕ ᒎᑎᐊᐃᒃ, ᓀᔥᑕ ᒋᕉᓴᓚᒥᒃ; ᐅᑎᐯᓕᒋᑫᐤ ᒫᑲ ᐅ ᑲᔥᑭᐅᐎᓐ ᑮ ᐃᑕᑾᓂᓕᐤ ᑭᒋ ᒥᓇᐙᒋᐃᑯᒋᒃ᙮

ᐅᐸᓓᑭᔅ ᓘᒃ 6:18

ᐊᓂᑭ ᓀᔥᑕ ᑳ ᐊᓕᒥᐃᑯᒋᒃ ᐎᓕᐱ ᐊᒑᑾ: ᑮ ᒥᓇᐙᒋᐋᐗᒃ ᒫᑲ᙮