34 ᐁ ᐃᑗᓕᒋ ᑖᐺ ᐅᑎᐯᓕᒋᑫᐤ ᑮ ᐗᓂᔥᑲᐤ, ᑮ ᓄᑯᓰᔅᑕᐌᐤ ᒫᑲ ᓵᐃᒪᓇ᙮
ᐁ ᑮ ᐙᐸᒥᑯᑦ ᓀᔥᑕ ᓯᐸᓴ, ᐁᑯ ᐊᓂᐃ ᑳ ᓂᔓᔖᐱᓕᒋ:
ᑭᐌᒃ ᒫᑲ, ᐎᑕᒫᒫᒃ ᐅ ᑭᔅᑭᓄᐊᒪᐗᑲᓇ ᓀᔥᑕ ᐱᑕᕐ ᐁ ᓂᑳᓄᑖᑖᒃ ᑳᓕᓖᒃ ᐃᔑ: ᐁᑯᑕ ᑫ ᐙᐸᒣᒃ, ᑖᐱᔅᑯᒡ ᑳ ᐃᑎᑖᒃ᙮
ᐃᔅᐱ ᒫᑲ ᐅᑎᐯᓕᒋᑫᐤ ᐎᐋᐸᒫᑦ, ᑮ ᑭᑎᒫᑫᓕᒣᐤ, ᑮ ᐃᑌᐤ ᒫᑲ, ᐁᑳᐎᓚ ᒫᑐ᙮
ᒑᓐ ᒫᑲ ᐁ ᓇᑐᒫᑦ ᓂᔓ ᐅ ᑭᔅᑭᓄᐊᒪᐙᑲᓇ, ᑮ ᐃᔑᑎᔕᐊᒪᐌᐤ ᒋᓴᓴ, ᐁ ᐃᑗᑦ, ᑭᓚ ᓈ ᐁᐗᒀᓇ ᑫ ᑕᑯᔑᑭᐸᓐ? ᓀᔥᑕᐱᑯ ᑯᑕᒃ ᓈ ᓂ ᑳ ᐊᔕᐙᐸᒫᓈᓐ?
ᓇᒪᐎᓚ ᐅᑕ ᐃᑖᐤ, ᒫᑲ ᑮ ᐗᓂᔥᑲᐤ: ᑭᔅᑭᓯᒃ ᑳ ᐃᔑ ᐋᔭᒥᐃᑖᒃ ᒣᒀᒡ ᑫᔮᐸᒡ ᑳᓕᓕᒃ ᐁ ᐃᑖᑦ,
ᐊᓂᐃ ᓀᔥᑕ ᑳ ᑮ ᓄᑯᓰᔅᑕᐙᑦ ᐁ ᐱᒫᑎᓰᑦ ᑳ ᐄᔥᑾ ᐎᓴᑫᓕᑕᒃ, ᒥᒉᑦ ᑫᒋᓈᔦᓕᑕᒧᐎᓇ ᐅᒋ, ᐁ ᑮ ᐙᐸᒥᑯᑦ ᓀᒥᑕᓇᐤ ᑭᔑᑳᐗ, ᓀᔥᑕ ᐁ ᐋᓕᒧᑕᒃ ᐊᓂᐃ ᑳ ᑎᐯᓕᑖᑾᓂᓕᑭ ᑭᒋᒪᓂᑐᐗ ᐅᑦ ᐅᑭᒪᐎᐎᓂᓕᒃ᙮
