26 ᓇᒪ ᓈ ᙭ ᑲᑕ ᑮ ᐎᓴᑫᓕᑕᒧᐸᓐ ᐅᐅ ᑫᒀᓇ, ᐁᑯ ᑭᒋ ᐱᑐᑫᑦ ᐅ ᑭᔅᑌᓕᑖᑯᓯᐎᓂᒃ?
ᐁ ᓈᓇᑕᐌᓕᑕᑭᒃ ᑫᒀᓐ, ᓀᔥᑕᐱᑯ ᑫᑯ ᐁ ᐃᔑᑭᔑᑳᑭ, ᐅᑦ ᐊᒑᑾ ᙭ ᑳ ᑮ ᐱᒋᔅᑳᑯᓕᒋ ᑫ ᐋᒋᒧᓕᒋ, ᐃᔅᐱ ᓂᑳᓐ ᑳ ᑮ ᐋᓕᒧᑕᒥᓕᑭ ᑫ ᐃᔑ ᐙᐎᓴᑫᓕᑕᒥᓕᔅᐸᓐ ᙭ᑕ, ᓀᔥᑕ ᐊᓂᐁᓕᐤ ᑭᔅᑌᓕᑖᑯᓯᐎᓂᓕᐤ ᑫ ᐹᐸᓕᓕᑭᐸᓐ᙮
ᐁ ᐋᐸᐊᒫᐙᑦ ᓀᔥᑕ ᐁ ᐙᐎᑕᒪᐙᑦ, ᔮᓕᑌᓪ ᙭ ᑖᐺ ᑭᒋ ᑮ ᐎᔭᑫᓕᑕᑭᔅᐸᓐ, ᒥᓇ ᒫᑲ ᑭᒋ ᐗᓂᔥᑳᑦ ᐅᓂᐱᐗ ᐅᒋ; ᓀᔥᑕ ᒫᑲ ᐊᐗ ᒋᓴᔅ ᑳ ᐊᓕᒧᑕᒫᑕᑾᒃ, ᐁᐗᑯ ᙭᙮
ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮
ᑮ ᐃᑌᐤ ᒫᑲ, ᐅᒪ ᐃᑕᓯᓇᐃᑳᑌᐤ, ᐁᑯ ᓀᔥᑕ ᔮᓕᑌᓪ ᐁᑌᓕᑖᑯᓯᑦ ᙭ ᑭᒋ ᐎᓴᑫᓕᑕᒃ, ᓀᔥᑕ ᑭᒋ ᐗᓂᔥᑳᑦ ᐅᓂᐱᐗ ᐅᒋ ᐁ ᓂᔅᑐ ᑭᔑᑳᓕᒃ;
ᑲᑕ ᐎ ᒫᒥᒋᒥᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᒥᒉᓂᓕᒃ ᐅ ᔕᐌᓕᒋᑫᐎᓐ ᐅᒋ ᒥᓇ ᑳ ᑮ ᓂᑖᐎᑭᐃᑕᒃ ᑭᒋ ᐱᒫᑎᓯᐎ ᐊᔅᐯᓕᒧᐎᓂᔭᒃ, ᐅ ᐗᓂᔥᑲᐎᓐ ᒋᓴᔅ ᙭ ᐅᓂᐱᐗ ᐅᒋ,
ᑮ ᐃᑌᐤ ᒫᑲ, ᐅᐅ ᐁᐗᒀᓂᐃ ᐋᔭᒥᐎᓇ ᑳ ᐃᑎᑖᑾᒃ ᒣᒀᒡ ᑫᔮᐸᒡ ᐁ ᐎᒉᐎᑕᑾᒃ, ᒥᓯᐌ ᑫᒀᓇ ᑭᒋ ᑎᐱᐸᓕᑭ ᑳ ᒪᓯᓇᐃᑳᑌᑭ ᒧᓯᔅ ᐅᑦ ᐅᓚᔓᐌᐎᓂᒃ, ᓀᔥᑕ ᐅᑭᔅᑭᐙᐃᑫᐗᐤ ᐅ ᒪᓯᓇᐃᑲᓂᐗᒃ, ᓀᔥᑕ ᓂᑲᒧᐎᓂ ᒪᓯᓇᐃᑲᓂᒃ ᓂᓚ ᐁ ᐋᔨᑖᒋᒥᑲᐎᔮᓐ᙮
ᐁ ᐃᑗᑦ, ᐃᓕᓕᐎᑯᓯᓵᒃ ᑲᑕ ᐸᑭᑎᓇᐤ ᒪᒋ ᐃᓕᓕᐗ ᐅᒋᒋᓕᒃ, ᓀᔥᑕ ᑲᑕ ᒋᔅᑖᔅᑾᐗᐤ, ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑲᐤ᙮
ᐃᔅᐱ ᒫᑲ ᑳ ᐗᓂᔥᑳᑦ ᐅᓂᐱᐗ ᐅᒋ, ᐅ ᑭᔅᑭᓄᐊᒪᐙᑲᓇ ᑮ ᑭᔅᑭᓯᓕᐗ ᐅᒣᓕᐤ ᐁ ᑮ ᐃᑎᑯᒋᒃ; ᐁᑯ ᑎᐋᐺᑕᑭᒃ ᑭᒋᒪᓯᓇᐃᑫᐎᓂᓕᐤ, ᓀᔥᑕ ᐋᔭᒥᐎᓂᓕᐤ ᑳ ᑮ ᐃᑗᓕᒋ ᒋᓴᓴ᙮
ᐌᓴ ᓇᒪᐎᓚ ᐁᔥᑾ ᑮ ᑭᔅᑫᓕᑕᒶᒃ ᑭᒋ ᒪᓯᓇᐃᑫᐎᓂᓕᐤ, ᒥᓇ ᑭᒋ ᐗᓂᔥᑳᓕᒋ ᐅᓂᐱᐗ ᐅᒋ᙮
