2 ᑮ ᒥᔅᑲᐌᐗᒃ ᒫᑲ ᐊᓯᓂᔭ ᐁ ᑮ ᑎᑎᐱᓈᑲᓂᐎᓕᒋ ᒋᐹᔨᑲᒥᑯᒃ ᐅᒋ᙮
ᒫᑎᑲ, ᒫᑲ, ᓈᔅᐱᒡ ᑮ ᑶᑾᓐ: ᐌᓴ ᐅᑎᐯᓕᒋᑫᐤ ᐅᑦ ᐁᓐᒐᓕᒪ ᑮ ᐸᑭᒋᓕᐗ ᑭᒋᑭᔑᑯᒃ ᐅᒋ, ᑮ ᐯᒋ ᑎᑎᐱᓀᐤ ᓀᔥᑕ ᐊᓯᓂᔭ ᐃᔥᒀᑌᒥᒃ ᐅᒋ, ᑮ ᑌᑕᐱᐤ ᒫᑲ᙮
ᓃᔥᑕᒻ ᐁ ᑭᔑᑳᒃ ᒫᑲ ᐊᓂᒪ ᐁ ᑕᐙᔅᑌᒃ, ᓈᔅᐱᒡ ᐎᐸᒡ ᐁ ᑭᑭᔐᐹᔮᒃ, ᑮ ᐯᒋ ᓈᑕᒶ ᒋᐹᔨᑲᒥᑯᓕᐤ, ᐁ ᐯᑖᒋᒃ ᒪᔥᑭᑭᔭ ᑳ ᑮ ᐋᔦᔅᑳᐎᑖᒋᒃ, ᑯᑕᑭᔭ ᓀᔥᑕ ᑮ ᐎᒉᐎᑯᐗᒃ᙮
ᑮ ᐱᑐᑫᐗᒃ ᒫᑲ, ᓇᒪᐎᓚ ᒫᑲ ᑮ ᒥᔅᑲᒬᐗᒃ ᐎᔭᐎᓕᐤ ᒋᓴᓴ ᐅᑎᐯᓕᒋᑫᐗ᙮
ᒋᓴᔅ ᒫᑲ, ᒥᓇ ᐁ ᒫᒫᑗᑦ, ᐅᑎᑕᒻ ᒋᐹᔨᑲᒥᑯᓕᐤ᙮ ᑮ ᐙᑎᑳᓂᑯᐸᓐ, ᐊᓯᓂ ᓀᔥᑕ ᑕᑯᒡ ᑮ ᐊᐱᐤ᙮
ᐁᑯ ᑳ ᐃᑲᑌᓈᒋᒃ ᐊᓯᓂᔭ ᐊᓐᑕ ᐅᒋ ᐁ ᐱᒥᔑᒫᑲᓂᐎᓕᒋ ᐊᓂᐁᓕᐗ ᑳ ᓂᐱᓕᒋ᙮ ᒋᓴᔅ ᒫᑲ ᑮ ᑕᔅᑕᓵᐱᐤ, ᓀᔥᑕ ᑮ ᐃᑗᐤ, ᓄᑖ, ᑭ ᓈᓈᔅᑯᒥᑎᓐ ᐁ ᑮ ᓇᑐᑕᐎᔭᓐ᙮
