16 ᒫᑲ ᐅᔅᑭᔑᑯᐙᐗ ᑮ ᒫᒋᑯᓂᑳᑌᓕᐗ ᐁᑳ ᑭᒋ ᑭᔅᑫᓕᒫᒋᒃ᙮
ᐃᔅᐱ ᒫᑲ ᐌᑎᒋᐸᓕᒃ ᐁ ᑭᑭᔐᐹᔮᒃ, ᒋᓴᔅ ᑮ ᓂᐸᐎᐤ ᔑᔓᒡ: ᒫᑲ ᑭᔅᑭᓄᐊᒪᐙᑲᓇᒃ ᓇᒪᐎᓚ ᐅᒋ ᑭᔅᑫᓕᒣᐗᒃ ᐁ ᐋᐎᓕᒋ ᒋᓴᓴ᙮
ᐃᔅᐱ ᒫᑲ ᐅᒣᓕᐤ ᑳ ᑮ ᐃᑗᑦ, ᑮ ᑴᔅᑭᑳᐸᐎᐤ, ᓀᔥᑕ ᑮ ᐙᐸᒣᐤ ᒋᓴᓴ ᐁ ᓂᐸᐎᓕᒋ, ᓇᒪᐎᓚ ᒫᑲ ᐅᒋ ᑭᔅᑫᓕᑕᒻ ᐁ ᐋᐎᓕᒋ ᒋᓴᓴ᙮
ᐅᔅᑭᔑᑯᐙᐗ ᒫᑲ ᑮ ᐋᐸᐃᑳᑌᓕᐗ, ᑮ ᑭᔅᑫᓕᒣᐗᒃ ᒫᑲ; ᑮ ᐹᔑᑯᓈᑯᓰᔅᑖᑯᐗᒃ ᒫᑲ᙮
ᐹᑎᒪ ᐊᓂᒪ, ᐋᔭᒡ ᑮ ᓄᑯᓯᔅᑕᐌᐤ ᓂᔓ ᐃᑕᓯᓕᒋ, ᐁ ᐱᒧᑎᓕᒋ, ᐱᑐᔥ ᐃᑕ ᓀᔥᑕ ᐁ ᐃᑐᑌᓕᒋ᙮
ᑮ ᐃᑭᓐ ᒫᑲ ᒣᒀᒡ ᐁ ᐋᔭᒥᐃᑐᒋᒃ, ᓀᔥᑕ ᐁ ᐋᔑᑌᒥᑐᒋᒃ, ᒋᓴᓴ ᑫᒋᐙᒃ ᑮ ᐯᒋ ᓈᑎᑯᐗᒃ, ᓀᔥᑕ ᑮ ᐎᒉᐎᑯᐗᒃ;
ᑮ ᐃᑌᐤ ᒫᑲ, ᑫᑯ ᑐᐎ ᐋᔭᒥᐎᓇ ᑳ ᐅᒋ ᐋᔭᒥᐃᑐᔦᒃ, ᐁ ᐯᒧᑌᔦᒃ, ᓀᔥᑕ ᐁ ᐱᑭᔅᑳᑌᓕᑕᒣᒃ?
