69 ᐹᑎᒪ ᐃᓕᓕᐎᑯᓯᓵᓐ ᑲᑕ ᐊᐱᐤ ᑭᒋᓂᔅᑮᒃ ᐃᑌᑫ ᑭᒋᒪᓂᑐᐗ ᐅ ᑲᔥᑭᐅᐎᓂᓕᒃ᙮
ᐊᓇ ᐁ ᐙᓯᓱᑦ ᐅ ᑭᔅᑌᓕᑖᑯᓯᐎᓂᓕᒃ, ᓀᔥᑕ ᒥᑐᓂ ᐁ ᓇᔥᐱᑕᐙᑦ ᐁ ᐃᔑᓈᑯᓯᓕᒋ, ᓀᔥᑕ ᐁ ᓯᑐᓇᒃ ᒥᓯᐌ ᑫᒀᓇ ᐅ ᓱᑳᑎᓯᐎ ᐋᔭᒥᐎᓂᓕᐤ ᐅᒋ, ᐃᔅᐱ ᐎᓚ ᑫᒋᐙᒃ ᑳ ᑮ ᐃᑲᑌᓇᒃ ᑭ ᒪᒋᑣᐎᓂᓇᐗ, ᑮ ᓇᐊᐱᐌᐤ ᐅ ᑭᒋᓂᔅᑮᓕᒃ ᐊᓂᐃ ᒥᔭᐗᒋ ᐃᔅᐯᓕᑖᑯᓯᓕᒋ ᐃᔥᐱᒥᒃ;
ᐁᑯᔑ ᒫᑲ, ᐃᔅᐱ ᐅᑎᒪᓕᒋᑫᐤ ᑳ ᑮ ᐋᔭᒥᐋᑦ, ᑭᒋᑭᔑᑯᒃ ᑮ ᐃᔑ ᐅᑎᓇᐤ, ᓀᔥᑕ ᑮ ᐊᐱᐌᐤ ᐅ ᑭᒋᓂᔅᑭᓕᒃ ᑭᒋᒪᓂᑐᐗ᙮
ᒋᓴᔅ ᒫᑲ ᑮ ᐃᑗᐤ, ᐁᐁ ᓂᑦ ᐋᐐᓐ: ᑭ ᑳ ᐙᐸᒫᐗᐤ ᒫᑲ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮
ᒋᓴᔅ ᐃᑌᐤ, ᑭ ᑮ ᐃᑣᓐ: ᐁᓕᐌᒃ ᒫᑲ ᑭᑦ ᐃᑌᓇᐗᐤ, ᐹᑎᒫ ᑭ ᑳ ᐙᐸᒪᐤ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮
ᐅᑎᐯᓕᒋᑫᐤ ᑮ ᐃᑌᐤ ᓂ ᑎᐯᓕᒋᑫᒪ, ᐊᐱ ᑭᓚ ᓂ ᑭᒋᓂᔅᑮᒃ ᐹᑎᒫ ᑭ ᑐᑕᒫᓀ ᑭᒋ ᐅ ᑕᑯᔅᑲᒋᑲᓂᔭᓐ ᐊᓂᑭ ᑳ ᐸᒀᑎᔅᑭᒃ?
ᓂ ᑮ ᐙᐸᑎᓕᒃ ᒫᑲ ᐁ ᐸᓓᑲᒃ ᓯᐱ ᐁ ᐱᒫᑎᓯᐎᓂ ᓂᐱᐗᒃ, ᐁ ᐙᓭᑲᒥᒃ ᑖᐱᔅᑯᒡ ᒪᔅᑾᒥ, ᐁ ᐅᒋᐸᓕᒃ ᑭᒋᒪᓂᑐ ᐅᑦ ᐅᑭᒪᐗᐱᐎᓂᒃ ᓀᔥᑕ ᒫᓂᔥᒑᓂᔑᔥ᙮
ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᐎᑕᐱᒥᑦ ᓂᑦ ᐅᑭᒪᐗᐱᐎᓂᒃ, ᑖᐱᔅᑯᒡ ᓂᓚ ᓀᔥᑕ ᐁ ᑮ ᔖᑯᒋᐃᐌᔮᓐ, ᓀᔥᑕ ᐁ ᐎᑕᐱᒪᒃ ᓄᑖᐎ ᐅᑦ ᐅᑭᒪᐗᐱᐎᓂᒃ᙮
ᐊᓇ ᑭᒋᔑᑯᒃ ᑳ ᐃᑐᑌᑦ, ᓀᔥᑕ ᑳ ᐃᑖᑦ ᑭᒋᒪᓂᑐᐗ ᐅ ᑭᒋᓂᔅᑭᓕᒃ: ᐁᓐᒐᓚ, ᓀᔥᑕ ᑎᐯᓕᒋᑫᐎᓇ, ᓀᔥᑕ ᑲᔥᑭᐅᐎᓇ ᐁ ᑎᐯᓕᑕᒥᐋᑲᓂᐎᑦ᙮
ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮
ᐊᓂᐃ ᑫᒀᓇ ᒫᑲ ᑳ ᑮ ᐋᓕᒧᑕᒪᒃ ᐁᐗᑯ ᐅᒪ ᑳ ᒥᓯᐌᔮᒃ: ᑭᑦ ᐋᔭᐙᓇᐤ ᐁᑯ ᑐᐎ ᑭᒋ ᓵᓵᑭᐎᓕᐌᐎᓕᓕᐤ, ᑳ ᐊᐱᑦ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᒃ ᑳ ᑭᒋᐅᑭᒪᐌᓕᑖᑯᓯᑦ ᑭᒋᑭᔑᑯᒃ;
ᑮᔥᐱᓐ ᒫᑲ ᑮ ᐎᒋᐗᓂᔥᑳᒣᒃ ᙭, ᓈᓇᑕᐌᓕᑕᒧᒃ ᐊᓂᐃ ᐃᔥᐱᒥᒃ ᑳ ᐃᑕᑾᑭ, ᐃᑕ ᙭ ᐁ ᐊᐱᐙᑦ ᑭᒋᒪᓂᑐᐗ ᐅ ᑭᒋᓂᔅᑭᓕᒃ᙮
ᐊᐌᓇ ᐊᓇ ᑳ ᓂᔑᐗᓈᒋᒥᐌᑦ? ᙭ ᐁᐗᒀᓇ ᑳ ᑮ ᓂᐱᑦ, ᐁᐁ ᐊᐙᓯᑌ, ᒥᓇ ᑳ ᑮ ᐗᓂᔥᑲᑦ, ᐙᐙᒡ ᑭᒋᒪᓂᑐᐗ ᐅ ᑭᒋᓂᔅᑭᓕᒡ ᑳ ᐃᑖᑦ, ᐊᓇ ᓀᔥᑕ ᑳ ᐋᔭᒥᐁᔅᑕᒫᑕᒃ᙮
ᑮᔥᐱᓐ ᓀᔥᑕ ᑲᑴᒋᒥᑖᑾᑫ, ᓇᒪᐎᓚ ᑭ ᑳ ᓇᔥᑴᐗᔑᐃᓇᐗᐤ ᓇᒪ ᓀᔥᑕ ᑭ ᑳ ᐸᑭᑎᓂᓇᐗᐤ᙮
