5 ᑮ ᓯᑭᓓᓯᐗᒃ ᒫᑲ, ᑮ ᐊᔓᑕᒪᐌᐗᒃ ᒫᑲ ᔔᓕᐋᓇ ᑭᒋ ᒥᓛᒋᒃ᙮
ᑲᒀᑕᑭᓯᐗᒃ! ᐌᓴ ᑮ ᐱᒧᑌᐗᒃ ᐅ ᒣᔅᑲᓈᓕᒃ ᑫᓇ, ᓀᔥᑕ ᑮ ᐱᒥᐸᑕᐗᒃ ᐅ ᐗᓂᔑᓄᐎᓂᓕᒃ ᐯᓚᒪ ᑭᒋ ᐅᑎᓯᒋᒃ, ᑮ ᓂᔑᐗᓈᑎᓯᐗᒃ ᒫᑲ ᐅᑦ ᐋᓉᑕᒧᐎᓂᓕᒃ ᑯᕋᐊ᙮
ᑳ ᑮ ᓇᑲᑕᑭᒃ ᒀᔭᔉ ᒣᔅᑲᓈᓕᐤ, ᓀᔥᑕ ᐁ ᑮ ᐗᓂᔑᑭᒃ, ᐁ ᓄᔅᐱᓈᑕᒸᒋᒃ ᐅᑦ ᐃᔑᑡᐎᓂᓕᐤ ᐯᓚᒪ, ᐅᑯᓯᓴ ᐱᐅᕋ, ᑳ ᑮ ᓵᑭᑖᓕᑭ ᐁ ᐃᔑ ᑎᐸᐃᑳᑌᓕᒃ ᒪᒑᑎᓯᐎᓂᓕᐤ:
ᓀᔥᑕ ᒧᔅᑌᓇᒫᑫᐎᓂᒃ, ᐁ ᑲᑳᔦᓕᓯᐎ ᐊᔭᒥᒋᒃ, ᑭ ᑳ ᐊᑖᐌᑐᑖᑯᐗᐗᒃ: ᐅ ᑎᐹᔅᑯᓂᑯᓯᐎᓂᐗᐤ ᑳᔮᔥ ᐅᒋ ᐁᑳ ᐁ ᑆᔅᑕᐎᐸᓕᓕᐤ, ᓀᔥᑕ ᐅ ᓂᔑᐗᓈᒋᐃᑯᓯᐎᓂᐗᐤ ᐁᑳ ᐁ ᓂᐹᒪᑲᓂᓕᒃ᙮
ᒫᑲ ᐱᑕᕐ ᑮ ᐃᑌᐤ, ᑭ ᔓᓕᐋᓂᒻ ᑭ ᑳ ᐎᒋ ᓂᔑᐗᓈᑎᓯᒥᑯᓐ, ᐌᓴ ᑭ ᑮ ᐃᑌᓕᑌᓐ ᑭᒋᒪᓂᑐ ᐅ ᒥᓕᐌᐎᓐ ᑭᒋ ᑮ ᐊᑕᐙᓂᐙᓂᓕᒃ ᔓᓕᐋᓇ ᐅᒋ᙮
ᐊᐗ ᐃᓕᓕᐤ ᒫᑲ ᑮ ᐊᑖᐌᐤ ᓂᑕᐎᑭᒋᑲᓂᓕᐤ ᐊᓂᒪ ᑳ ᑮ ᑎᐸᐊᒪᐙᑲᓂᐎᑦ ᐅᒋ ᐁ ᑮ ᒪᒋᑐᑕᒃ; ᓀᔥᑕ ᐁ ᐊᒋᒋ ᐸᑭᔑᒃ, ᐋᐱᑕᐤ ᑮ ᐸᔅᑯᒉᔑᓐ, ᓀᔥᑕ ᒥᓯᐌ ᐅᑕᑭᔑᔭ ᑮ ᐗᓚᐎᐸᓕᓕᐗ᙮
ᑮ ᑭᑐᑌᐤ ᒫᑲ, ᑮ ᐙᐎᒋᐋᔭᒥᒣᐤ ᒫᑲ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᓇᑐᐸᓕᐎᑭᒫᐗ, ᑫ ᐃᔑ ᐙᔦᔑᐸᑭᑎᓇᒪᐙᑦ᙮
ᑮ ᓇᔅᑯᒧ ᒫᑲ, ᓀᔥᑕ ᑮ ᓈᓇᑕᐌᓕᑕᒻ ᑫ ᐃᔑ ᐙᔦᔑᐸᑭᑎᓇᒪᐙᑦ ᐁᑳ ᐁ ᒫᒪᐎᒥᒉᑎᓕᒋ ᐱᓕᓕᐗ᙮
