6 ᑮ ᑭᓕᐱ ᓂᑖᑕᐎᐤ ᒫᑲ, ᓀᔥᑕ ᐁ ᒥᓚᐙᑕᒃ ᑮ ᐱᑐᑲᐁᐤ᙮
ᓕᐹᐃ ᒫᑲ ᑮ ᐅᔑᑕᒪᐌᐤ ᑭᒋ ᒪᑯᔐᐎᓂᓕᐤ ᑎᐱᓚᐌ ᐅ ᐙᔅᑳᔨᑲᓂᒥᒃ; ᑮ ᐃᑕᐗᒃ ᒫᑲ ᐁ ᒥᒉᑎᒋᒃ ᐸᑉᓕᑳᓇᒃ, ᓀᔥᑕ ᑯᑕᑭᔭᒃ, ᑳ ᐎᑕᐱᒫᒋᒃ᙮
ᐃᔅᐱ ᒫᑲ ᑳ ᐯᔑᐙᑦ ᐎᑭᒃ, ᑮ ᐅᓚᔅᑕᒪᐌᐤ ᒥᒋᒥᓕᐤ, ᐁ ᓯᑭᓓᓯᑦ ᒫᑲ, ᐁ ᑖᐺᔦᓕᒫᑦ ᑭᒋᒪᓂᑐᐗ ᐊᓯᒋ ᒥᓯᐌ ᑳ ᐃᑕᔑᑦ ᐎᑭᒃ᙮
ᐃᔅᐱ ᒫᑲ ᑳ ᓯᑲᐊᑕᐙᑲᓂᐎᑦ, ᓀᔥᑕ ᒥᓯᐌ ᑳ ᐃᑕᔑᑦ, ᓂ ᑮ ᐸᑯᓭᓕᒥᑯᓈᓐ, ᐁ ᐃᑗᑦ, ᑮᔥᐱᓐ ᑳ ᐃᑌᓕᒥᐌᑴ ᐁ ᔮᒀᒥᔅᑕᐗᒃ ᐅᑎᐯᓕᒋᑫᐤ, ᐯᒋ ᐱᑐᑫᒃ ᓂᑭᒃ, ᐁᑯᑕ ᒫᑲ ᑕᔑᑫᒃ᙮ ᓂ ᑮ ᔕᑯᒋᒥᑯᓈᓐ ᒫᑲ᙮
ᐁᑯ ᒥᓯᐌ ᐊᓂᑭ ᑳ ᐱᔑᒋᐋᒋᒃ ᓯᑭᓓᓯᐎᓂᒃ ᑮ ᓯᑲᐊᑕᐙᑲᓂᐎᐗᒃ; ᐊᓂᒪ ᐁ ᑭᔑᑳᒃ ᒫᑲ ᑮ ᓚᑭᐳᐗᒃ ᐊᓂᑭ ᐅᑕᔭᒥᐋᐙᒃ ᓈᓐᑕᐤ ᓂᔅᑡᐤ ᑭᒋᒥᑖᑐᒥᑕᓇᐤ ᐊᒑᑯᔕ᙮
ᐁᑯ ᑭᓕᐱ ᐱᐁᒋ ᐃᑐᑌᒋᒃ, ᑮ ᒥᔅᑲᐌᐗᒃ ᒫᑲ ᒣᕆᐊ, ᓀᔥᑕ ᒍᓯᐸ, ᓀᔥᑕ ᐊᐱᔅᑕᐙᔑᔕ ᐁ ᐱᒥᔑᓂᓕᒋ ᐋᐗᑳᓂᑲᒥᑯᒃ᙮
ᐃᔅᐱ ᒫᑲ ᐁᑯᑕ ᑌᑯᔑᒃ ᒋᓴᔅ, ᑮ ᑕᔅᑕᓵᐱᐤ, ᓀᔥᑕ ᑮ ᐙᐸᒣᐤ, ᑮ ᐃᑌᐤ ᒫᑲ, ᓵᑭᐊᔅ, ᑭᓕᐱ ᓂᑖᑕᐎ, ᐌᓴ ᐊᓄᒡ ᐁ ᑭᔑᑳᒃ ᓂ ᑳ ᐃᑖᓐ ᑭᑭᒃ᙮
ᐃᔅᐱ ᒫᑲ ᐎᐋᐸᑕᑭᒃ, ᒥᓯᐌ ᑮ ᐙᔦᔥ ᐃᑗᐗᒃ, ᐁ ᐃᑗᒋᒃ, ᓇᑕᐎ ᒪᐗᑎᑌᐤ ᐃᓕᓕᐗ ᑳ ᒪᒋᑣᓕᒋ᙮
