28 ᐃᔅᐱ ᒫᑲ ᐅᒪ ᑳ ᐃᔑ ᐋᔭᒥᑦ, ᑮ ᓂᑳᓄᑌᐤ, ᐁ ᐊᑎ ᐃᑐᑌᑦ ᒋᕉᓴᓚᒥᒃ᙮
ᑮ ᐃᑭᓐ ᒫᑲ, ᐃᔅᐱ ᐌᑎᒋᐸᓕᒃ ᐃᔅᐱ ᑭᒋ ᐅᑎᓈᑲᓂᐎᑦ, ᑮ ᐃᔑᔅᑴᓕᐤ ᔮᓕᑌᓪ ᑭᒋ ᐃᑐᑌᑦ ᒋᕉᓴᓚᒥᒃ᙮
ᐁ ᑭᔅᑫᓕᑖᑾᒃ ᒫᑲ ᙭ ᐁ ᑮ ᐎᓴᑫᓕᑕᒫᑕᒃ ᐎᔮᓯᒃ, ᐁᑯᔑ ᐳᔅᑎᔥᑲᒧᒃ ᑭᓚᐗᐤ ᓀᔥᑕ ᐁᐗᑯ ᒥᑐᓀᓕᒋᑲᓐ: ᐌᓴ ᐊᓇ ᑳ ᑮ ᐎᓴᑫᓕᑕᒃ ᐎᔮᓯᒃ ᑮ ᐳᓂᑕᐤ ᒪᒋᑐᑕᒧᐎᓂᓕᐤ;
ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮
ᐁᑯ ᐌᑎᓈᑦ ᐊᓂᐃ ᓂᔓᔖᑉ, ᑮ ᐃᑌᐤ ᒫᑲ, ᒫᑎᑲ, ᑭᑦ ᐃᑐᑖᓈᓇᐤ ᒋᕉᓴᓚᒥᒃ, ᒥᓯᐌ ᑫᒀᓇ ᒫᑲ ᑳ ᒪᓯᓇᐊᑭᒃ ᐅᑭᔅᑭᐙᐃᑫᐗᒃ ᐁ ᑎᐹᒋᒧᔅᑕᐙᒋᒃ ᐃᓕᓕᐎᑯᓯᓵᓇ, ᑲᑕ ᑎᐱᐸᓕᓕᐗ᙮
ᒫᑲ ᓂᑦ ᐋᔮᓐ ᓯᑲᐋᑖᑫᐎᓐ ᑫ ᐅᒋ ᓯᑲᐋᑖᑲᐎᔮᓐ; ᐙ ᒫᑲ ᒥᑯᔥᑳᑌᓕᑕᒫᓐ ᐹᑎᒫ ᑮ ᑎᐱᐸᓕᑫ!
ᐁᑯ ᒋᓴᔅ ᐁᑖᑦ ᐱᑕᕋ, ᐱᑕᐊ ᑭ ᔑᒫᑲᓐ ᐱᒋᑯᒫᓈᓂᒃ: ᐊᓂᐁᓕᐤ ᒥᓂᒀᑲᓂᓕᐤ ᓄᑖᐎ ᑳ ᑮ ᒥᓕᑦ, ᓇᒪ ᓈ ᓂ ᑳ ᒥᓂᑴᐙᓐ?
ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑭ ᐃᑗᐤ, ᐯᔭᒃ ᐃᓕᓕᐤ ᑮ ᐅᑐᑌᐤ ᒋᕉᓴᓚᒥᒃ ᐁ ᐃᑐᑌᑦ ᒉᕆᑯᐃᒃ, ᑮ ᐅᑎᑎᓂᑯ ᒫᑲ ᑭᒧᑎᔅᑾ, ᑳ ᒪᔅᑲᒥᑯᑦ ᐅ ᐎᓛᒋᑲᓇ, ᓀᔥᑕ ᑳ ᒥᔣᑲᓂᑳᑎᑯᑦ, ᐁᑯ ᑫᑐᑌᓕᒋ, ᐁ ᓇᑲᑎᑯᑦ ᐋᐱᑕᐤ ᐁ ᓂᐱᑦ᙮
