ᐅᐸᓓᑭᔅ ᓘᒃ 18:7 - ᐅᔅᑭ ᑎᔅᑌᒥᓐᑦ

⁷ ᓇᒪ ᓈ ᒫᑲ ᑭᒋᒪᓂᑐ ᑲᑕ ᐎᑾᒋᐁᐤ ᑎᐱᓚᐌ ᐅ ᐙᐌᓛᐸᒫᑲᓇ, ᑳ ᒪᐎᒧᔅᑕᑯᑦ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᐋᑕ ᑭᓉᔥ ᐁ ᔑᐱᑕᐙᑦ?

ᐅᐸᓓᑭᔅ ᓘᒃ 18:7 Referans Kwoze

ᓂᔓ ᐱᑕᕐ 3:9

ᐅᑎᐯᓕᒋᑫᐤ ᓇᒪᐎᓚ ᑆᔅᑕᐎᐤ ᑭᒋ ᑐᑕᒃ ᐅᑦ ᐊᔓᑕᒫᑫᐎᓐ, ᑖᐱᔅᑯᒡ ᐋᑎᑦ ᐃᓕᓕᐗᒃ ᑆᔅᑕᐎᐎᓐ ᑳ ᐃᑕᑭᒃ; ᒫᑲ ᑭ ᔑᐱᓚᐌᓯᔅᑖᑯᓇᐤ, ᐁᑳ ᐁ ᓇᑕᐌᓕᑕᒃ ᐊᐌᓕᐗ ᑭᒋ ᓂᔑᐗᓈᑎᓯᓕᒋ, ᒫᑲ ᒥᓯᐌ ᑭᒋ ᐊᑎ ᒥᒋᓚᐌᔦᓕᑕᒥᓕᒋ᙮

ᐅᐸᓓᑭᔅ ᓘᒃ 11:13

ᑮᔥᐱᓐ ᒫᑲ ᑭᓚᐗᐤ ᐁ ᐋᑕ ᒪᒋᑣᔦᒃ ᑫᔅᑫᓕᑕᒧᐌᑴ ᑭᒋ ᐃᔑ ᒥᓓᑾᒃ ᒥᓗ ᒥᓕᐌᐎᓇ ᑭᑦ ᐊᐙᔑᒥᔑᐙᐗᒃ, ᑖᓂ ᒫᑲ ᐊᐙᓯᑌ ᐃᔥᐱᔥ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᐸᓓᑭ ᐊᒑᑾ ᑫ ᒥᓛᑦ ᐊᓂᐃ ᑳ ᓇᑐᑕᒫᑯᑦ?

ᓂᔥᑕᒻ ᑎᒧᑎ 5:5

ᐊᓇ ᒫᑲ ᑖᐺ ᑳ ᑭᑎᒪᑭᔅᑴᐎᑦ ᓀᔥᑕ ᑳ ᓂᓯᑫᐎᓯᑦ, ᐊᔅᐯᓕᒧᑐᑕᐌᐤ ᑭᒋᒪᓂᑐᐗ, ᓀᔥᑕ ᒧᔕᒃ ᓇᑐᑕᒫᑫᐤ ᓀᔥᑕ ᐋᔭᒥᐊᐤ, ᐁ ᑎᐱᔅᑳᓕᒃ ᓀᔥᑕ ᐁ ᑭᔑᑳᓕᒃ᙮

ᑭᔅᑫᓕᑖᑯᑖᑫᐎᓐ 6:10

ᑮ ᑌᐺᐗᒃ ᒫᑲ ᐁ ᑭᔗᐌᒋᒃ, ᐁ ᐃᑗᒋᒃ, ᑖᓀᓕᑯᒃ, ᐅ ᑌᐯᓕᒋᑫᔭᓐ, ᑳ ᐸᓓᑭᓯᔭᓐ ᓀᔥᑕ ᑳ ᑖᐺᐎᔭᓐ, ᓇᒪ ᓈ ᑮ ᑎᐹᔅᑯᓇᐗᒃ ᓀᔥᑕ ᑭᑦ ᐋᔅᑯᒋᐋᐗᒃ ᓂ ᒥᑯᒥᓈᓐ ᐅᒋ ᐊᓂᑭ ᑳ ᑕᔑᑫᒋᒃ ᐊᔅᑮᒃ?

ᓂᔓ ᑌᓴᓗᓂᔭᓇ 1:6

ᐁ ᐙᐸᒋᑲᑌᒃ ᐁ ᒥᓜᓕᑕᒃ ᑭᒋᒪᓂᑐ ᐊᓕᒥᓯᐎᓂᓕᐤ ᑭᒋ ᑎᐸᐊᒪᐙᑦ ᐊᓂᐃ ᑳ ᒥᑯᔥᑳᒋᐃᑕᑾᒃ;

ᐅᐸᓓᑭᔅ ᓘᒃ 2:37

ᑮ ᑭᑎᒫᑭᔅᑴᐎᐤ, ᓀᔥᑕ ᓈᓐᑕᐤ ᔭᓈᓀᒥᑕᓇᐤ ᓀᐅᔖᑉ ᓀᔥᑕ ᑮ ᑕᑐ ᐱᐴᓀᓯᐤ, ᐁᑳ ᑳ ᓈᑲᑕᒃ ᑭᒋᐋᔭᒥᐁᐎᑲᒥᑯᓕᐤ, ᒫᑲ ᑮ ᐊᑑᔅᑫᔅᑕᐌᐤ ᑭᒋᒪᓂᑐᐗ ᐁ ᓂᑲᓱᑦ ᓀᔥᑕ ᐁ ᐋᔭᒥᐋᑦ ᐁ ᑎᐱᔅᑳᓕᒃ ᓀᔥᑕ ᐁ ᑭᔑᑳᓕᒃ᙮

ᐅᐸᓓᑭᔅ ᒫᑎᐤ 7:11

ᑮᔥᐱᓐ ᒫᑲ ᑭᓚᐗᐤ ᐁ ᐋᑕ ᒪᒋᑣᔦᒃ ᑫᔅᑫᓂᑕᒧᐌᑴ ᑭᒋ ᐃᔑ ᒥᓓᑾᒃ ᒥᓗ ᒥᓕᐌᐎᓇ ᑭᑦ ᐊᐙᔑᒥᔑᐙᐗᒃ, ᑖᓂ ᒫᑲ ᐃᔥᐱᔥ ᐊᐙᓯᑌ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᑫ ᐎ ᒥᓛᑦ ᒥᓗ ᑫᒀᓇ ᐊᓂᐃ ᑳ ᓇᑐᑕᒫᑯᑦ?

ᑭᔅᑫᓕᑖᑯᑖᑫᐎᓐ 18:20

ᒥᓚᐙᑎᒃ, ᑭᓚᐗᐤ ᑭᒋᑭᔑᑯᒃ, ᓀᔥᑕ ᐯᓓᑭᓯᔦᒃ ᐊᐸᔅᑕᓕᑐᒃ ᓀᔥᑕ ᐅᑭᔅᑭᐙᐃᑫᑐᒃ; ᐌᓴ ᑭᒋᒪᓂᑐ ᑮ ᐋᔅᑯᒋᐁᐤ ᑳ ᑮ ᑐᑕᒫᑲᐎᔦᒃ᙮

ᓂᔥᑕᒻ ᑌᓴᓗᓂᔭᓇ 3:10

ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ ᓈᔅᐱᒡ ᓱᑲ ᐁ ᐋᔭᒥᐋᔮᒃ, ᑭᒋ ᑮ ᐙᐸᑕᒫᒃ ᑭᑖᔅᑕᒥᑯᐗᐤ ᓀᔥᑕ ᑭᒋ ᒥᑐᓂᐸᓕᔮᒃ ᐊᓂᒪ ᑳ ᓄᑌᐸᓕᒃ ᑭ ᑖᐺᔦᓕᑕᒧᐎᓂᐗᐤ?

ᑯᓚᔑᔭᓇ 3:12

ᐁᐗᑯ ᐌᒋ ᐳᔅᑎᔥᑲᒧᒃ, ᑖᐱᔅᑯᒡ ᐅ ᐙᐌᓛᐸᒫᑲᓇ ᑭᒋᒪᓂᑐ, ᐯᓓᑭᓯᔦᒃ ᓀᔥᑕ ᓯᐋᑭᐃᑲᐎᔦᒃ, ᔕᐌᓕᒋᑫᐎ ᒥᑌᐃ, ᑭᔐᐙᑎᓯᐎᓐ, ᑕᐸᑌᓕᒧᐎᓐ, ᓗᔅᐱᓯᐎᓐ, ᔑᐱᓚᐌᓯᐎᓐ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:33

ᐊᐌᓇ ᑫ ᑮ ᒪᒥᔑᒥᒫᑦ ᑭᒋᒪᓂᑐ ᐅ ᐙᐌᓛᐸᒫᑲᓇ? ᑭᒋᒪᓂᑐ ᐁᐗᒀᓇ ᑳ ᒀᔭᔅᑭᑖᑎᓯᐃᐌᑦ᙮

ᑭᔅᑫᓕᑖᑯᑖᑫᐎᓐ 7:15

ᐁᐗᑯ ᐌᒋ ᐃᑖᒋᒃ ᐅᑎᔥᑲᐤ ᑭᒋᒪᓂᑐ ᐅᑦ ᐊᑭᒪᐗᐱᐎᓂᒃ, ᓀᔥᑕ ᐊᑑᔅᑫᔅᑕᐙᒋᒃ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ ᐅ ᑭᒋᐋᔭᒥᐁᐎᑲᒥᑯᒃ; ᐊᓇ ᒫᑲ ᑳ ᐊᐱᑦ ᐅᑭᒪᐗᐱᐎᓂᒃ ᑲᑕ ᐎᒋᑕᔑᑫᒣᐤ᙮

ᑕᐃᑕᔅ 1:1

ᐹᓪ, ᐅᑦ ᐊᑑᔅᑫᓚᑲᓂᒪ ᑭᒋᒪᓂᑐ, ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᐃᑕᔅᑌᓕᒃ ᐅ ᑖᐺᔦᓕᑕᒧᐎᓂᓕᐤ ᑭᒋᒪᓂᑐ ᐅ ᐙᐌᓛᐸᒫᑲᓇ, ᓀᔥᑕ ᐁ ᐎᒋᑳᑌᒃ ᐊᓂᒪ ᑖᐺᐎᓐ ᒪᓂᑐᐙᑎᓯᐎᓂᒃ ᑳ ᐃᑕᔅᑌᒃ;

ᓂᔓ ᑎᒧᑎ 1:3

ᓂ ᓇᓈᔅᑯᒪᐤ ᑭᒋᒪᓂᑐ, ᑳ ᐊᑐᔅᑫᔅᑕᐗᒃ ᓂ ᑳᔮᔑ ᓄᑖᐎᔭᒃ ᐅᒋ, ᐸᓓᑭ ᒥᑐᓀᓕᒋᑲᓂᒃ, ᐁᑳ ᐁ ᐳᓂᔮᓐ, ᐁ ᑭᔅᑭᓯᑐᑖᑖᓐ ᓂᑦ ᐋᔭᒥᐋᐎᓂᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ;

ᐅᐸᓓᑭᔅ ᒫᑎᐤ 24:22

ᑮᔥᐱᓐ ᒫᑲ ᐁᑳ ᑕᑯᑖᑲᓂᐎᑭ ᐊᓂᐃ ᑭᔑᑳᐗ, ᓇᒪᐎᓚ ᐊᐌᓇ ᑲᑕ ᐱᒫᒋᐅᐸᓐ: ᒫᑲ ᐎᓚᐗᐤ ᑳ ᐙᐌᓛᐸᒫᑲᓂᐎᒋᒃ ᑲᑕ ᐅᒋ ᑕᑯᑖᑲᓂᐎᐗ ᐊᓂᐃ ᑭᔑᑳᐗ᙮

ᐅᐸᓓᑭᔅ ᒫᑎᐤ 24:24

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᓘᒃ 21:28

ᐃᔅᐱ ᒫᑲ ᐅᐅ ᑫᒀᓇ ᒫᒋ ᐃᑭᑾᐌ, ᐁᑯ ᑕᔅᑕᓵᐲᒃ, ᓀᔥᑕ ᐅᐱᔅᑴᓕᒃ; ᐌᓴ ᑭ ᐱᒫᒋᐃᑯᓯᐎᓂᐗᐤ ᑭᔑᐙᒃ ᐯᒋ ᐃᑕᑾᓐ᙮

ᓂᔓ ᑎᒧᑎ 2:10

ᐁᐗᑯ ᒫᑲ ᐅᒋ ᓂ ᓇᔭᑌᓐ ᒥᓯᐌ ᑫᒀᓇ ᐙᐌᓛᐸᒫᑲᓇᒃ ᐅᒋ, ᐎᓚᐗᐤ ᐊᓯᒋ ᑭᒋ ᐋᔮᒋᒃ ᐊᓂᐁᓕᐤ ᐱᒫᒋᐃᐌᐎᓂᓕᐤ ᑳ ᐃᑕᑾᓂᓕᒃ ᙭ ᒋᓴᓯᒃ, ᐊᓯᒋ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓂᓕᐤ᙮

ᓂᔥᑕᒻ ᐱᑕᕐ 1:1

ᐱᑕᕐ, ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐙᑦ ᐊᓂᐃ ᒫᓐᑌᐗ ᓇᓈᓂᔅ ᑳ ᐃᑖᓕᒋ ᐸᓐᑕᓯᒃ, ᑲᓓᔕᐃᒃ, ᑳᐸᑐᔕᐃᒃ, ᐁᔕᐃᒃ, ᓀᔥᑕ ᐹᐃᑎᓐᔭᐃᒃ,