ᐅᐸᓓᑭᔅ ᓘᒃ 12:39 - ᐅᔅᑭ ᑎᔅᑌᒥᓐᑦ

³⁹ ᐅᒪ ᒫᑲ ᑭᔅᑫᓕᑕᒧᒃ ᑮᔥᐱᓐ ᐊᓇ ᑳ ᑎᐯᓕᑕᒃ ᐙᔅᑳᔨᑲᓂᓕᐤ ᑮ ᑭᔅᑫᓕᑕᒧᑯᐸᓀ ᑫᑯ ᑎᐹᔨᑲᓐ ᐱᓯᒧᑳᓂᒃ ᑭᒧᑎᔅᑲ ᑫ ᑕᑯᔑᓂᓕᒋ, ᑲᑕ ᑮ ᐊᔕᐙᐱᐸᓐ, ᐁᑯ ᐅ ᐙᔅᑳᔨᑲᓂᒻ ᐁᑳ ᑫ ᑮ ᐸᔅᐱᐱᑯᓂᑳᑌᓕᔅᐸᓐ᙮

ᐅᐸᓓᑭᔅ ᓘᒃ 12:39 Referans Kwoze

ᓂᔓ ᐱᑕᕐ 3:10

ᒫᑲ ᐅᑎᐯᓕᒋᑫᐤ ᐅ ᑭᔑᑳᒻ ᑲᑕ ᐹᐸᓕᓕᐤ ᑖᐱᔅᑯᒡ ᑭᒧᑎᔉ ᐁ ᑎᐱᔅᑳᓕᒃ; ᐁᑯᔅᐱ ᑭᔑᑾ ᑫ ᐌᐱᐸᓕᑭ ᐁ ᑭᒋ ᓄᑖᑾᒃ, ᓀᔥᑕ ᑭᔑᑯᒃ ᑳ ᐊᑯᑎᑭ ᑲᑕ ᑎᑭᑌᐗ ᐁ ᐃᔅᐱᒋ ᑭᔑᑌᒃ; ᐊᔅᑭ ᓀᔥᑕ ᓀᔥᑕ ᒥᓯᐌ ᐊᑐᔅᑫᐎᓇ ᐁᑯᑕ ᑳ ᐃᑕᑾᑭ ᑲᑕ ᒑᑳᔅᑭᑌᐗ᙮

ᑭᔅᑫᓕᑖᑯᑖᑫᐎᓐ 3:3

ᑭᔅᑭᓯ ᒫᑲ ᑳ ᑭ ᐃᔑ ᐅᑎᓇᒪᓐ ᓀᔥᑕ ᐯᑕᒪᓐ, ᒪᔥᑲᐎ ᒥᒋᒥᓇ ᒫᑲ ᓀᔥᑕ ᒥᒋᓚᐌᔦᓕᑕ᙮ ᑭᔥᐱᓐ ᒫᑲ ᐁᑳ ᐊᔕᐙᐱᔭᓀ, ᑭ ᑳ ᐯᒋ ᓈᑎᑎᓐ ᑖᐱᔅᑯᒡ ᑭᒧᑎᔉ, ᓇᒪᐎᓚ ᒫᑲ ᑭ ᑳ ᑭᔅᑫᓕᑌᓐ ᑫᑯ ᑎᐹᔨᑲᓂᒃ ᐃᔅᐱ ᑫ ᐯᒋ ᓈᑎᑖᓐ᙮

ᑭᔅᑫᓕᑖᑯᑖᑫᐎᓐ 16:15

ᒫᑎᑲ, ᑖᐱᔅᑯᒡ ᑭᒧᑎᔉ ᓂ ᑕᑯᔑᓂᓐ᙮ ᔕᐌᓕᑖᑯᓯᐤ ᐊᓇ ᑳ ᐊᔕᐙᐱᑦ, ᓀᔥᑕ ᑳ ᑲᓇᐌᓕᑕᒃ ᐅ ᐎᓛᒋᑲᓇ, ᐁᑳ ᑭᒋ ᒧᔐᔥᑲᑌᑌᑦ, ᓀᔥᑕ ᐙᐸᑕᒥᓕᒋ ᐅ ᓇᓀᐯᐎᓯᐎᓐ᙮

ᐅᐸᓓᑭᔅ ᒫᑎᐤ 6:19

ᐁᑳᐎᓚ ᓈᐋᔅᑣᓱᒃ ᒥᔕᑭᓯᐎᓇ ᐅᑕ ᐊᔅᑮᒃ, ᐊᓐᑕ ᐁ ᐃᔑ ᓂᔑᐗᓈᒋᑖᑦ ᒪᓂᒍᔥ, ᓀᔥᑕ ᐁ ᐊᒀᒀᐱᔅᑳᒃ, ᐊᓐᑕ ᓀᔥᑕ ᑭᒧᑎᔅᑲᒃ ᑳ ᐸᔅᐱᐱᑯᐊᑭᒃ ᐁ ᑭᒧᑎᒋᒃ:

ᐅᐸᓓᑭᔅ ᒫᑎᐤ 24:42

ᐁᐗᑯ ᐌᒋ ᐊᔕᐙᐱᒃ; ᐌᓴ ᓇᒪᐎᓚ ᑭ ᑭᔅᑫᓕᑌᓇᐗᐤ ᑫᑯ ᑎᐹᔨᑲᓐ ᐱᓯᒧᑳᓂᒃ ᐃᔅᐱ ᑫ ᐯᒋ ᐃᑐᑌᒃ ᑭ ᑎᐯᓕᒋᑫᒥᐗᐤ᙮