ᐅᐸᓓᑭᔅ ᓘᒃ 12:19 - ᐅᔅᑭ ᑎᔅᑌᒥᓐᑦ

¹⁹ ᓂ ᑳ ᐃᑕᐤ ᒫᑲ ᓂᑦ ᐊᒑᒃ, ᐊᒑᒃ, ᑭᑦ ᐋᔮᓐ ᒥᔅᑕᐃ ᐋᐸᒋᑖᐎᓇ ᐁ ᓇᐊᔅᑌᑭ ᑫ ᐃᔅᐸᓕᑭ ᒥᒉᑦ ᐱᐴᓋ; ᐋᓜᓯ, ᒥᒋᓱ, ᒥᓂᑴ, ᓀᔥᑕ ᒧᒋᑫᓕᑕ᙮

ᐅᐸᓓᑭᔅ ᓘᒃ 12:19 Referans Kwoze

ᓂᔥᑕᒻ ᑯᕆᓐᑎᐊᓇ 15:32

ᑮᔥᐱᓐ ᐁ ᑭᔅᑭᓄᐙᐸᒪᑭᒃ ᐃᓕᓕᐗᒃ, ᑳ ᒫᔑᐋᐗᑫᓇᒃ ᐊᐌᓯᓴᒃ ᐊᓐᑕ ᐁᐱᓴᔅ, ᑫᒀᓐ ᑫ ᐅᑎᓯᔮᓐ, ᑮᔥᐱᓐ ᐁᑳ ᐗᓂᔥᑳᑡᐌ ᐅᓂᐱᐗᒃ? ᐁᑯᔑ ᒥᒋᓱᑕᐤ ᓀᔥᑕ ᒥᓂᑴᑕᐤ, ᐌᓴ ᐙᐸᑫ ᑭ ᑳ ᓂᐱᓈᓇᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:5

ᑭ ᑮ ᐱᒫᑎᓯᓇᐗᐤ ᒥᓜᓕᒧᐎᓂᒃ ᐅᑕ ᐊᔅᑮᒃ, ᓀᔥᑕ ᑭ ᑮ ᑮᔥᑴᐙᑎᓯᓇᐗᐤ; ᑭ ᑮ ᑖᒋᐳᑖᓇᐗᐤ ᑭᑌᐃᐙᐗ, ᑖᐱᔅᑯᒡ ᒣᒀᒡ ᐁ ᓂᐹᔨᐌᐎ ᑭᔑᑳᒃ᙮

ᐱᓕᐱᔭᓇ 3:19

ᑫ ᐊᑎ ᓂᔑᐗᓈᑎᓯᒋᒃ, ᑳ ᐅ ᒪᓂᑐᒥᒋᒃ ᐗᑕᐗᐤ, ᑳ ᐅᒋ ᒫᒪᑖᑯᒧᒋᒃ ᐊᓂᐃ ᑫ ᐅᒋ ᓇᓀᐯᐎᓯᐙᔅᐸᓐ, ᑳ ᒫᒥᑐᓀᓕᑕᑭᒃ ᐊᔅᑭᐎ ᑫᒀᓇ᙮

ᑭᔅᑫᓕᑖᑯᑖᑫᐎᓐ 18:7

ᐃᓕᑯᒃ ᑳ ᑮ ᑭᔅᑌᓕᑖᑯᐃᑎᓱᑦ, ᓀᔥᑕ ᒥᓗᐳᑦ, ᐁᑯ ᐃᔥᐱᔥ ᑲᒀᑕᑭᓯᐎᐤ ᓀᔥᑕ ᒥᔕᒣᓕᑕᒧᐎᓐ ᒥᓕᒃ; ᐌᓴ ᐃᑗᐤ ᐅᑌᐃᒃ, ᓂᑦ ᐊᐱᓐ ᐁ ᑭᒋᐅᑭᒫᔅᑴᐎᔮᓐ, ᐁᑳ ᓀᔥᑕ ᐁ ᑭᑎᒫᑭᔅᑴᐎᔮᓐ, ᓇᒪ ᓀᔥᑕ ᓂ ᑳ ᐙᐸᑌᓐ ᒥᔕᒣᓕᑕᒧᐎᓐ᙮

ᓂᔥᑕᒻ ᐱᑕᕐ 4:3

ᐌᓴ ᐃᔥᐱᔥ ᑳ ᒫᔭᐎᐸᓕᒃ ᑭ ᐱᒫᑎᓯᐎᓂᓇᐤ ᐁᒀᓂ ᑭᒋ ᑮ ᑐᑐᒶᒃ ᐅᑦ ᐃᑌᓕᑕᒧᐎᓂᐗᐤ ᒉᓐᑖᐃᓚᒃ, ᐃᔅᐱ ᐁ ᑮ ᐱᒧᑌᔭᒃ ᑭᔥᑴᔮᑎᓯᐎᓂᒃ, ᒪᒋᓇᑕᐌᓕᑕᒧᐎᓂᒃ, ᐁ ᐅᓵᒥᓂᑾᓂᐙᒃ ᔓᒥᓇᐳ, ᑭᔥᑴᐯᐎᓂᒃ, ᐎᑯᑐᐎᓂᒃ, ᓀᔥᑕ ᐁ ᒪᒋ ᓇᐗᑭᔅᑕᐗᑭᒃ ᒪᓂᑐᑳᓇᒃ:

ᓂᔓ ᑎᒧᑎ 3:4

ᐁ ᑭᓛᔅᑭᑌᐁᔅᑭᒋᒃ, ᐁ ᒪᔥᑲᐎᔅᑎᒀᓂᒋᒃ, ᐁ ᑭᔅᑌᓕᒥᑎᓱᑭᒋᒃ, ᐊᐙᓯᑌ ᐁ ᓵᑭᑖᒋᒃ ᒥᓚᐙᑎᑯᓯᐎᓐ ᐃᔥᐱᔥ ᐁ ᓵᑭᐋᒋᒃ ᑭᒋᒪᓂᑐᐗ:

ᓂᔥᑕᒻ ᑎᒧᑎ 6:17

ᐃᑕᔓᒥᒃ ᐊᓂᑭ ᑳ ᐌᓗᑎᓯᒋᒃ ᐅᑕ ᐊᔅᑮᒃ, ᐁᑳ ᑭᒋ ᑭᔅᑌᓕᒧᒋᒃ, ᐁᑳ ᓀᔥᑕ ᑭᒋ ᒪᒥᔑᑐᑕᑭᒃ ᐁᑳ ᑳ ᑫᒋᓇᐅᒪᑲᑭ ᒥᔕᑭᓯᐎᓇ, ᒫᑲ ᑳ ᐱᒫᑎᓯᓕᑭ ᑭᒋᒪᓂᑐᐗ, ᐊᓇ ᒥᓯᐌ ᑫᒀᓇ ᑳ ᐌᓗᒋ ᒥᓕᑕᒃ ᑭᒋ ᐅᒋ ᒥᓜᓕᑕᒪᒃ;

ᓂᔥᑕᒻ ᑎᒧᑎ 5:6

ᒫᑲ ᐊᓇ ᑳ ᐱᒫᑎᓰᑦ ᒥᓚᐙᑎᑾᑲᒥᑭᓯᐎᓕᒃ ᓂᐱᐤ ᒣᒀᒡ ᐁ ᐱᒫᑎᓰᑦ᙮

ᐅᐸᓓᑭᔅ ᓘᒃ 21:34

ᔮᒀᒥᓰᒃ ᒫᑲ ᐁᑳ ᑭᒋ ᒫᑕᑯᔥᑭᑳᑌᑭ ᑭᑌᐃᐙᐗ ᒥᔅᑕᐃ ᐁ ᒥᒋᓱᔦᒃ ᓀᔥᑕ ᐁ ᑭᔥᑴᐯᔦᒃ, ᓀᔥᑕ ᐁ ᐅᑕᒣᓕᑕᒣᒃ ᐅᒪ ᐱᒫᑎᓯᐎᓐ, ᐁᑳ ᐊᓂᒪ ᐁ ᑭᔑᑳᒃ ᑫᑕᑕᐌ ᑭᒋ ᐅᑎᑎᑯᔦᒃ᙮

ᐅᐸᓓᑭᔅ ᓘᒃ 16:19

ᑮ ᐃᑖᐤ ᐯᔭᒃ ᐁ ᒥᔕᑭᓰᑦ ᐃᓕᓕᐤ, ᑳ ᑭᑭᔥᑲᒃ ᒥᑴᑭᓂᓕᐤ ᓀᔥᑕ ᑳ ᒥᓨᔑᓂᓕᒃ ᐸᐸᑭᐙᔮᓀᑭᓂᓕᐤ, ᓀᔥᑕ ᑮ ᒥᓗᐳ ᑕᑡᐤ ᑳᔑᑳᓕᑭ᙮

ᐅᐸᓓᑭᔅ ᓘᒃ 12:18

ᑮ ᐃᑗᐤ ᒫᑲ, ᐅᒪ ᓂ ᑳ ᑐᑌᓐ: ᓂ ᑳ ᓂᒋᐱᑌᓐ ᓂ ᑕᑾᐃᑫᐎᑲᒥᑾ, ᓀᔥᑕ ᓂ ᑳ ᐅᔑᑖᓐ ᐊᐙᓯᑌ ᐁ ᒥᔖᑭ; ᐁᑯᑕ ᒫᑲ ᑫ ᓇᐊᔅᑖᔮᓐ ᒥᓯᐌ ᓂ ᓂᑖᐎᑭᑖᑲᓇ ᓀᔥᑕ ᓂᑦ ᐋᔮᓇ᙮