28 ᑮ ᐃᑌᐤ ᒫᑲ, ᒀᔭᔉ ᑭ ᑮ ᓇᔥᑴᐗᔑᐃᐙᓐ: ᐅᒪ ᑐᑕ, ᐁᑯ ᒫᑲ ᑫ ᐱᒫᑎᓯᔭᓐ᙮
ᑮ ᐃᑗᐤ ᒫᑲ, ᑖᓀᑭ ᐌᒋ ᒥᓗᑣᐤ ᐃᔑᔭᓐ? ᓇᒪᐎᓚ ᐊᐌᓇ ᒥᓗᑡᐤ, ᐯᔭᒃ ᐱᑯ, ᐁᐗᑯ ᑭᒋᒪᓂᑐ: ᒫᑲ ᑮᔥᐱᓐ ᐙ ᐱᑐᑫᐗᓀ ᐱᒫᑎᓯᐎᓂᒃ ᑲᓇᐌᓕᑕ ᑲᑫᔅᑴᐎᓇ᙮
ᐅᓚᔓᐌᐎᓐ ᒫᑲ ᓇᒪᐎᓚ ᑖᐺᔦᓕᑕᒧᐎᓂᒃ ᑌᐸᑫᓕᑖᑾᓐ: ᒫᑲ ᐊᓇ ᐃᓕᓕᐤ ᑳ ᑐᑕᒃ ᐁᑯᑕ ᑫ ᐃᔑ ᐱᒫᑎᓰᑦ᙮
ᐌᓴ ᙭ ᐁᑯᑕ ᐁ ᐃᔅᐸᓕᒃ ᒀᔭᔅᑭᑖᑎᓯᐎᓂ ᐅᓚᔓᐌᐎᓐ ᒥᓯᐌ ᑕᑐ ᐊᐌᓇ ᐅᒋ ᑳ ᑖᐺᔦᓕᑕᒃ᙮
ᑭ ᑭᔅᑫᓕᑌᓈᓇᐤ ᒫᑲ ᑫᒀᓐ ᑳ ᐃᑗᒪᑲᒃ ᐅᓚᔓᐌᐎᓐ, ᐃᑎᑯᐗᒃ ᐊᓂᑭ ᐅᓚᔓᐌᐎᓂᒃ ᑳ ᐃᑖᒋᒃ: ᒥᓯᐌ ᑕᑐ ᒥᑐᓐ ᑭᒋ ᑭᐸᐃᑳᑌᒃ, ᓀᔥᑕ ᒥᓯᐌ ᐊᔅᑭ ᑭᒋ ᒪᒉᓕᑖᑾᒃ ᐁᑖᔅᑕᒪᐱᑦ ᑭᒋᒪᓂᑐ᙮
ᓵᐃᒪᓐ ᑮ ᓇᔥᑴᐗᔑᐁᐤ ᒫᑲ, ᐁ ᐃᑖᑦ, ᐊᓂᐃ ᒥᔅᑕᐃ ᑳ ᐌᐯᓕᑕᒪᐙᑦ ᑳᑳᔦ᙮ ᑮ ᐃᑌᐤ ᒫᑲ, ᒀᔭᔉ ᑭ ᑮ ᐃᑌᓕᑌᓐ᙮
ᐃᔅᐱ ᒫᑲ ᒋᓴᔅ ᐎᐋᐸᑕᒃ ᐁ ᑲᑫᑕᐎ ᓇᔥᑴᐗᔑᐃᐌᓕᒋ, ᑮ ᐃᑌᐤ, ᓇᒪᐎᓚ ᑭ ᓚᐙᐸᑕᒸᓐ ᑭᒋᒪᓂᑐ ᐅᑦ ᐅᑭᒫᐎᐎᓐ᙮ ᐁᑯᔅᐱ ᒫᑲ ᐅᒋ ᓇᒪᐎᓚ ᐊᐌᓇ ᑮ ᐃᔅᐱᒋ ᓱᑭᑌᐁᐤ ᑫᒀᓕᐤ ᑭᒋ ᑲᑴᒋᒪᑦ᙮
ᓀᔥᑕ ᐊᓂᒪ ᑲᑫᔅᑴᐎᓐ ᑳ ᑮ ᐅᓚᑭᒋᑳᑌᒃ ᑭᒋ ᐅᒋ ᐱᒫᑎᓯᓈᓂᐗᒃ, ᓂ ᑮ ᒥᔅᑫᓐ ᑭᒋ ᐅᒋ ᓂᐱᓈᓂᐗᒃ᙮
