2 ᐁᐗᑯ ᐌᒋ ᐃᑖᑦ, ᑖᐺ ᐊᓂᒪ ᑫ ᒫᐗᒋᒋᑳᑌᒃ ᒥᒉᑎᓐ, ᒫᑲ ᐅᑕᑑᔅᑫᐗᒃ ᒐᑲᐙᔑᔑᐗᒃ: ᐁᐗᑯ ᐅᒋ ᓇᑐᑕᒫᒃ ᑳ ᑎᐯᓕᑕᒃ ᑫ ᒫᐗᒋᒋᑳᑌᓕᒃ ᑭᒋ ᐃᔑᑎᔕᐙᑦ ᐅᑕᑐᔅᑫᐗ ᐃᑕ ᑫ ᐃᔑ ᒪᐗᒋᒋᑳᓂᐗᓂᓕᒃ᙮
ᑭ ᐸᑯᓭᓕᒥᑎᓈᓐ ᒫᑲ, ᓂᒋᔖᓂᑐᒃ, ᑭᒋ ᑭᔅᑫᓕᒣᑾᒃ ᐊᓂᑭ ᑳ ᐊᑑᔅᑫᒋᒃ ᐃᑕ ᐁ ᐃᑖᔦᒃ, ᓀᔥᑕ ᑳ ᑲᓇᐌᓕᒥᑖᑾᒃ ᐅᑎᐯᓕᑭᑫᒃ, ᓀᔥᑕ ᑳ ᔮᒀᒥᒥᑖᑾᒃ;
ᑮ ᐃᑌᐤ ᒫᑲ, ᒥᓯᐌ ᐁᔅᐱᑕᔅᑲᒥᑳᒃ ᐃᑐᑌᒃ, ᐙᐎᑕᒫᑯᒃ ᒫᑲ ᒥᓯᐌ ᐯᒫᑎᓯᒋᒃ ᒥᓗᐋᒋᒧᐎᓂᓕᐤ᙮
ᒫᑲ ᑭᓚ ᒥᓯᐌ ᑫᒀᓇ ᐊᔕᐙᐸᑕ, ᔑᐯᓕᑕ ᑲᒀᑕᑭᓯᐎᓇ, ᑐᑕᒻ ᐅᑦ ᐊᑑᔅᑫᐎᓐ ᒥᓗᐋᒋᒧᐎᓕᓕᐤ, ᒥᑐᓂ ᑭᔅᑫᓕᑖᑯᑖ ᑭᑦ ᐊᑑᔅᑫᐎᓐ᙮
ᒫᒋᒡ, ᓂᒋᔖᓂᑐᒃ, ᐋᔭᒥᐁᔅᑕᒪᐎᓈᓐ, ᐅᑎᐯᓕᒋᑫᐤ ᐅᑦ ᐋᔭᒥᐎᓐ ᑭᒋ ᐱᒥᐸᑖᒪᑲᓂᓕᒃ, ᓀᔥᑕ ᑭᒋ ᑭᔅᑌᓕᒋᑳᑌᓕᒃ, ᑖᐱᔅᑯᒡ ᑭᓚᐗᐤ ᑳ ᐃᔑ ᐎᒉᐎᑯᐌᒃ;
ᐌᓴ ᐃᓕᓕᐎᑯᓯᓵᓐ ᓇᔅᐱᑕᐌᐤ ᐃᓕᓕᐗ ᐙᓚᐤ ᐁ ᐃᑐᑌᓕᒋ, ᑳ ᓇᑲᑕᒃ ᐅ ᐙᔅᑳᔨᑲᓂᒻ, ᓀᔥᑕ ᑳ ᑎᐯᓕᑕᒥᐋᑦ ᐅᑦ ᐊᑑᔅᑫᓛᑲᓇ, ᓀᔥᑕ ᒥᓯᐌ ᑕᑐ ᐃᓕᓕᐗ ᐅᑦ ᐊᑑᔅᑫᐎᓂᓕᐤ, ᓀᔥᑕ ᑳ ᐃᑕᔓᒫᑦ ᐅᑲᓇᐎᔥᒀᑕᐌᐗ ᑭᒋ ᐊᔕᐙᐱᓕᒋ᙮
ᐌᓴ ᐁᐗᑯ ᐌᒋ ᑖᐱᔅᑯᒡ ᐊᑑᔅᑫᔭᒃ ᓀᔥᑕ ᒫᓓᓕᒥᑲᐎᔭᒃ, ᐁ ᐊᔅᐯᓕᒧᑐᑕᐗᒃ ᐯᒫᑎᓰᑦ ᑭᒋᒪᓂᑐ, ᑳ ᐱᒫᒋᐋᑦ ᒥᓯᐌ ᐃᓕᓕᐗ, ᐅᓵᒻ ᐊᓂᐃ ᑳ ᑖᐺᔦᓕᑕᒥᓕᒋ᙮
ᓂ ᑮ ᐃᑎᒃ ᒫᑲ, ᑭᑐᑌ: ᐌᓴ ᐙᓚᐤ ᑭ ᑳ ᐃᔑᑎᔕᐅᑎᓐ ᑭᒋ ᓈᑕᒋᒃ ᒉᓐᑖᐃᓚᒃ᙮
ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮
ᐁᑯ ᒫᑲ ᐎᓚᐗᐤ, ᐁ ᑮ ᑭᒋᑎᔕᐅᑯᒋᒃ ᐸᓓᑭ ᐊᒑᑾ, ᑮ ᐃᑐᑌᐗᒃ ᓯᓘᓯᐊᐃᒃ; ᐊᓐᑕ ᒫᑲ ᐅᒋ ᑮ ᐃᑖᔑᐗᒃ ᓵᐃᑉᕋᓯᒃ᙮
ᒣᒀᒡ ᐁ ᐋᑐᔅᑫᔅᑕᐙᒋᒃ ᐅᑎᐯᓕᒋᑫᐗ, ᓀᔥᑕ ᐁ ᓂᑲᓱᒋᒃ, ᑳ ᐸᓓᑭᓯᑦ ᐊᒑᒃ ᑮ ᐃᑗᐤ, ᐹᑲᓇᒪᐎᒃ ᐹᕐᓇᐸᔅ ᓀᔥᑕ ᓵᓪ ᐊᓂᒪ ᐊᑐᔅᑫᐎᓐ ᐅᒋ ᑳ ᑮ ᐃᔑ ᓇᑐᒪᑭᒃ᙮
ᐁᑯ ᐊᓂᑭ ᑳ ᑮ ᐗᓴᓶᑎᔕᐙᑲᓂᐎᒋᒃ ᐊᓂᒪ ᑲᒀᑕᑭᐃᐌᐎᓐ ᑳ ᑮ ᐃᑭᒃ ᐊᓇ ᔅᑎᐱᓐ ᐅᒋ, ᑮ ᐃᑐᑌᐗᒃ ᐱᓇᐃᓯᐃᒃ ᐃᔅᑯ, ᓀᔥᑕ ᓵᐃᑉᕋᓯᒃ, ᓀᔥᑕ ᐋᓐᑎᐊᑭᒃ, ᐁᑳ ᐊᐌᓕᐗ ᐁ ᑲᑫᔅᑭᒫᒋᒃ ᐋᔭᒥᐎᓂᓕᐤ ᐱᑯ ᐊᓂᐃ ᒎᐗ᙮
ᐁᑯ ᒫᑲ ᐊᓂᑭ ᑳ ᑮ ᐗᓴᓶᑎᔕᐙᑲᓂᐎᒋᒃ, ᒥᓯᐌ ᑮ ᐸᐹᐃᑐᑌᐙᒃ ᐁ ᐙᐎᑕᑭᒃ ᐋᔭᒥᐎᓂᓕᐤ᙮
ᐁᑯ ᒥᔮᒪᐎ ᓇᑐᒫᑦ ᐅ ᑭᔅᑭᓄᐊᒪᐙᑲᓇ ᑳ ᓂᔓᔖᐱᓕᒋ, ᑮ ᒥᓓᐤ ᑲᔥᑭᐅᐎᓂᓕᐤ ᓀᔥᑕ ᑎᐯᓕᒋᑫᐎᓂᓕᐤ ᑭᒋ ᔖᑯᒋᐋᓕᒋ ᒥᓯᐌ ᒪᒋ ᐊᒑᑾ, ᓀᔥᑕ ᑭᒋ ᒥᓇᐙᒋᑖᓕᒋ ᐋᑯᓯᐎᓇ᙮
ᐁᑯ ᒫᑲ ᑫᑐᑌᒋᒃ, ᒥᓯᐌ ᐃᑕ ᒫᑲ ᑮ ᑲᑫᔅᑭᒥᐌᐗᒃ, ᐁ ᐎᒋᐋᑑᔅᑫᒥᑯᒋᒃ ᐅᑎᒪᓕᒋᑫᐗ ᓀᔥᑕ ᐁ ᐋᔨᒋᑖᓕᒋ ᐋᔭᒥᐎᓂᓕᐤ ᐁ ᐊᓯᒋᐸᓕᑖᑦ ᑭᔅᑭᐙᐃᑫᐎ ᐙᐸᑎᓕᐌᐎᓇ᙮ ᐁᒣᓐ᙮
ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐃᑌᓕᑖᑾᓐ ᑖᐱᔅᑯᒡ ᐃᓕᓕᐤ ᑳ ᑎᐯᓕᑕᒃ ᐙᔅᑳᔨᑲᓂᓕᐤ, ᑳ ᐗᓚᐙᑦ ᐎᐸᒡ ᐁ ᑭᑭᔐᐹᔮᓕᒃ ᑭᒋ ᐊᑐᑖᑦ ᐅᑕᑑᔅᑫᐗ ᐅ ᔓᒥᓈᑎᑯ ᓂᑖᐎᑭᒋᑲᓂᒃ᙮
ᐁᓕᐌᒃ ᒫᑲ ᔮᓕᑌᓐ ᓂ ᑮ ᐃᑌᓕᑌᑖᔾ ᑭᒋ ᐃᑎᔕᐊᒫᑕᑾᒃ ᐃᐹᑉᕈᑖᐃᑕᔅ, ᓂᒋᔖᓐ, ᓀᔥᑕ ᓂ ᐎᒋᐙᑲᓐ ᐊᑑᔅᑫᐎᓂᒃ, ᓀᔥᑕ ᓂᒋᓇᑐᐸᓕᐎᓕᓕᒻ, ᒫᑲ ᑭᑦ ᐃᔑᑎᔕᐙᑲᓂᐗᐤ, ᐊᓇ ᓀᔥᑕ ᑳ ᑮ ᐅᒋᔅᑕᒫᑫᑦ ᓂ ᑶᑕᒧᐎᓇ᙮
ᐌᓴ ᒥᓯᐌ ᓈᓇᑕᐌᓕᑕᒶᒃ ᑎᐱᓚᐌ ᐅᑦ ᐋᔮᓂᐗᐗ, ᓇᒪᐎᓚ ᐊᓂᐃ ᒋᓴᔅ ᙭ ᐅᑦ ᐋᔮᓂᓕᐗ᙮
ᑭᒋᒪᓂᑐ ᒫᑲ ᑮ ᐊᓓᐤ ᐋᑎᑦ ᐅᑦ ᐗᔭᒥᐋᐎᓂᒃ, ᓃᔥᑕᒻ ᐊᐸᔅᑕᓚ, ᐁ ᓂᔑᒃ ᐅᑭᔅᑭᐙᐃᑫᐗ, ᐁ ᓂᔅᑎᒃ ᐅᑭᔅᑭᓄᐊᒫᑫᐗ, ᐁᑯ ᒫᒪᑖᐎᐃᔑᒋᑫᐎᓇ, ᐁᑯ ᒥᓇᐙᒋᐃᐌᐎ ᒥᓕᐌᐎᓇ, ᓂᔓᑲᒫᑫᐎᓇ, ᑎᐯᓕᒋᑫᐎᓇ, ᐹᐱᑐᔥ ᐃᔑᑭᔗᐎᓇ᙮
ᐃᑌ ᓀᔥᑕ ᑳ ᐃᔑ ᐊᑑᔅᑫᔮᓐ, ᐁ ᑲᑴᑲᔥᑭᑖᔮᓐ ᐁ ᐃᔑ ᐊᑐᔅᑫᑦ, ᐁᓕᑯᒃ ᑳ ᐊᑐᔅᑫᔅᑳᑯᐗᒃ᙮
ᐌᓴ ᙭ ᐅᑦ ᐊᑑᔅᑫᐎᓂᓕᐤ ᐅᒋ ᑮ ᐯᔡᐸᑕᒻ ᓂᐱᐎᓂᓕᐤ, ᐁᑳ ᐁ ᐱᓯᔅᑫᓕᑕᒃ ᐅ ᐱᒪᑎᓯᐎᓐ, ᑭᒋ ᐅᒋᔅᑕᒪᐙᑖᒃ ᐊᓂᒪ ᐁ ᐃᔑ ᓄᑌᐸᓕᒃ ᐁ ᐸᒥᐃᔦᒃ᙮
ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮
ᐌᓴ ᑮ ᑭᔅᑭᓯᓇᐗᐤ, ᓂᒋᔖᓂᑐᒃ, ᓂᑦ ᐊᑑᔅᑫᐎᓂᓈᓐ ᓀᔥᑕ ᓂ ᑲᒀᑕᑭᓯᐎᓂᓈᓐ; ᐌᓴ, ᐁ ᐊᑑᔅᑫᔮᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ, ᐁᑳ ᐊᐌᓇ ᐁ ᐃᑕᔑᔦᒃ ᐁ ᐎ ᐅᒋ ᐅᑎᓇᒶᑭᑦ ᑎᐸᐊᒫᑯᓯᐎᓐ, ᑭ ᑮ ᑲᑫᔅᑭᒥᑎᓈᓐ ᑭᒋᒪᓂᑐ ᐅ ᒥᓗᐋᒋᒧᐎᓐ᙮
ᐃᐸᑉᕌᔅ, ᑭᓚᐗᐤ ᑳ ᐅᒌᑦ, ᐅᑦ ᐊᑑᔅᑫᓛᑲᓂᒪ ᙭, ᑭᑦ ᐊᑕᒥᔅᑳᑯᐗᐤ, ᒧᔕᒃ ᓱᑲ ᑳ ᐊᑐᔅᑳᑖᒃ ᐋᔭᒥᐋᐎᓂᒃ, ᑭᒋ ᓂᐸᐎᔦᒃ ᓈᔅᐱᒡ ᐁ ᒥᓨᑎᓯᔦᒃ ᓀᔥᑕ ᐁ ᒥᑐᓂᐎᓯᔦᒃ ᒥᓯᐌ ᐅᑦ ᐃᑌᓕᑕᒧᐎᓂᒃ ᑭᒋᒪᓂᑐ᙮
ᓂᓚᓈᓐ ᒫᑲ ᐁ ᒫᒪᐄ ᐎᒋᐊᑑᔅᑫᒪᑭᑦ, ᑭ ᓇᑐᑕᒫᑎᓈᓐ ᐁᑳ ᐸᑾᓐᑕᐤ ᑭᒋ ᐅᑎᓇᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ᙮
ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᐅᒋ ᓂᑦ ᐃᔑᓈᑯᓯᓐ ᑳ ᐃᔑᓈᑯᓯᔮᓐ: ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᐗᒃ, ᓇᒪᐎᓚ ᐸᑾᓐᑕᐤ ᓂ ᑮ ᐅᒋ ᒥᓕᑳᐎᓐ: ᒫᑲ ᐊᐙᓯᑌ ᓂ ᑮ ᐊᑑᔅᑳᓐ ᐃᔥᐱᔥ ᒥᓯᐌ ᐁ ᐃᑕᓯᒋᒃ; ᐁᓕᐌᒃ ᒫᑲ ᓇᒪᐎᓚ ᓂᓚ ᒫᑲ ᑭᒋᒪᓂᑐ ᐅ ᔕᐌᓕᒋᑫᐎᓐ ᑳ ᐎᒉᐎᑯᐗᒃ᙮
ᐹᓪ, ᐅ ᑭᐸᐙᑲᓇ ᒋᓴᔅ ᙭, ᓀᔥᑕ ᑎᒧᑎ ᑭᒋᔖᓂᓇᐤ, ᐁ ᒪᓯᓇᐊᒪᐙᑦ ᐊᓂᐃ ᐹᐃᓕᒪᓐ ᓈᔅᐱᒡ ᑳ ᓵᑭᐃᑕᒃ, ᓀᔥᑕ ᓂᒋ ᐊᑑᔅᑫᓛᑲᓂᓈᓐ;
ᐊᓇ ᐁᓐᒐᓪ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᐁᐱᓴᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᒥᒋᒥᓈᑦ ᐊᓂᐃ ᓂᔂᔅ ᐊᒐᑾ ᐅ ᑭᒋᓂᔅᑮᒃ, ᑳ ᐱᒧᑌᑦ ᒣᑴᔭᔥ ᐊᓂᐃ ᓂᔂᔅ ᐅᓵᐎᔔᓕᐋᓈᐱᔉ ᐙᔅᑌᓇᒫᑲᓈᑎᑾ;