18 ᓂᓚ ᐯᔭᒃ ᐁ ᑎᐹᒋᒥᑎᓱᔮᓐ, ᐅᑖᐎᒪᐤ ᓀᔥᑕ ᑳ ᑮ ᐯᒋᑎᔕᐅᑦ ᓂ ᑎᐹᒋᒥᒃ᙮
ᒋᓴᔅ ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓇᐗᐤ, ᐸᒧᔑ ᐃᑖᑦ ᐁᑉᕃᐋᒻ, ᓂ ᑮ ᐃᑖᓐ᙮
ᓂᑦ ᐃᑣᓐ ᐊᓂᒪ ᑳ ᑮ ᐙᐸᑕᒫᓐ ᐁ ᐎᒉᐗᒃ ᓄᑖᐎ: ᑭᓚᐗᐤ ᒫᑲ ᑭᑦ ᐃᑐᑌᓇᐗᐤ ᐊᓂᒪ ᑳ ᑮ ᐙᐸᑕᒣᒃ ᐁ ᐎᒉᐌᒃ ᑯᑖᐎᐗᐤ᙮
ᑭᒋᒫᓂᑐ ᓀᔥᑕ ᐁ ᑎᐹᒋᒧᑦ, ᑭᔅᑭᓄᐙᒋᒋᑲᓇ ᐅᒋ ᓀᔥᑕ ᓇᓈᑲᐤ ᒫᒪᑖᐎ ᐃᔑᒋᑫᐎᓇ, ᓀᔥᑕ ᐹᐱᑐᔥ ᒫᒪᔅᑳᒋ ᐋᔨᑎᐎᓇ, ᓀᔥᑕ ᐁ ᒫᒥᓕᐌᑦ ᐸᓓᑭ ᐊᒑᑾ, ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ?
ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮
ᓂᓚ ᐁᐗᑯ ᒥᓗ ᒫᓂᔥᒑᓂᔑᐎᓕᓕᐤ, ᓀᔥᑕ ᓂ ᑭᔅᑫᓕᒫᐗᒃ ᓂ ᒫᓂᔥᒑᓂᔑᒪᒃ, ᓀᔥᑕ ᓂ ᑭᔅᑫᓕᒥᑾᒃ ᐊᓂᑭ ᑳ ᑎᐱᓚᐌᐎᓯᔮᓐ᙮
ᓂᓚ ᐁᐗᑯ ᒥᓗ ᒫᓂᔥᒑᓂᔑᐎᓕᓕᐤ: ᒥᓗ ᒫᓂᔥᒑᓂᔑᐎᓕᓕᐤ ᒥᓕᐌᐤ ᐅ ᐱᒫᑎᓯᐎᓐ ᒫᓂᔥᒑᓂᔕ ᐅᒋ᙮
ᓂᓚ ᐁᐗᑯ ᐃᔥᒀᑌᒻ: ᑮᔥᐱᓐ ᐊᐌᓇ ᓂᓚ ᐅᒋ ᐱᑐᑫᑌ, ᑲᑕ ᐱᒫᒋᐋᑲᓂᐎᐤ, ᑲᑕ ᐱᑐᑫᐤ ᒫᑲ ᓀᔥᑕ ᑲᑕ ᐗᓚᐎᐤ, ᑲᑕ ᒥᔅᑲᒻ ᒫᑲ ᒥᒋᓱᐎᓂᓕᐤ᙮
ᑖᐺ ᑖᐺ, ᑭᑦ ᐃᑎᓇᐗᐤ, ᑮᔥᐱᓐ ᐊᐌᓇ ᑲᓇᐎᑖᑌ ᓂᑦ ᐃᑗᐎᓂᓕᐤ, ᓇᒪᐎᔅᑳᑦ ᑲᑕ ᐙᐸᑕᒻ ᓂᐱᐎᓂᓕᐤ᙮
ᐁᑯ ᐁᑖᒋᒃ, ᐊᐌᓇ ᑭᓚ? ᒋᓴᔅ ᒫᑲ ᐃᑌᐤ, ᐊᓇ ᐅᑎ ᑳ ᑮ ᐃᑎᑕᑾᒃ ᓃᔥᑕᒻ ᐅᒋ᙮
ᐁᑯ ᒋᓴᔅ ᒥᓇ ᐁᔭᒥᐋᑦ, ᐁ ᐃᑗᑦ, ᓂᓚ ᐁᐗᑯ ᑳ ᐅᒋ ᐋᔅᑌᒃ ᐊᔅᑭ: ᐊᓇ ᑳ ᓄᔅᐱᓇᔑᑦ ᓇᒪᐎᓚ ᑲᑕ ᐱᒧᑌᐤ ᐗᓂᑎᐱᔅᑭᓯᐎᓂᒃ, ᒫᑲ ᑲᑕ ᐊᔮᐤ ᐱᒫᑎᓯᐎᓂ ᐙᓭᔮᓯᐎᓂᓕᐤ᙮
ᓂᓚ ᓀᔥᑕ ᓄᑖᐎ ᓂ ᐯᔭᑯᓈᓐ᙮
ᒋᓴᔅ ᑮ ᐃᑌᐤ, ᓂᓚ ᐁᐗᑯ ᐅᐗᓂᔥᑳᓂᐌᐤ, ᓀᔥᑕ ᑳ ᐋᐎᔮᓐ ᐱᒫᑎᓯᐎᓐ: ᐊᓇ ᑳ ᑖᐺᔦᓕᒥᑦ, ᐋᑕ ᐁ ᓂᐱᑦ, ᐁᓕᐌᒃ ᒫᑲ ᑲᑕ ᐱᒫᑎᓯᐤ:
