41 ᑯᑕᑭᔭᒃ ᑮ ᐃᑗᐗᒃ, ᐁᐗᑯ ᐊᐗ ᙭᙮ ᒫᑲ ᐋᑎᑦ ᑮ ᐃᑗᐗᒃ ᑳᓕᓖᒃ ᓈ ᑲᑕ ᐅᒋᐤ ᙭?
ᑮ ᓇᔥᑴᐗᔑᐁᐗᒃ ᒫᑲ ᐁ ᐃᑖᒋᒃ, ᑭᓚ ᓈ ᓀᔥᑕ ᑳᓖᓖᒃ ᑭᑦ ᐅᒌᓐ? ᓈᓇᑕᐌᓕᑕ, ᓀᔥᑕ ᓈᓇᑕᐙᐸᑕ: ᐌᓴ ᑳᓖᓖᒃ ᓇᒪᐎᓚ ᐅᒋᐤ ᐅᑭᔅᑭᐙᐃᑫᐤ᙮
ᓇᑕᓂᔭᓪ ᒫᑲ ᑮ ᐃᑌᐤ, ᑫᒀᓐ ᓈ ᐁ ᒥᓨᔑᒃ ᑲᑕ ᑮ ᐅᒋᒪᑲᓐ ᓈᓴᕋᑎᒃ? ᐱᓕᑉ ᐃᑌᐤ, ᐯᒋ ᐙᐸᑕ᙮
ᒥᒉᑦ ᒫᑲ ᐃᓕᓕᐗᒃ ᑮ ᑖᐺᔦᓕᒣᐗᒃ, ᑮ ᐃᑗᐗᒃ ᒫᑲ, ᐃᔅᐱ ᙭ ᑕᑯᔑᑫ, ᐊᐙᓯᑌ ᓈ ᒥᒉᑦ ᒫᒪᔅᑳᒋ ᐃᓯᒋᑫᐎᓇ ᑲᑕ ᑐᑕᒻ ᐃᔥᐱᔥ ᐅᐅ ᐊᐗ ᐃᓕᓕᐤ ᑳ ᑮ ᑐᑕᒃ?
ᓂ ᑖᐺᑌᓈᓐ ᒫᑲ, ᓀᔥᑕ ᓂ ᑫᒋᓇᐅᓈᓐ ᑭᓚ ᐁ ᐋᐎᔭᓐ ᐊᓇ ᙭ ᐯᒫᑎᓰᑦ ᑭᒋᒪᓂᑐ ᐅᑯᓯᓴ᙮
ᓀᔥᑕ ᑮ ᐃᑌᐗᒃ ᐃᔅᑴᐗ, ᐁᑯ ᑎᐋᐺᑕᒫᒃ, ᓇᒪᐎᓚ ᑭᓚ ᑭᑦ ᐃᑗᐎᓐ ᐅᒋ: ᐌᓴ ᓂᓚᓈᓐ ᑫᒋᐙᒃ ᓂ ᑮ ᐯᑕᐙᓈᓐ, ᓀᔥᑕ ᓂ ᑭᔅᑫᓕᑌᓈᓐ ᐊᐗ ᑖᐺ ᐁᐗᒀᓇ ᙭, ᑳ ᐱᒫᒋᑖᑦ ᐊᔅᑭᓕᐤ᙮
ᐋᔅᑕᒥᑐᒃ, ᐯᒋ ᐙᐸᒥᒃ ᐃᓕᓕᐤ, ᑳ ᑮ ᐎᑕᒫᐎᑦ ᒥᓯᐌ ᑫᒀᓇ ᑳ ᑮ ᐯᒋ ᑐᑕᒶᒃ: ᓇᒪ ᓈ ᐁᐗᑯ ᐊᐗ ᙭?
ᐃᔅᑴᐤ ᐃᑌᐤ, ᓂ ᑭᔅᑫᓕᑌᓐ ᒥᓵᔭᔅ ᑭᒋ ᑕᑯᔑᒃ, ᙭ ᑳ ᐃᔑᓂᑳᑖᑲᓂᐎᑦ: ᐃᔅᐱ ᑕᑯᔑᑫ, ᒥᓯᐌ ᑫᒀᓇ ᓂ ᑳ ᐎᑕᒫᑯᓈᓐ᙮
ᓇᑕᓂᔭᓪ ᐁ ᓇᔥᑴᐗᔑᐋᑦ, ᐃᑌᐤ, ᕌᐸᐃ, ᑭᓚ ᑭᑦ ᐅᑯᓯᓯᒥᒃ ᑭᒋᒪᓂᑐ; ᑭᓚ ᐃᔅᕃᐃᓪ ᐅ ᑭᒋᐅᑭᒫᒪ᙮
ᐎᓚ ᓃᔥᑕᒻ ᒥᔅᑲᐌᐤ ᑎᐱᓚᐌ ᐎᒋᔖᓇ ᓵᐃᒪᓐ, ᐃᑌᐤ ᒫᑲ, ᓂ ᑮ ᒥᔅᑲᐙᓈᓐ ᒥᓵᔭᔅ, ᑳ ᐃᑗᒪᑲᒃ ᐁ ᐃᑗᔅᒋᑳᑌᒃ, ᙭᙮
ᐋᑕᐎᓚ ᒫᑲ ᑭ ᑭᔅᑫᓕᒫᓇᐤ ᐊᐗ ᐃᓕᓕᐤ ᐃᑕ ᐌᒌᑦ: ᒫᑲ ᐃᔅᐱ ᙭ ᑕᑯᔑᑫ, ᓇᒪᐎᓚ ᐊᐌᓇ ᑭᔅᑫᓕᑕᒻ ᐃᑕ ᐌᒋᓕᒋ᙮
