ᐅᐸᓓᑭᔅ ᒑᓐ 6:69 - ᐅᔅᑭ ᑎᔅᑌᒥᓐᑦ

⁶⁹ ᓂ ᑖᐺᑌᓈᓐ ᒫᑲ, ᓀᔥᑕ ᓂ ᑫᒋᓇᐅᓈᓐ ᑭᓚ ᐁ ᐋᐎᔭᓐ ᐊᓇ ᙭ ᐯᒫᑎᓰᑦ ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᒑᓐ 6:69 Referans Kwoze

ᐅᐸᓓᑭᔅ ᒑᓐ 11:27

ᐃᑌᐤ, ᐁᐁ, ᑌᐯᓕᒋᑫᔭᓐ: ᓂ ᑖᐺᑌᓐ ᐁ ᐋᐎᔭᓐ ᙭ ᑭᒋᒪᓂᑐ ᐅᑯᓯᓴ, ᐊᓇ ᑫ ᐯᒋ ᐃᑐᑌᔅᐸᓐ ᐅᑕ ᐊᔅᑮᒃ᙮

ᐅᐸᓓᑭᔅ ᓘᒃ 9:20

ᑮ ᐃᑌᐤ ᒫᑲ, ᒫᑲ ᐊᐌᓇ ᑭᓚᐗᐤ ᐁᑗᔦᒃ ᐁ ᐋᐎᔮᓐ? ᐱᑕᕐ ᐁ ᓇᔥᑴᐗᔑᐋᑦ, ᑮ ᐃᑗᐤ, ᑭᒋᒪᓂᑐ ᐅ ᙭ᑎᒪ᙮

ᐅᐸᓓᑭᔅ ᒫᕐᒃ 8:29

ᐃᑌᐤ ᒫᑲ, ᒫᑲ ᐊᐌᓇ ᑭᓚᐗᐤ ᐁᑗᔦᒃ ᐁ ᐋᐎᔮᓐ? ᐱᑕᕐ ᒫᑲ ᐁ ᓇᔥᑴᐗᔑᐋᑦ, ᐃᑌᐤ, ᑭᓚ ᐁᐗᒀᓇ ᙭᙮

ᓂᔥᑕᒻ ᒑᓐ 5:1

ᐊᐌᓇ ᑎᐋᐺᑕᒧᑴ ᒋᓴᓴ ᐁ ᙭ᑎᐎᓕᒋ, ᑭᒋᒪᓂᑐᒃ ᑮ ᐅᒋ ᓂᑕᐎᑭᐤ: ᒥᓯᐌ ᑕᑐ ᐊᐌᓇ ᒫᑲ ᑳ ᓵᑭᐋᑦ ᐊᓂᐃ ᑳ ᑮ ᓂᑕᐎᑭᐃᐌᓕᑭ, ᓵᑭᐁᐤ ᓀᔥᑕ ᐊᓂᐃ ᑳ ᑮ ᓂᑕᐎᑭᐃᑯᓕᒋ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:3

ᐅᑯᓯᓴ ᒋᓴᔅ ᙭ ᑭ ᑎᐯᓕᒋᑫᒥᓇᐤ ᐅᒋ, ᑳ ᑮ ᐯᒋ ᐅᒌᑦ ᐅᑦ ᐊᐙᔑᒥᔑᒃ ᑌᐱᑦ ᐎᔮᓯᐎᐎᓂᒃ ᐃᔑ;

ᐅᐸᓓᑭᔅ ᒑᓐ 20:31

ᒫᑲ ᐅᐅ ᒪᓯᓇᐃᑳᑌᐗ, ᑭᒋ ᑖᐺᑕᒣᒃ ᒋᓴᔅ ᐁ ᐋᐎᑦ ᙭, ᑭᒋᒪᓂᑐ ᐅᑯᓯᓴ; ᓀᔥᑕ ᐁ ᑖᐺᑕᒣᒃ ᑭᒋ ᐋᔮᔦᒃ ᐱᒫᑎᓯᐎᓐ ᐅᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᒑᓐ 20:28

ᐁᑯ ᑕᑎᔅ ᓀᔥᑴᐗᔑᐃᐌᑦ ᓀᔥᑕ ᐁᑖᑦ, ᓂ ᑎᐯᓕᒋᑫᒻ ᓀᔥᑕ ᓂ ᑭᒋᒪᓂᑐᒻ᙮

ᐅᐸᓓᑭᔅ ᒑᓐ 1:41

ᐎᓚ ᓃᔥᑕᒻ ᒥᔅᑲᐌᐤ ᑎᐱᓚᐌ ᐎᒋᔖᓇ ᓵᐃᒪᓐ, ᐃᑌᐤ ᒫᑲ, ᓂ ᑮ ᒥᔅᑲᐙᓈᓐ ᒥᓵᔭᔅ, ᑳ ᐃᑗᒪᑲᒃ ᐁ ᐃᑗᔅᒋᑳᑌᒃ, ᙭᙮

ᐅᐸᓓᑭᔅ ᒑᓐ 1:29

ᐎᐋᐸᓂᓕᒃ ᒑᓐ ᐙᐸᒣᐤ ᒋᓴᓴ ᐁ ᐯᒋ ᐱᒧᑌᓕᒋ, ᐃᑗᐤ ᒫᑲ, ᑲᓇᐙᐸᒥᒫᒃ ᑭᒋᒪᓂᑐ ᐅ ᒫᓂᔥᒑᓂᔑᔑᒪ, ᑳ ᐎᐗᔑᑦ ᒪᒋᑐᑕᒧᐎᓂᓕᐤ ᐊᔅᑮᒃ ᑳ ᐃᑕᑾᓂᓕᒃ᙮

ᐅᐸᓓᑭᔅ ᒫᕐᒃ 1:24

ᐁ ᐃᑗᑦ, ᐁᑳᐎᓚ ᐙᔦᔥ ᑐᑖᐎᓈᓐ; ᑖᓂ ᑫ ᐃᑖᐸᒋᐃᑖᒃ, ᑭᓚ ᒋᓴᔅ ᓈᓴᕆᑎᒃ ᐅᒋ? ᑭ ᐯᒋ ᐃᑐᑖᓐ ᓈ ᑭᒋ ᓂᔑᐗᓈᒋᐃᔮᒃ? ᑭ ᑭᔅᑫᓕᒥᑎᓐ ᐊᐌᓇ ᑭᓚ, ᐅ ᐸᓓᑭᓯᒪ ᑭᒋᒪᓂᑐ᙮

ᐅᐸᓓᑭᔅ ᒫᑎᐤ 16:16

ᓵᐃᒪᓐ ᐱᑕᕐ ᒫᑲ ᐁ ᓇᔥᑴᐗᔑᐃᐌᑦ ᑮ ᐃᑗᐤ, ᑭᓚ ᐁᐗᒀᓇ ᙭, ᐅᑯᓯᓴ ᐯᒫᑎᓰᑦ ᑭᒋᒪᓂᑐ᙮

ᐊᐸᔅᑕᓚᒃ 8:36

ᒣᒀᒡ ᒫᑲ ᐁ ᐊᑎ ᐱᒧᑌᒋᒃ, ᑮ ᐅᑎᑕᒶᒃ ᐃᑕ ᐁ ᐃᑕᒀᓂᓕᒃ ᓂᐱᓕᐤ: ᐊᓇ ᔫᓇᒃ ᒫᑲ ᑮ ᐃᑗᐤ, ᐗᐸᑕ, ᐅᑕ ᐃᑕᒀᓐ ᓂᐱ; ᑫᒀᓐ ᑫ ᐅᒋᐃᑯᔮᓐ ᑭᒋ ᓯᑲᐊᑖᑲᐎᔮᓐ?

ᐅᐸᓓᑭᔅ ᒫᕐᒃ 1:1

ᐁ ᒫᒋᐸᓕᓕᒃ ᐅ ᒥᓗᐋᒋᒧᐎᓐ ᒋᓴᔅ ᙭, ᑭᒋᒪᓂᑐ ᐅᑯᓯᓴ;

ᐅᐸᓓᑭᔅ ᒑᓐ 10:36

ᑭᑦ ᐃᑖᐗᐤ ᓈ ᐊᓇ ᑳ ᐸᓓᑭᐃᑯᑦ ᐅᑖᐎᒪᐗ, ᓀᔥᑕ ᑳ ᑮ ᐯᒋᑎᔕᐅᑯᑦ ᐊᔅᑮᒃ, ᑭ ᐹᔅᑕᒧᓐ; ᐁ ᑮ ᐃᑗᔮᓐ, ᓂᓚ ᑭᒋᒪᓂᑐ ᐅᑯᓯᓴ?

ᐃᐱᓯᔭᓇ 4:13

ᐹᑎᒫ ᒥᓯᐌ ᐁ ᐃᑕᔑᔭᒃ ᐅᑎᑕᒪᑴ ᒫᒪᐎ ᑖᐺᔦᓕᑕᒧᐎᓐ, ᓀᔥᑕ ᑖᐱᔅᑯᒡ ᑭᔅᑫᓂᒥᒪᑴ ᑭᒋᒪᓂᑐ ᐅᑯᓯᓴ, ᑭᒋ ᐅᑎᑕᒪᒃ ᑭᔑᓂᑖᐎᑭᐎ ᐃᓕᓕᐎᐎᓐ, ᒥᑐᓂ ᐁ ᐃᔅᐱ ᑎᑭᑎᑦ ᙭:

ᓂᔥᑕᒻ ᒑᓐ 4:16

ᑭ ᑮ ᑭᔅᑫᓕᑌᓈᓇᐤ ᒫᑲ ᓀᔥᑕ ᑭ ᑮ ᑖᐺᑌᓈᓇᐤ ᐁ ᐃᔑ ᓵᑭᐃᑕᒃ ᑭᒋᒪᓂᑐ᙮ ᑭᒋᒪᓂᑐ ᓵᑭᐃᐌᐎᓂᐎᐤ; ᐊᓇ ᒫᑲ ᑳ ᐃᑖᑦ ᓵᑭᐃᐌᐎᓂᒃ, ᐱᒋᔅᑲᐌᐤ ᑭᒋᒪᓂᑐᐗ ᓀᔥᑕ ᐱᒋᔅᑳᑯ ᑭᒋᒪᓂᑐᐗ᙮