19 ᐃᔅᑴᐤ ᐃᑌᐤ, ᐅᑭᒪᐤ, ᓂ ᐙᐸᑌᓐ ᐁ ᐅᑭᔅᑭᐙᐃᑫᐎᔭᓐ᙮
ᐁᑯ ᐊᓂᑭ ᐃᓕᓕᐗᒃ, ᐃᔅᐱ ᑳ ᑮ ᐙᐸᑕᒸᒋᒃ ᒫᒪᔅᑳᒋ ᐃᓯᒋᑫᐎᓂᓕᐤ ᑳ ᑮ ᑐᑕᒥᓕᒋ ᒋᓴᓴ, ᑮ ᐃᑗᐗᒃ, ᐁᐗᑯ ᐊᐗ ᑫᒋᓈᔥ ᐊᓇ ᐅᑭᔅᑭᐙᐃᑫᐤ ᑫ ᑐᑯᔑᑭᐸᓐ ᐊᔅᑮᒃ᙮
ᐃᔅᐱ ᒫᑲ ᐊᓇ ᐸᕋᓯ ᑳ ᓇᑐᒫᑦ ᐎᐋᐸᑕᒃ, ᑮ ᐋᔭᒥᐤ ᐅᑌᐃᒃ, ᐁ ᐃᑗᑦ ᐊᐗ ᐃᓕᓕᐤ, ᑮᔥᐱᓐ ᐅᑭᔅᑭᐙᐃᑫᐎᑯᐸᓀ, ᑲᑕ ᑮ ᑭᔅᑫᓕᒣᐸᓐ ᐊᐌᓕᐗ, ᓀᔥᑕ ᑫᑯ ᑐᐎ ᐃᔅᑴᐗ ᐅᐅ ᑳ ᓵᒥᓂᑯᑦ; ᐌᓴ ᒪᒋᑡᐤ᙮
ᒥᓇ ᐃᑌᐗᒃ ᐊᓂᐃ ᐁᑳ ᑳ ᑮ ᐙᐱᓕᒋ, ᑖᓂ ᑭᓇ ᐁᑕᑦ ᐊᓇ ᑳ ᑮ ᐋᐸᐊᒃ ᑮᔅᑭᔑᑾ? ᑮ ᐃᑗᐤ, ᐅᑭᔅᑭᐙᐃᑫᐎᐤ᙮
ᒥᓯᐌ ᒫᑲ ᑮ ᐅᑎᑎᑯᐗᒃ ᓭᑭᓯᐎᓂᓕᐤ: ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ, ᐁ ᐃᑗᒋᒃ, ᑭᒋ ᐅᑭᔅᑭᐙᐃᑫᐤ ᑭᑦ ᐅᑎᑎᑯᓇᐤ; ᓀᔥᑕ ᑭᒋᒪᓂᑐ ᑮ ᒫᐗᑎᑌᐤ ᐅᑦ ᐃᓕᓕᒪ᙮
ᐁᐗᑯ ᐌᒋ ᒥᒉᑦ ᐃᓕᓕᐗᒃ ᐃᔅᐱ ᐱᐁᑕᑭᒃ ᐅᒣᓕᐤ ᐃᑗᐎᓂᓕᐤ, ᑮ ᐃᑗᐗᒃ; ᑖᐺ ᐊᐗ ᐊᓇ ᐅᑭᔅᑭᐙᐃᑫᐤ᙮
ᒥᔮᒪᐎᒥᒉᑎᒋᒃ ᐃᓕᓕᐗᒃ ᑫ ᐃᑗᐗᒃ, ᐁᐗᑯ ᐊᐗ ᒋᓴᔅ ᐅᑭᔅᑭᐙᐃᑫᐤ ᓈᓴᕆᑎᒃ ᐅᒋ ᑳᓕᓕᒃ᙮
ᑮ ᐃᑌᐤ ᒫᑲ, ᑫᑯ ᑫᒀᓇ? ᑮ ᐃᑌᐗᒃ ᒫᑲ, ᒋᓴᔅ ᐅᒋ ᓈᓴᕋᑎᒃ ᑳ ᐅᒌᑦ, ᑳ ᑮ ᐅᑭᔅᑭᐙᐃᑫᐎᑦ ᐁ ᓱᑳᑎᓰᑦ ᐋᔨᑎᐎᓂᒃ ᓀᔥᑕ ᐋᔭᒥᐎᓂᒃ, ᐁ ᐙᐸᒥᑯᑦ ᑭᒋᒪᓂᑐᐗ ᓀᔥᑕ ᒥᓯᐌ ᐃᓕᓕᐗ:
ᐋᔅᑕᒥᑐᒃ, ᐯᒋ ᐙᐸᒥᒃ ᐃᓕᓕᐤ, ᑳ ᑮ ᐎᑕᒫᐎᑦ ᒥᓯᐌ ᑫᒀᓇ ᑳ ᑮ ᐯᒋ ᑐᑕᒶᒃ: ᓇᒪ ᓈ ᐁᐗᑯ ᐊᐗ ᙭?
ᐌᓴ ᑭ ᑮ ᐋᔭᐗᐗᒃ ᓂᔮᓚᓐ ᓈᐯᐗᒃ; ᐊᓇ ᒫᑲ ᐊᓄᒡ ᑳ ᐋᔭᐗᑦ ᓇᒪᔦᐤ ᑭ ᓇᐯᒻ: ᐁᑯᑕ ᑎᐋᐺᔭᓐ ᑳ ᐃᑗᔭᓐ᙮
