33 ᐊᓇ ᑳ ᑮ ᐅᑎᓇᒸᑦ ᐅ ᑎᐹᒋᒧᐎᓂᓕᐤ ᓱᑲᔅᑕᐤ ᑭᒋᒪᓂᑐᐗ ᐁ ᑖᐺᐎᓂᐎᓕᒋ᙮
ᐃᑕ ᑭᒋᒪᓂᑐ, ᐁ ᓇᑕᐌᓕᑕᒃ ᐊᐙᓯᑌ ᑭᒋ ᐙᐸᑎᓛᑦ ᐊᓂᐃ ᑳ ᐊᑎ ᐋᔮᓕᒋ ᐊᓂᐁᓕᐤ ᐊᔓᑕᒫᑫᐎᓂᓕᐤ ᐁᑳ ᑭᒋ ᑴᔅᑭᐸᓕᓕᒃ ᐅᑦ ᐃᑌᓕᑕᒧᐎᓐ, ᑭᒋᐃᑗᐎᓂᒃ ᑮ ᐅᒋ ᐊᔨᒋᑕᐤ;
ᐊᓇ ᑭᓚᐗᐤ ᓀᔥᑕ ᑳ ᑮ ᒪᒥᔑᑐᑕᐌᒃ, ᐹᑎᒫ ᑳ ᑮ ᐯᑕᒣᒃ ᐊᓂᒪ ᑕᐺᐎᓂ ᐋᔭᒥᐎᓐ, ᐊᓂᒪ ᒥᓗᐋᒋᒧᐎᓐ ᑳ ᐅᒋᐸᓕᒃ ᑭ ᐱᒫᒋᐃᑯᓯᐎᓂᐗᐤ; ᐊᓇ ᓀᔥᑕ, ᐹᑎᒪ ᑳ ᑮ ᑖᐺᑕᒣᒃ, ᑳ ᐅᒋ ᑭᔅᑭᓄᐙᒋᐃᑖᒃ ᐊᓇ ᐊᔓᑕᒫᑫᐎᓂ ᐸᓓᑭ ᐊᒑᒃ,
ᑳ ᑮ ᑭᔅᑭᓄᐙᒋᐃᑕᒃ, ᓀᔥᑕ ᑳ ᑮ ᒥᓕᑕᒃ ᐅ ᑫᒋᓇᐃᐌᐎᓐ ᐊᒑᒃ ᓂᑌᐃᓈᒃ᙮
ᒫᑲ ᐁ ᐃᔑ ᑖᐺᐎᓂᐎᑦ ᑭᒋᒪᓂᑐ, ᓂ ᑲᑫᔅᑭᒥᐌᐎᓂᓈᓐ ᑳ ᑮ ᐅᑎᑎᑯᔦᒃ ᓇᒪᐎᓇ ᑮ ᐃᑗᒪᑲᒃ ᐁᐁ ᓀᔥᑕ ᓇᒪᐎᓚ᙮
ᐁᑳᐎᓚ ᐋᐸᑎᓯᒃ ᑭᒋ ᐋᔮᔦᒃ ᐊᓂᒪ ᒥᒋᒻ ᑳ ᓂᔑᐙᓈᑕᒃ, ᒫᑲ ᑭᒋ ᐋᔮᔦᒃ ᐊᓂᒪ ᒥᒋᒻ ᑳᑭᑫ ᐱᒫᑎᓯᐎᓂᒃ ᑫ ᐃᔅᑯ ᐃᑕᑾᒃ, ᐃᓕᓕᐎᑯᓯᓵᓐ ᑫ ᒥᓕᑖᒃ: ᐌᓴ ᐁᐗᑯ ᑳ ᓱᑲᑭᒥᑯᑦ ᐅᑖᐎᒫᐗ᙮
ᓂᑦ ᐋᔮᓐ ᒥᒉᑦ ᑫᒀᓇ ᑭᓚᐗᐤ ᑭᒋ ᐅᒋ ᐃᑗᔮᓐ ᓀᔥᑕ ᑭᒋ ᑎᐹᔅᑯᓂᑫᔮᓐ: ᒫᑲ ᐊᓇ ᑳ ᑮ ᐯᒋᑎᔕᐅᑦ ᑖᐺᐎᓂᐎᐤ; ᓀᔥᑕ ᓂ ᐎᑌᓐ ᐅᑕ ᐊᔅᑮᒃ ᐊᓂᐃ ᑫᒀᓇ ᑳ ᑮ ᐎᑕᒫᐎᑦ᙮
ᑮ ᒥᓛᑲᓇᐎᐤ ᒫᑲ ᑭᔅᑭᓄᐙᒋᔓᐎᓂᓕᐤ ᑭᒋ ᑭᔅᑫᓕᑕᒥᐗᑲᓂᐎᑦ ᐁ ᒀᔭᔅᑳᑎᓯᒪᑲᓂᓕᒃ ᐅ ᑖᐺᔦᓕᑕᒧᐎᓐ ᑳ ᑮ ᐋᔮᑦ ᐁᔥᑾ ᐁᑳ ᐁ ᑭᔅᑭᓄᐙᒋᔡᑲᓂᐎᑦ: ᑭᒋ ᐅᑦ ᐊᐙᔑᒥᔑᒥᒫᑦ ᒥᓯᐌ ᐊᓂᐃ ᑳ ᑖᐺᑕᒥᓕᒋ, ᐗᑕ ᐁᑳ ᐁ ᑭᔅᑭᓄᐙᒋᔣᑲᓂᐎᓕᒋ; ᒀᔭᔅᑭᑖᑎᓯᐎᓂᓂᐤ ᑭᒋ ᐃᑕᑭᑕᒪᐙᑲᓂᐎᓕᒋ ᐊᓂᐃ ᐊᓯᒋ:
ᐃᔅᐱ ᒫᑲ ᐅᒪ ᑮ ᑎᐱᑐᑕᒫᓀ, ᓀᔥᑕ ᑮ ᐅᑎᓇᒶᒃ ᐅᒪ ᑳ ᐃᔑ ᒥᓂᔑᐎᒋᒃ, ᑭ ᑳ ᓈᑎᑎᓇᐗᐤ ᐁ ᐊᑎ ᐃᑐᑌᔮᓐ ᔅᐯᓂᒃ᙮
ᑮᔥᐱᓐ ᐁᑳ ᐃᐋᐸᔅᑕᓕᐎᔮᓂ ᑯᑕᑭᔭᒃ ᐅᒋ, ᑫᒋᓈᔥ ᓂᑦ ᐊᐸᔅᑕᓕᐎᓐ ᑭᓚᐗᐤ ᐅᒋ; ᐌᓴ ᐊᓇᒪ ᐁ ᑭᔅᑭᓄᐙᒋᒋᑳᑌᒃ ᓂᑦ ᐊᐸᔅᑕᓕᐎᐎᓐ ᐁᐗᑯ ᑭᓚᐗᐤ ᐅᑎᐯᓕᒋᑫᒃ᙮
ᐁᑳᐎᓚ ᓀᔥᑕ ᒪᒥᔕᒣᓕᑕᒥᐃᒥᒃ ᑭᒋᒪᓂᑐ ᐅ ᐸᓓᑭ ᐊᒑᑾ, ᑳ ᐅᒋ ᑭᔅᑭᓄᐙᒋᐃᑲᐎᔦᒃ ᐹᑎᒪ ᑎᐸᐊᒫᑫᔅᑕᒫᑫᐎ ᑮᔑᑳᑫ᙮
ᐁᓕᐌᒃ ᒫᑲ, ᑭᒋᒪᓂᑐ ᐅᑦ ᐅᓚᔅᑕᒋᑲᓐ ᐊᔨᑕᔅᑌᓕᐤ, ᐅᒪ ᐁ ᐃᔑ ᑭᔅᑭᓄᐙᒋᒋᑳᑌᒃ, ᐅᑎᐯᓕᒋᑫᐤ ᑭᔅᑫᓕᒣᐤ ᐊᓂᐃ ᑳ ᑎᐱᓚᐌᐎᓯᑦ: ᓀᔥᑕ ᐁᑯᔑ ᒥᓯᐌ ᑕᑐ ᐊᐌᓇ ᑳ ᐙᐎᑕᒸᑦ ᐅᑦ ᐃᔑᓂᑳᓱᐎᓂᓕᐤ ᙭ᑕ, ᑲᑕ ᓇᑲᑕᒻ ᒪᒑᑎᓯᐎᓂᓕᐤ᙮
ᑮᔥᐱᓐ ᐃᑗᔭᑴ, ᓇᒪᐎᓚ ᑭ ᑮ ᐅᒋ ᒪᒋᑐᑌᓈᓇᐤ ᑭᓛᔅᑭᔉ ᑭᑦ ᐃᔑᐋᓇᐤ, ᓀᔥᑕ ᐅᑦ ᐋᔭᒥᐎᓐ ᓇᒪᐎᓚ ᑭ ᐱᒋᔅᑳᑯᐙᓈᓇᐤ᙮
