ᐅᐸᓓᑭᔅ ᒑᓐ 3:3 - ᐅᔅᑭ ᑎᔅᑌᒥᓐᑦ

³ ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᒥᓇ ᓂᑖᐎᑭᑌ, ᓇᒪᐎᓚ ᑲᑕ ᑮ ᐙᐸᑕᒬᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒑᓐ 3:3 Referans Kwoze

ᓂᔓ ᑯᕆᓐᑎᐊᓇ 5:17

ᐁᐗᑯ ᐅᒋ ᑮᔥᐱᓐ ᐊᐌᓇ ᐃᓕᓕᐤ ᐁᑕᑴ ᙭ᑎᒃ, ᐅᔥᑭ ᐅᔑᐋᑲᓂᐎᐤ: ᑳᔮᔥ ᑫᒀᓐ ᐌᐱᐸᓕᐗ; ᒫᑎᑲ, ᒥᓯᐌ ᑫᒀᓇ ᐊᑎ ᐅᔥᑲᐗ᙮

ᓂᔥᑕᒻ ᒑᓐ 3:9

ᐊᐌᓇ ᑭᒋᒪᓂᑐᒃ ᑳ ᐅᒋ ᓂᑖᐎᑭᑦ, ᓇᒪᐎᓚ ᒪᒋᑐᑕᒻ: ᐌᓴ ᐅ ᓯᒥᓂᒪ ᐱᒋᔅᑳᑯᓕᐗ; ᓇᒪᐎᓚ ᒫᑲ ᑲᑕ ᑮ ᒪᒋᑐᑕᒻ, ᑭᒋᒪᓂᑐᒃ ᐁ ᑮ ᐅᒋ ᓂᑕᐎᑭᑦ᙮

ᓂᔥᑕᒻ ᒑᓐ 5:1

ᐊᐌᓇ ᑎᐋᐺᑕᒧᑴ ᒋᓴᓴ ᐁ ᙭ᑎᐎᓕᒋ, ᑭᒋᒪᓂᑐᒃ ᑮ ᐅᒋ ᓂᑕᐎᑭᐤ: ᒥᓯᐌ ᑕᑐ ᐊᐌᓇ ᒫᑲ ᑳ ᓵᑭᐋᑦ ᐊᓂᐃ ᑳ ᑮ ᓂᑕᐎᑭᐃᐌᓕᑭ, ᓵᑭᐁᐤ ᓀᔥᑕ ᐊᓂᐃ ᑳ ᑮ ᓂᑕᐎᑭᐃᑯᓕᒋ᙮

ᑕᐃᑕᔅ 3:5

ᓇᒪᐎᓚ ᑾᔭᔅᑭᑕᑎᓯᐎᓂ ᐊᑑᔅᑫᐎᓇ ᑳ ᑮ ᑐᑕᒪᒃ ᐅᒋ, ᒫᑲ ᐁ ᐃᑕᔅᑌᓕᒃ ᐅ ᔕᐌᓕᒋᑫᐎᓐ ᑭ ᑮ ᐅᒋ ᐱᒫᒋᐃᑯᓇᐤ, ᐅᔥᑭ ᓂᑕᐎᑭᐎᓂ ᑭᒋᔅᑖᐸᐎᑭᒋᑫᐎᓐ ᐅᒋ, ᓀᔥᑕ ᐅᑦ ᐅᔥᑭ ᐅᔑᐃᐌᐎᓐ ᐯᓓᑭᓯᑦ ᐊᒑᒃ,

ᐅᐸᓓᑭᔅ ᒑᓐ 1:13

ᐊᓂᑭ ᐁᑳ ᒥᑯᒃ ᑳ ᐅᒋ ᓂᑖᐎᑭᒋᒃ, ᐁᑳ ᓀᔥᑕ ᐎᔮᓯᐎ ᐃᑌᓕᑕᒧᐎᓂᒃ, ᐁᑳ ᓀᔥᑕ ᐃᓕᓕᐎ ᐃᑌᓕᑕᒧᐎᓂᒃ, ᒫᑳ ᑭᒋᒪᓂᑐᒃ ᐅᒋ᙮

ᓂᔥᑕᒻ ᒑᓐ 2:29

ᑮᔥᐱᓐ ᑭᔅᑫᓕᑕᒣᒃ ᐁ ᒀᔭᔅᑭᑖᑎᓰᑦ, ᑭ ᑭᔅᑫᓕᑌᓇᐗᐤ ᒥᓯᐌ ᑕᑐ ᐊᐌᓇ ᑳ ᑐᑕᒃ ᒀᔭᔅᑭᑖᑎᓯᐎᓂᓕᐤ ᐁ ᓂᑕᐎᑭᐃᑯᑦ᙮

ᓂᔥᑕᒻ ᐱᑕᕐ 1:3

ᑲᑕ ᐎ ᒫᒥᒋᒥᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᒥᒉᓂᓕᒃ ᐅ ᔕᐌᓕᒋᑫᐎᓐ ᐅᒋ ᒥᓇ ᑳ ᑮ ᓂᑖᐎᑭᐃᑕᒃ ᑭᒋ ᐱᒫᑎᓯᐎ ᐊᔅᐯᓕᒧᐎᓂᔭᒃ, ᐅ ᐗᓂᔥᑲᐎᓐ ᒋᓴᔅ ᙭ ᐅᓂᐱᐗ ᐅᒋ,

ᑲᓓᔕᐊᓇ 6:15

ᐌᓴ ᙭ ᒋᓴᓯᒃ ᑭᔅᑭᓄᐙᒋᔓᑲᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᑲᐎᓐ, ᒫᑲ ᐅᔥᑭ ᐅᔑᐋᑲᓐ᙮

ᓂᔥᑕᒻ ᒑᓐ 5:18

ᑭ ᑭᔅᑫᓕᑌᓈᓇᐤ ᐊᐌᓇ ᑳ ᓂᑖᐎᑭᐃᑯᑦ ᑭᒋᒪᓂᑐᐗ ᓇᒪᐎᓚ ᒪᒋᑐᑕᒻ; ᒫᑲ ᐊᓇ ᑳ ᓂᑕᐎᑭᐃᑯᑦ ᑭᒋᒪᓂᑐᐗ ᑲᓇᐌᓕᒥᑎᓱ, ᓇᒪ ᓀᔥᑕ ᓵᒥᓂᑯ ᐊᓂᐃ ᒣᒋᑣᓕᒋ᙮

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᐅᐸᓓᑭᔅ ᒑᓐ 12:40

ᑮ ᐋᑲᐙᐱᓀᐤ, ᓀᔥᑕ ᑮ ᒪᔥᑲᐎᑕᐌᐤ ᐅᑌᐃᓕᐗ; ᐁᑳ ᑭᒋ ᐙᐱᓕᒋ ᐅᔅᑭᔑᑯᓕᐗ ᐅᒋ, ᐁᑳ ᓀᔥᑕ ᑭᒋ ᓂᓯᑐᑕᒥᓕᒋ ᐅᑌᐃᓕᐗ ᐅᒋ, ᓀᔥᑕ ᐁᑳ ᑭᒋ ᑴᔅᑳᑎᓯᐋᑲᓂᐎᓕᒋ, ᐁᑳ ᒫᑲ ᑭᒋ ᒥᓇᐙᒋᐊᑭᒃ᙮

ᐃᐱᓯᔭᓇ 2:1

ᑭᓚᐗᐤ ᒫᑲ ᑭ ᑮ ᐱᒫᑎᓯᐃᑯᐗᐤ, ᑳ ᑮ ᓂᐱᔦᒃ ᐗᓂᑐᑕᒧᐎᓂᒃ ᓀᔥᑕ ᒪᒋᑣᐎᓂᒃ;

ᐅᐸᓓᑭᔅ ᒑᓐ 1:5

ᐙᔅᑌᐎᓐ ᒫᑲ ᐙᔅᑌᐤ ᐗᓂᑎᐱᔅᑭᓯᐎᓂᒃ; ᐗᓂᑎᐱᔅᑭᓯᐎᓐ ᒫᑲ ᓇᒪᐎᓚ ᐅᒋ ᓂᓯᑕᐌᓕᑕᒧᒪᑲᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:17

ᒫᑲ ᐊᓂᒪ ᑲᑫᑕᐌᓕᑕᒧᐎᓐ ᐃᔥᐱᒥᒃ ᑳ ᐅᒋᐸᓕᒃ ᓃᔥᑕ ᐸᔦᑲᓐ, ᐁᑯ ᑳᔮᒣᐗᓐ, ᓗᑳᑕᓐ, ᐌᑕᓐ ᑭᒋ ᔑᑭᒋᑳᑌᒃ, ᐁ ᓵᑲᔅᑭᓀᒃ ᑭᔐᐙᑎᓯᐎᓐ ᓀᔥᑕ ᒥᓗ ᒥᓂᔕ, ᐁᑳ ᐁ ᑶᑕᐎᐃᑌᓕᑕᒧᒪᑲᒃ, ᐁᑳ ᓀᔥᑕ ᐁ ᐊᔭᒥᐊᑳᓱᒪᑲᒃ᙮

ᐅᐸᓓᑭᔅ ᒑᓐ 1:51

ᐃᑌᐤ ᓀᔥᑕ, ᑖᐺ, ᑖᐺ, ᑭᑦ ᐃᑎᓇᐗᐤ, ᐹᑎᒫ ᑭ ᑳ ᐙᐸᑌᓇᐗᐤ ᑭᒋᑭᔑᒃ ᐁ ᐹᔅᑭᑌᓂᑳᑌᒃ, ᓀᔥᑕ ᑭᒋᒪᓂᑐ ᐅᑦ ᐁᓐᒐᓕᒪ ᐁ ᐅᐱᔅᑮᔅᑕᐙᓕᒋ ᓀᔥᑕ ᐁ ᓛᔑᔅᑕᐙᓕᒋ ᐃᓕᓕᐎᑯᓯᓵᓇ᙮

ᐅᐸᓓᑭᔅ ᒫᑎᐤ 16:17

ᒋᓴᔅ ᒫᑲ ᐁ ᓇᔥᑴᐗᔑᐋᑦ ᑮ ᐃᑌᐤ, ᑭ ᔕᐌᓕᑖᑯᓯᓐ ᓵᐃᒪᓐ ᐹᕐᒍᓇ: ᐌᓴ ᐎᔮᔅ ᓀᔥᑕ ᒥᑯ ᓇᒪᐎᓚ ᐅᒪ ᑭ ᑮ ᐅᒋ ᐙᐸᑎᓕᑯᓐ, ᒫᑲ ᓄᑖᐎ ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᒫᑎᐤ 5:18

ᐌᓴ ᑖᐺ ᑭᑦ ᐃᑎᓇᐗᐤ, ᐃᓕᑯᒃ ᑭᔑᒃ ᓀᔥᑕ ᐊᔅᑭ ᒪᔭᐎᐸᓕᑫ, ᐯᔭᒃ ᒐᑲᓯᓇᐃᑲᓐ ᓀᔥᑕᐱᑯ ᐯᔭᒃ ᒐᑲᐯᔨᑲᓐ ᓇᒪᐎᓚ ᑲᑕ ᓄᑌᐸᓕᐤ ᐅᓚᔓᐌᐎᓂᒃ ᐅᒋ ᐱᓕᔥ ᒥᑐᓂ ᑮ ᑎᐱᑐᒋᑳᑌᒃ᙮

ᑭᔅᑫᓕᑖᑯᑖᑫᐎᓐ 3:14

ᐊᓇ ᐁᓐᒐᓪ ᓀᔥᑕ ᑳ ᑎᐯᓕᒫᑦ ᒫᒪᐎᐋᔭᒥᐊᐗ ᓓᐅᑕᓯᔭᐃᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᐁᒣᓐ, ᐊᓇ ᑳ ᒀᔭᔅᑭᑎᑦ ᓀᔥᑕ ᑳ ᑖᐺᐎᑦ ᐅᑎᐹᒋᒧ, ᐊᓇ ᒫᐗᒋ ᓃᔥᑕᒻ ᑳ ᑮ ᐃᑖᑦ ᐁ ᑮ ᒫᒋ ᐅᔑᒋᑫᑦ ᑭᒋᒪᓂᑐ;

ᐅᐸᓓᑭᔅ ᒫᑎᐤ 19:24

ᒥᓇ ᒫᑲ ᑭᑦ ᐃᑎᓇᐗᐤ, ᐊᐙᓯᑌ ᐌᑕᓂᓕᐤ ᑳᒥᓪ ᑭᒋ ᔖᐳᑕᐌᔥᑲᒃ ᐁ ᐅᔥᑭᔑᑯᐗᓂᓕᒃ ᔖᐴᓂᑲᓂᓕᐤ, ᐃᔥᐱᔥ ᒥᔕᑭᓯᐎᓕᓕᐤ ᑭᒋ ᐱᑐᑫᐙᑦ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᒃ᙮

ᐅᐸᓓᑭᔅ ᒫᑎᐤ 21:31

ᐊᐌᓇ ᐅᑯ ᑳ ᓂᔑᒋᒃ ᑳ ᑐᑕᒸᑦ ᐅᑦ ᐃᑌᓕᑕᒧᐎᓂᓕᐤ ᐅᑖᐎᐙᐗ? ᐃᑌᐗᒃ, ᐊᓇ ᓃᔥᑕᒻ᙮ ᒋᓴᔅ ᐃᑌᐤ, ᑖᐺ ᑭᑦ ᐃᑎᓇᐗᐤ, ᐎᓚᐗᐤ ᐸᑉᓕᑳᓇᒃ ᓀᔥᑕ ᐱᔑᒀᑎᔅᑴᐗᒃ ᑲᑕ ᐱᑐᑫᐌᐗᒃ ᑭᒋᒪᓂᑐᐗ ᐅᑦᐅᑭᒫᐎᐎᓂᓕᒃ ᐸᒧᔑ ᑭᓚᐗᐤ᙮

ᐅᐸᓓᑭᔅ ᒫᕐᒃ 9:47

ᑮᔥᐱᓐ ᒫᑲ ᑮᔅᑭᔑᒃ ᓈᔦᑕᐌᓕᑕᒥᐃᑯᔨᓀ, ᐗᓚᐎᐱᑕ: ᐊᐗᓯᑌ ᒥᓨᔑᓐ ᑭᒋ ᐱᑐᑫᐗᑦ ᑭᒋᒪᓂᑐ ᐅᑦ ᐅᑭᒫᐎᐎᓂᒃ ᐁ ᐯᔭᑾᒃ ᑮᔅᑭᔑᒃ, ᐃᔥᐱᔥ ᐁ ᐋᔮᔭᓐ ᓂᔓ ᒥᔅᑭᔑᑾ ᑭᒋ ᐃᔑ ᐌᐱᓂᑳᐎᔭᓐ ᒪᒋ ᐃᔥᑯᑌᒃ;

ᐅᐸᓓᑭᔅ ᒫᕐᒃ 10:14

ᒫᑲ ᐃᔅᐱ ᒋᓴᔅ ᐎᐋᐸᑕᒃ, ᓈᔅᐱᒡ ᓇᒪ ᑮ ᓇᐁᓕᑕᒻ, ᑮ ᐃᑌᐤ ᒫᑲ, ᐃᓕᓈᑯᒃ ᐊᐱᔅᑕᐙᔑᔕᒃ ᑭᒋ ᐯᒋ ᓈᔑᒋᒃ, ᐁᑳᐎᓚ ᒫᑲ ᑭᑕᐊᒫᑯᒃ; ᐌᓴ ᐅᑯ ᑐᐎ ᑭᒋᒪᓂᑐ ᐅᑦ ᐅᑭᒫᐎᐎᓂᒃ ᑳ ᐃᑖᑭᒃ᙮

ᐅᐸᓓᑭᔅ ᒑᓐ 3:4

ᓂᑯᑎᒪᔅ ᐃᑌᐤ, ᑖᓐᑌ ᑫ ᑮ ᐃᔑ ᓂᑖᐎᑭᑦ ᐃᓕᓕᐤ ᐃᔅᐱ ᑭᔐᓕᓕᐎᑦ? ᑲᑕ ᑮ ᐱᑐᑫᐌᐤ ᓈ ᒥᓇ ᐅᑳᐎᔭ ᐅᔅᐹᔮᓕᒃ, ᓀᔥᑕ ᑭᒋ ᓂᑖᐎᑭᑦ?

ᓂᔥᑕᒻ ᒑᓐ 5:4

ᐌᓴ ᒥᓯᐌ ᑫᒀᓕᐤ ᑳ ᓂᑕᐎᑭᑖᑦ ᑭᒋᒪᓂᑐ ᔖᑯᒋᐃᐌᒪᑲᓐ ᐊᔅᑭ: ᓀᔥᑕ ᐁᐗᑯ ᐅᒪ ᔖᑯᒋᐃᐌᐎᓐ ᑳ ᔖᑯᒋᑖᒪᑲᒃ ᐊᔅᑭ, ᑭ ᑖᐺᔦᓕᑕᒧᐎᓂᓇᐤ ᐅᑎ᙮