10 ᒋᓴᔅ ᐃᑌᐤ, ᐯᔑᑯᒃ ᐸᔅᑭ ᓇᒣᓴᒃ ᐊᓄᒡ ᑳ ᑮ ᐱᑕᐅᓚᔦᒃ᙮
ᐅᑕ ᐃᑖᐤ ᐅᔥᑭᓂᑭᐤ, ᐁ ᐋᔭᐙᑦ ᓂᔮᓚᓐ ᐙᐸᓘᒥᓐ ᐊᓚᑯᓇᐗ, ᓀᔥᑕ ᓂᔓ ᓇᒧᓯᔕ: ᑫᒀᓐ ᒫᑲ ᐅᑯ ᐁ ᐃᔥᐱᔑ ᒥᒉᑎᓈᓂᐗᒃ?
ᒋᓴᔅ ᒫᑲ ᑮ ᐅᑎᓀᐤ ᐊᓂᐃ ᐊᓚᑯᓈᐗ: ᐃᔅᐱ ᒫᑲ ᑳ ᑮ ᓇᓈᔅᑯᒧᑦ, ᑮ ᒫᑎᓇᒪᐌᐤ ᑭᔅᑭᓄᐊᒪᐙᑲᓇ, ᑭᔅᑭᓄᐊᒪᐙᑲᓇᒃ ᒫᑲ ᐊᓂᐃ ᑳ ᐊᐱᓕᒋ; ᓀᔥᑕ ᓇᒣᓴ ᐊᓯᒋ ᐃᔥᐱᔥ ᓀᑕᐌᓕᒫᓕᒋ᙮
ᐎᐸᒡ ᒫᑲ ᑳ ᑲᐹᒋᒃ, ᑮ ᐙᐸᑕᒶᒃ ᐃᔥᑯᑌᓕᐤ ᑲᑭᑌᐗ ᐁ ᑮ ᐅᒋ ᐅᔑᑖᓂᐗᓂᓕᒃ, ᓀᔥᑕ ᓇᒧᓴ ᐁ ᑌᑕᓛᑲᓂᐎᓕᒋ, ᓀᔥᑕ ᐊᓚᑯᓇᐗ᙮
ᓵᐃᒪᓐ ᐱᑕᕐ ᑮ ᐃᑐᑌᐤ, ᓀᔥᑕ ᑮ ᐋᒀᓯᐱᑌᐤ ᐊᓚᐱᔭ ᐁ ᓵᑲᔅᑭᓀᓕᒋ ᓇᒣᓴ ᐁ ᒥᔑᑭᑎᓕᒋ, ᒥᑖᑐᒥᑕᓇᐤ, ᓀᔥᑕ ᓂᔮᓕᓗᒥᑕᓇᐤ ᓂᔅᑐᔖᑉ: ᐋᑕ ᒫᑲ ᐁ ᐃᔥᐱᔑ ᒥᒉᑎᒋᒃ, ᐁᓕᐌᒃ ᓇᒪᐎᓚ ᐅᒋ ᐱᑯᐸᓕᐤ ᐊᓚᐱ᙮
ᒋᓴᔅ ᒫᑲ ᐯᒋ ᐃᑐᑌᐤ, ᓀᔥᑕ ᐅᑎᓀᐤ ᐊᓚᑯᓇᐗ, ᒥᓓᐤ ᒫᑲ, ᐊᓯᒋ ᓀᔥᑕ ᓇᒣᓴ᙮
ᐁᔥᑾ ᒫᑲ ᐁᑳ ᐁ ᑖᐺᑕᒥᓕᒋ ᐁ ᐃᔅᐱᒋ ᒥᓚᐙᑕᒥᓕᒋ, ᓀᔥᑕ ᐁ ᒫᒪᔅᑳᑕᒥᓕᒋ, ᑮ ᐃᑌᐤ, ᐅᑕ ᓈ ᒥᒋᒻ ᑭᑦ ᐋᔮᓇᐗᐤ?
