ᐅᐸᓓᑭᔅ ᒑᓐ 19:6 - ᐅᔅᑭ ᑎᔅᑌᒥᓐᑦ

⁶ ᐃᔅᐱ ᑭᒋ ᓵᓵᑭᐎᓕᐌᐎᓕᓕᐗᒃ ᓀᔥᑕ ᓇᑐᐸᓕᐎᑭᒫᐗᒃ ᐎᐋᐸᒫᒋᒃ, ᑮ ᑌᐺᐗᒃ, ᐁ ᐃᑗᒋᒃ, ᒌᔅᑖᔅᑾᐤ ᒌᔅᑖᔅᑾᐤ᙮ ᐹᐃᓚᑦ ᐃᑌᐤ, ᐅᑎᓂᒃ ᑭᓚᐗᐤ, ᓀᔥᑕ ᒌᔅᑖᔅᑾᐅᑦ: ᐌᓴ ᓂᓚ ᓇᒪᐎᓚ ᓂ ᒥᔅᑲᒸᓐ ᑳ ᒪᒋᑐᑕᒃ᙮

ᐅᐸᓓᑭᔅ ᒑᓐ 19:6 Referans Kwoze

ᐅᐸᓓᑭᔅ ᒑᓐ 18:31

ᐁᑯ ᐹᐃᓚᑦ ᐁᑖᑦ, ᐅᑎᓂᒃ ᑭᓚᐗᐤ, ᓀᔥᑕ ᑎᐹᔅᑯᓂᒃ ᐁ ᐃᑕᔅᑌᒃ ᑭᑦ ᐅᓚᔓᐌᐎᓂᐙᒃ᙮ ᐁᐗᑯ ᐌᒋ ᒎᐗᒃ ᐃᑖᒋᒃ, ᓇᒪᐎᓚ ᐅᓚᔓᐌᓕᑖᑾᓐ ᓂᓚᓈᓐ ᑭᒋ ᓂᐸᐊᑭᑦ ᐊᐌᓇ:

ᐅᐸᓓᑭᔅ ᒑᓐ 19:4

ᐹᐃᓚᑦ ᒫᑲ ᒥᓇ ᑮ ᐗᓚᐎᐤ, ᓀᔥᑕ ᐃᑌᐤ, ᒫᑎᑲ, ᑭ ᐯᒋ ᐗᓚᐎᑕᑣᑎᓇᐗᐤ, ᑭᒋ ᑭᔅᑫᓕᑕᒣᒃ ᐁᑳ ᐁ ᒥᔅᑲᒶᒃ ᑳ ᒪᒋᑐᑕᒃ᙮

ᐊᐸᔅᑕᓚᒃ 7:52

ᑖᓐ ᐊᓂᐃ ᐅᑭᔅᑭᐗᐃᑫᐗ ᑯᑖᐎᐗᐗᒃ ᐁᑳ ᑳ ᑮ ᑲᒀᑕᑭᐋᒋᒃ? ᓀᔥᑕ ᑮ ᓂᐸᐁᐗᒃ ᐊᓂᐃ ᓂᔮᑲᓇ ᑳ ᑮ ᐙᐸᑎᓕᐌᓕᒋ ᑭᒋ ᑕᑯᔑᓂᓕᒋ ᐊᓇ ᐅᒀᔭᔅᑭᑖᑎᓯᐤ; ᐊᓇ ᐁᑯ ᑭᓚᐗᐤ ᑳ ᑮ ᒫᒥᔑᒣᒃ ᓀᔥᑕ ᓂᐸᐁᒃ:

ᐊᐸᔅᑕᓚᒃ 2:23

ᐎᓚ ᐁ ᑮ ᐸᑭᑎᓈᑲᓂᐎᑦ ᑭᒋᒪᓂᑐ ᐅᑦ ᐅᓚᔓᐌᐎᓐ ᓀᔥᑕ ᐅ ᓂᑳᓂ ᑭᔅᑫᓕᑕᒧᐎᓐ ᐅᒋ, ᑭ ᑮ ᐅᑎᓈᐗᐤ, ᓀᔥᑕ ᒪᒑᑎᓯᐎ ᒥᒋᒋᒃ ᑭ ᑮ ᐅᒋ ᒋᔅᑖᔅᑾᐗᐗᐤ ᓀᔥᑕ ᑭ ᑮ ᓂᐸᐋᐗᐤ:

ᐅᐸᓓᑭᔅ ᒑᓐ 19:15

ᒫᑲ ᑮ ᑌᐺᐗᒃ, ᑭᑐᑖᔾ, ᑭᑐᑖᔾ, ᒌᔅᑖᔅᑾᐤ᙮ ᐹᐃᓚᑦ ᐃᑌᐤ, ᓂ ᑳ ᒌᔅᑖᔅᑾᐗᐤ ᓈ ᑭ ᑭᒋᐅᑭᒫᒥᐗᐤ? ᑭᒋ ᓵᓵᑭᐎᓕᐌᐎᓕᓕᐗᒃ ᑮ ᓇᔥᑴᐗᔑᐃᐌᐗᒃ, ᓇᒪᐎᓚ ᑯᑕᒃ ᑭᒋᐅᑭᒪᐤ ᓂᑦ ᐋᔭᐙᓈᓐ ᐱᑯ ᓯᓴᕐ᙮

ᐅᐸᓓᑭᔅ ᓘᒃ 23:4

ᐁᑯ ᐹᐃᓚᑦ ᐁᑖᑦ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐃᓕᓕᐗ, ᓇᒪᐎᓚ ᓂ ᒥᔅᑲᒸᓐ ᒪᒋᑣᐎᓂᓕᐤ ᐁ ᐋᔮᑦ ᐊᐗ ᐃᓕᓕᐤ᙮

ᐅᐸᓓᑭᔅ ᒫᑎᐤ 27:24

ᐃᔅᐱ ᐹᐃᓚᑦ ᐎᐋᐸᑕᒃ ᐁᑳ ᐁ ᑮ ᔖᑯᒋᒫᑦ, ᐁ ᒫᒋ ᐹᔑᑯᓚᐌᓯᓕᒋ ᒫᑲ, ᑮ ᐅᑎᓇᒻ ᓂᐱᓕᐤ, ᑮ ᑭᓯᐯᑭᓇᒻ ᒫᑲ ᐅᒋᒋᔭ ᐁ ᐙᐸᒥᑯᑦ ᒥᔮᒪᐎᒥᒉᑎᓕᒋ ᐃᓕᓕᐗ, ᐁ ᐃᑗᑦ, ᓇᒪᐎᓚ ᓂᓚ ᓂ ᐎ ᓯᑭᓇᒸᓐ ᐅᒥᑯ ᐊᐗ ᑳ ᒀᔭᔅᑭᑎᑦ ᐃᓕᓕᐤ; ᑲᓇᐙᐸᑕᒧᒃ ᑭᓚᐗᐤ᙮

ᐅᐸᓓᑭᔅ ᒫᑎᐤ 27:22

ᐹᐃᓚᑦ ᐃᑌᐤ, ᑖᓂ ᒫᑲ ᑫ ᑐᑕᐗᒃ ᒋᓴᔅ, ᑳ ᐃᔑᓂᑳᓱᑦ ᙭? ᒥᓯᐌ ᐃᑌᐗᒃ, ᐁᑯᔑ ᑲᑕ ᒋᔅᑖᔅᑾᐗᐤ᙮

ᐅᐸᓓᑭᔅ ᒫᑎᐤ 26:58

ᒫᑲ ᐱᑕᕐ ᐙᓚᐤ ᑮ ᐅᒋ ᓄᔅᐱᓇᑌᐤ, ᐱᓕᔥ ᑭᒋ ᓵᓵᑭᐎᓕᐌᐎᓕᓕᐗ ᐅ ᑭᒋᐙᔅᑳᔨᑲᓂᒥᓕᒃ, ᑮ ᐱᑐᑫᐤ ᒫᑲ, ᓀᔥᑕ ᑮ ᐃᑡᐱᒣᐤ ᐊᑑᔅᑫᓛᑲᓇ ᐁ ᐎ ᐙᐸᑕᒃ ᑫ ᐃᔑ ᐳᓂᐸᓕᓕᒃ᙮

ᐅᐸᓓᑭᔅ ᒑᓐ 18:3

ᐁᑯ ᒎᑕᔅ, ᑳ ᐅᑎᓈᑦ ᒥᒉᑦ ᐃᓕᓕᐗ ᓀᔥᑕ ᓇᑐᐸᓕᐎᑭᒫᐗ ᑳ ᐸᑭᑎᓇᒫᑯᑦ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐹᕋᓯᔭ, ᐯᒋ ᐃᑐᑌᐤ ᐊᓐᑕ ᐁ ᐋᔮᓕᒋ ᔖᐳᐙᔅᑌᓂᑲᓇ, ᓀᔥᑕ ᐙᔅᑌᓂᑲᓇ, ᓀᔥᑕ ᐸᑲᒫᑲᓇ᙮

ᐅᐸᓓᑭᔅ ᒑᓐ 18:38

ᐹᐃᓚᑦ ᐃᑌᐤ, ᑫᒀᓐ ᑖᐺᐎᓐ? ᐃᔅᐱ ᒫᑲ ᐅᒣᓕᐤ ᑳ ᐃᑗᑦ, ᒥᓇ ᑮ ᐗᓚᐎᔅᑕᐌᐤ ᒎᐗ, ᓀᔥᑕ ᐃᑌᐤ, ᓇᒪ ᒥᑐᓂ ᓂ ᒥᔅᑲᒸᓐ ᑳ ᒪᒋᑐᑕᒃ᙮