7 ᐁᑯ ᑳ ᑭᔅᑫᓕᑕᑭᒃ ᒥᓯᐌ ᑫᒀᓇ ᑳ ᑮ ᒥᓕᔭᓐ ᑭᓚ ᐁ ᐅᒋ ᐃᑕᑾᑭ᙮
ᒥᓯᐌ ᑫᒀᓇ ᐅᑖᐎᒪᐤ ᑳ ᐋᔮᑦ ᓂ ᑎᐱᓚᐌᐎᓰᓐ: ᐁᐗᑯ ᐌᒋ ᑮ ᐃᑗᔮᓐ, ᑲᑕ ᐅᑎᓇᒻ ᓂᑦ ᐋᔮᓂᒃ ᐅᒋ ᓀᔥᑕ ᑭ ᑳ ᐙᐸᑎᓕᑯᐗᐤ᙮
ᓀᔥᑕ ᒥᓯᐌ ᓂᑦ ᐃᓕᓕᒪᒃ ᐁᐗᒀᓂᑭ ᑭᑦ ᐃᓕᓕᒪᒃ, ᓀᔥᑕ ᑭᑦ ᐃᓕᓕᒪᒃ ᐁᐗᒀᓂᑭ ᓂᑦ ᐃᓕᓕᒪᒃ; ᓀᔥᑕ ᓂ ᑭᔅᑌᓕᑖᑯᐃᑾᒃ᙮
ᐁᑯ ᒋᓴᔅ ᐁᑖᑦ, ᐃᔅᐱ ᑮ ᐅᐱᓀᑴ ᐃᓕᓕᐎᑯᓯᓵᓐ, ᐁᑯ ᑫ ᑭᔅᑫᓕᑕᒣᒃ ᓂᓚ ᐁᐗᑯ ᐁ ᐋᐎᔮᓐ, ᓀᔥᑕ ᐁᑳ ᐁ ᑐᑕᒫᓐ ᑫᒀᓐ ᓂᓚ ᑎᐱᓚᐌ ᓂ ᒥᑐᓀᓕᒋᑲᓂᒃ ᐅᒋ; ᒫᑲ ᐁ ᑮ ᐃᔑ ᑭᔅᑭᓄᐊᒪᐎᑦ ᓄᑖᐎ, ᓂᑦ ᐋᔭᒥᓐ ᐅᐅ ᑫᒀᓇ᙮
ᐊᓂᒪ ᑫ ᑭᔑᑳᒃ ᑭ ᑳ ᑭᔅᑫᓕᑌᓇᐗᐤ ᓂᓚ ᐁ ᐱᒋᔅᑲᐎᑦ ᓄᑖᐎ, ᓀᔥᑕ ᑭᓚᐗᐤ ᐁ ᐱᒋᔅᑲᐎᔦᒃ, ᓀᔥᑕ ᓂᓚ ᐁ ᐱᒋᔅᑳᑕᑾᒃ᙮
ᓂ ᑮ ᐙᐸᑎᓚᐗᒃ ᑭᑦ ᐃᔑᓂᑳᓱᐎᓂᓕᐤ ᐊᓂᑭ ᐃᓕᓕᐗᒃ ᑳ ᑮ ᒥᓕᔭᓐ ᐊᔅᑮᒃ ᐅᒋ: ᑭ ᑮ ᐅᑦ ᐃᓕᓕᒥᒫᐗᒃ, ᑭ ᑮ ᒥᓕᓐ ᒫᑲ; ᓀᔥᑕ ᑮ ᑲᓇᐌᓕᑕᒶᒃ ᑭᑦ ᐋᔭᒥᐎᓂᓕᐤ᙮
ᐌᓴ ᓂ ᑮ ᒥᓛᐗᒃ ᐊᓂᐃ ᐋᔭᒥᐎᓇ ᑳ ᑮ ᒥᓕᔭᓐ; ᑮ ᐅᑎᓇᒶᒃ ᒫᑲ, ᓀᔥᑕ ᑮ ᑖᐺᑕᒶᒃ ᐁ ᑮ ᐯᒋᑎᔕᐅᔭᓐ᙮
