ᐅᐸᓓᑭᔅ ᒑᓐ 17:12 - ᐅᔅᑭ ᑎᔅᑌᒥᓐᑦ

¹² ᐁᔥᑾ ᐁ ᐎᒉᐗᑭᒃ ᐊᔅᑮᒃ, ᓂ ᑮ ᑲᓇᐌᓕᒪᐗᒃ ᑭᑦ ᐃᔑᓂᑳᓱᐎᓂᒃ: ᐊᓂᑭ ᑳ ᑮ ᒥᓕᔭᓐ ᓂ ᑮ ᑲᓇᐌᓕᒪᐗᒃ, ᓀᔥᑕ ᓇᒪ ᐙᐙᒡ ᐯᔭᒃ ᐁ ᐃᑕᓯᒋᒃ ᐗᓂᐋᑲᓂᐎᐤ, ᐊᓇ ᐱᑯ ᑳ ᐅᑯᓯᓯᒥᑯᑦ ᓂᔑᐗᓈᒋᐅᐎᓂᓕᐤ; ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ᙮

ᐅᐸᓓᑭᔅ ᒑᓐ 17:12 Referans Kwoze

ᐅᐸᓓᑭᔅ ᒑᓐ 18:9

ᑭᒋ ᑎᐱᐸᓕᓕᒃ ᐊᓂᐁᓕᐤ ᐃᑗᐎᓂᓕᐤ ᑳ ᑮ ᐃᑗᑦ, ᐊᓂᑭ ᑳ ᑮ ᒥᓕᔭᓐ ᓇᒪᐎᓚ ᐙᐙᒡ ᐯᔭᒃ ᐁ ᐃᑕᓯᒋᒃ ᓂ ᑮ ᐗᓂᐊᐤ᙮

ᐅᐸᓓᑭᔅ ᒑᓐ 13:18

ᓇᒪᐎᓚ ᒥᓯᐌ ᐁ ᐃᑕᔑᔦᒃ ᑭᑦ ᐋᓕᒧᒥᑎᓇᐗᐤ: ᓂ ᑭᔅᑫᓕᒫᐗᒃ ᐊᓂᑭ ᑳ ᑮ ᐙᐌᓛᐸᒪᑭᒃ: ᒫᑲ ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ, ᐊᓇ ᑳ ᐎᒋᒥᒋᓱᒥᑦ ᐊᓚᑯᓇᐗ, ᑮ ᐅᐱᓇᒻ ᐅᑐᑕᓐ ᑭᒋ ᒪᒋᑐᑖᐎᑦ᙮

ᐅᐸᓓᑭᔅ ᒑᓐ 6:37

ᒥᓯᐌ ᐊᓂᐃ ᑳ ᒥᓕᑦ ᐅᑖᐎᒪᐤ ᓂ ᑳ ᐯᒋ ᓈᑎᑾᒃ: ᐊᓇ ᓀᔥᑕ ᑳ ᐯᒋ ᓈᔑᑦ ᔮᓕᑌᓪ ᓇᒪᐎᓚ ᓂ ᑳ ᐗᓚᐎᐌᐱᓇᐤ᙮

ᓂᔥᑕᒻ ᒑᓐ 2:19

ᑭᓚᓇᓇᐤ ᐃᑕ ᐁ ᐃᑖᔭᒃ ᑮ ᐅᒋ ᐗᓚᐎᐗᒃ, ᒫᑲ ᓇᒪᐎᓚ ᑭ ᑮ ᐅᐎᒉᐙᑲᓂᓈᐤ: ᐌᓴ ᑮᔥᐱᓐ ᑮ ᐅᐎᒉᐙᑲᓂᔭᒃ, ᑫᔮᐸᒡ ᑭ ᑳ ᐎᒉᐎᑯᑖᓇᐗᒃ; ᒫᑲ ᑮ ᐗᓚᐎᐗᒃ ᑭᒋ ᑭᔅᑫᓕᑖᑯᓯᒋᒃ ᐁᑳ ᒥᓯᐌ ᐁ ᑮ ᐅᐎᒉᐙᑲᓂᔭᒃ᙮

ᐊᐸᔅᑕᓚᒃ 1:25

ᑭᒋ ᐎᒋᐃᐌᑦ ᐅᒪ ᐋᔭᒥᐋᐎ ᐊᑑᔅᑫᐎᓂᒃ, ᓀᔥᑕ ᐊᐸᔅᑕᓕᐎᐎᓂᒃ, ᑳ ᐅᒋ ᐸᑭᔑᒃ ᒎᑕᔅ, ᒪᒋ ᐋᔨᑎᐎᓐ ᐅᒋ, ᑭᒋ ᐃᑐᑌᑦ ᑎᐱᓚᐌ ᐅ ᑕᔑᑫᐎᓂᒃ᙮

ᓂᔓ ᑌᓴᓗᓂᔭᓇ 2:3

ᐁᑳᐎᓚ ᐊᐌᓇ ᑭ ᑳ ᐙᔦᔑᐃᑯᐗᐤ ᓈᓐᑕᐤ ᐃᔑ: ᐌᓴ ᐊᓂᒪ ᐁ ᑭᔑᑳᒃ ᓇᒪᐎᓚ ᑲᑕ ᐅᑎᒋᐸᓕᐤ ᐹᑎᒫ ᐱᑯ ᑮ ᑕᑯᔑᓄᒪᑲᑫ ᐸᑭᔑᓂᐎᓐ, ᓀᔥᑕ ᐊᓇ ᒪᒋᑣᐎᓂ ᐃᓕᓕᐤ ᑮ ᓄᑯᓯᑌ, ᐊᓇ ᑳ ᐅᑯᓯᓯᒥᑯᑦ ᓂᔑᐗᓈᑎᓯᐎᓂᓕᐤ;

ᐦᐃᑉᕉᐗ 2:13

ᒥᓇ ᒫᑲ, ᓂ ᑳ ᒪᒥᔑᑐᑕᐗᐤ᙮ ᒥᓇ ᒫᑲ, ᒫᑎᑲ ᓂᓚ, ᓀᔥᑕ ᐊᓂᑭ ᐊᐙᔑᔕᒃ ᑳ ᑮ ᒥᓕᑦ ᑭᒋᒪᓂᑐ᙮

ᐅᐸᓓᑭᔅ ᒑᓐ 17:6

ᓂ ᑮ ᐙᐸᑎᓚᐗᒃ ᑭᑦ ᐃᔑᓂᑳᓱᐎᓂᓕᐤ ᐊᓂᑭ ᐃᓕᓕᐗᒃ ᑳ ᑮ ᒥᓕᔭᓐ ᐊᔅᑮᒃ ᐅᒋ: ᑭ ᑮ ᐅᑦ ᐃᓕᓕᒥᒫᐗᒃ, ᑭ ᑮ ᒥᓕᓐ ᒫᑲ; ᓀᔥᑕ ᑮ ᑲᓇᐌᓕᑕᒶᒃ ᑭᑦ ᐋᔭᒥᐎᓂᓕᐤ᙮

ᐱᓕᐱᔭᓇ 2:9

ᐁᐗᑯ ᐌᒋ ᓈᔅᐱᒡ ᑳ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ, ᑭ ᒥᓕᑯ ᒫᑲ ᐃᔑᓂᑳᓱᐎᓂᓕᐤ ᐊᐙᓯᑌ ᑳ ᑭᔅᑌᓕᑖᑾᓂᓕᒃ ᐃᔥᐱᔥ ᒥᓯᐌ ᐃᔑᓂᑳᓱᐎᓇ:

ᑭᔅᑫᓕᑖᑯᑖᑫᐎᓐ 19:12

ᐅᔅᑭᔑᑾ ᑖᐱᔅᑯᒡ ᐁ ᐗᓚᑌᒃ ᐃᔥᑯᑌᐤ ᑭ ᐃᔑᓈᑾᓂᓕᐗ, ᓀᔥᑕ ᐅᔅᑎᒀᓂᒃ ᑭ ᑭᑭᔥᑲᒻ ᒥᒋᑦ ᐅᑭᒪᐗᔅᑐᑎᓋ; ᑭ ᐋᔭᐤ ᒫᑲ ᐎᓗᐎᓂᓕᐤ ᐁ ᒪᓯᓇᐃᑳᑌᓕᒃ, ᐁᑳ ᐊᐌᓇ ᑳ ᑭᔅᑫᓕᑕᒃ, ᐎᓚ ᑫᒋᐙᒃ ᐱᑯ᙮