15 ᐌᓴ ᑭ ᑮ ᑭᔅᑭᓄᐙᐸᑎᓕᑎᓇᐗᐤ ᑭᒋ ᑐᑕᒣᒃ ᑳ ᐃᔑ ᑐᑖᑕᑾᒃ᙮
ᐅᑎᓇᒫᓱᒃ ᓂ ᑖᐱᔅᑳᑲᓐ, ᑭᔅᑭᓄᐙᐸᒦᒃ ᒫᑲ, ᐌᓴ ᓂ ᓗᔅᐹᑎᓰᓐ ᓀᔥᑕ ᓂ ᑕᐸᑎᓕᒧᓐ ᓂᑌᐃᒃ: ᑭ ᑳ ᒥᔅᑫᓇᐗᐤ ᒫᑲ ᑫ ᐃᔑ ᐋᓜᐱᒋᒃ ᑭᑦ ᐊᒑᑯᐙᐗᒃ᙮
ᐊᓇ ᓂ ᐱᒋᔅᑲᐗᐤ ᑳ ᐃᑗᑦ, ᐁᑯᔑ ᑲᑕ ᐃᔑ ᐱᒧᑌᐸᓐ, ᒬᒋᒃ ᑳ ᑮ ᐃᔑ ᐱᒧᑌᓕᒋ᙮
ᐌᓴ ᐁᐗᑯ ᐌᒋ ᓇᑐᒥᑲᐎᔦᒃ: ᐌᓴ ᙭ ᓀᔥᑕ ᑭ ᐙᐎᓴᑫᓕᑕᒥᔅᑕᒫᑯᓇᐤ, ᐁ ᓇᑲᑕᒫᑕᒃ ᑭᔅᑭᓄᐙᐸᑎᓕᐌᐎᓂᓕᐤ ᑭᒋ ᑖᑖᐸᐊᒣᐌᒃ ᐅ ᑕᑯᔅᑫᐎᓇ:
ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮
ᐁᑯ ᑭᒋᒪᓂᑐ ᑳ ᑎᐯᓕᑕᒃ ᔑᐱᓚᐌᓯᐎᓂᓕᐤ ᓀᔥᑕ ᑳᑭᒋᐃᐌᐎᓂᓕᐤ ᑭ ᑳ ᐎ ᒥᓕᑯᐗᐤ ᒣᒥᔅᑯᒃ ᑭᒋ ᒥᓗᐃᑌᓕᒥᑐᔦᒃ ᑳ ᐃᔑ ᑭᔅᑭᓄᐊᒫᑫᑦ ᙭ ᒋᓴᔅ:
ᐁᑳ ᓀᔥᑕ ᑖᐱᔅᑯᒡ ᐁ ᐅᑭᒫᐎ ᑎᐯᓕᑕᒬᒃ ᑭᒋᒪᓂᑐ ᐅ ᑎᐯᓕᒋᑲᓐ, ᒫᑲ ᐁ ᑭᔅᑭᓄᐙᐸᒥᑖᑾᒃ ᒫᓂᔥᒑᓂᔕᒃ᙮
