ᐅᐸᓓᑭᔅ ᒑᓐ 10:25 - ᐅᔅᑭ ᑎᔅᑌᒥᓐᑦ

²⁵ ᒋᓴᔅ ᑮ ᓇᔥᑴᐗᔑᐁᐤ, ᑭ ᑮ ᐎᑕᒫᑎᓇᐗᐤ, ᓇᒪᐎᓚ ᒫᑲ ᑭ ᐅᒋ ᑖᐺᑌᓇᐗᐤ: ᐊᓂᐃ ᐋᔨᑎᐎᓇ ᑳ ᑐᑕᒫᓐ ᓄᑖᐎ ᐅᑦ ᐃᔑᓂᑳᓱᐎᓂᒃ ᓂ ᑎᐹᒋᒥᑯᓐ᙮

ᐅᐸᓓᑭᔅ ᒑᓐ 10:25 Referans Kwoze

ᐅᐸᓓᑭᔅ ᒑᓐ 10:38

ᒫᑲ ᑮᔥᐱᓐ ᐁᑐᑕᒸᐗᑫ, ᐋᑕ ᐁᑳ ᐁ ᑖᐺᑕᐎᔦᒃ, ᑖᐺᑕᒧᒃ ᐋᔨᑎᐎᓇ: ᑭᒋ ᑭᔅᑫᓕᑕᒣᒃ ᓀᔥᑕ ᑭᒋ ᑖᐺᑕᒣᒃ ᐁ ᐱᒋᔅᑲᐎᑦ ᐅᑖᐎᒪᐤ, ᓂᓚ ᓀᔥᑕ ᐁ ᐱᒋᔅᑲᐗᒃ᙮

ᐅᐸᓓᑭᔅ ᒑᓐ 8:58

ᒋᓴᔅ ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓇᐗᐤ, ᐸᒧᔑ ᐃᑖᑦ ᐁᑉᕃᐋᒻ, ᓂ ᑮ ᐃᑖᓐ᙮

ᐅᐸᓓᑭᔅ ᒑᓐ 14:11

ᑖᐺᑕᐎᓐ ᐅᑖᐎᒪᐤ ᐁ ᐱᒋᔅᑲᐗᒃ, ᓀᔥᑕ ᐁ ᐱᒋᔅᑲᐎᑦ ᐅᑖᐎᒪᐤ; ᓀᔥᑕᐱᑯ ᑖᐺᑕᐎᒃ ᐊᓂᐃ ᐋᔨᑎᐎᓇ ᐅᒋ᙮

ᐦᐃᑉᕉᐗ 2:3

ᑖᓂ ᑫ ᐃᔑ ᐅᔑᒧᔭᒃ, ᑮᔥᐱᓐ ᐋᑕᐌᓕᑕᒪᒃ ᐁᔅᐱᒋ ᑭᒋ ᐱᒫᒋᐃᐌᐎᓐ; ᐊᓂᒪ ᓂᔥᑕᒻ ᑳ ᑮ ᒫᒋ ᐋᓕᒧᑕᒃ ᐅᑎᐯᓕᒋᑫᐤ, ᓀᔥᑕ ᑳ ᑮ ᐊᔨᒋ ᐎᑕᒫᑕᑾᒃ ᐊᓂᑭ ᑳ ᑮ ᐯᑕᐙᒋᒃ;

ᐊᐸᔅᑕᓚᒃ 10:38

ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮

ᐅᐸᓓᑭᔅ ᒑᓐ 20:30

ᓀᔥᑕ ᒥᒉᑦ ᑯᑕᑭᔭ ᑭᔅᑭᓄᐙᒋ ᐙᐸᑎᓕᐌᐎᓇ ᑖᐺ ᑮ ᑐᑕᒻ ᒋᓴᔅ ᐁ ᐙᐸᒥᑯᑦ ᐅ ᑭᔅᑭᓄᐊᒪᐙᑲᓇ, ᐁᑳ ᑳ ᒪᓯᓇᐃᑳᑌᑭ ᐅᒪ ᒪᓯᓇᐃᑲᓂᒃ:

ᐅᐸᓓᑭᔅ ᒑᓐ 12:37

ᐋᑕ ᒫᑲ ᐃᔅᐱᒋ ᒥᒉᑦ ᒫᒪᔅᑳᒋ ᐃᓯᒋᑫᐎᓇ ᐁ ᑮ ᑐᑕᒃ ᐁ ᐙᐸᒥᑯᑦ, ᐁᓕᐌᒃ ᒫᑲ ᓇᒪᐎᓚ ᐅᒋ ᑖᐺᔦᓕᒥᑯ᙮

ᐅᐸᓓᑭᔅ ᒑᓐ 11:47

ᐁᑯ ᑭᒋ ᓵᓵᑭᐎᓕᐌᐎᓕᓕᐗᒃ ᓀᔥᑕ ᐸᕋᓯᔭᒃ ᒥᔭᐗᒋᐃᑐᒋᒃ ᐁ ᑲᑫᔅᑭᒥᑐᒋᒃ, ᑮ ᐃᑗᐗᒃ ᒫᑲ, ᑖᓐ ᐁᔨᑎᔭᒃ? ᐌᓴ ᐊᐗ ᐃᓕᓕᐤ ᑐᑕᒻ ᒥᒉᑦ ᒫᒪᔅᑳᒋ ᐃᓯᒋᑫᐎᓇ᙮

ᐅᐸᓓᑭᔅ ᒑᓐ 10:32

ᒋᓴᔅ ᑮ ᓇᔥᑴᐗᔑᐁᐤ, ᒥᒉᑦ ᒥᓗ ᐋᔨᑎᐎᓇ ᑭ ᑮ ᐙᐸᑎᓕᑎᓇᐗᐤ ᓄᑖᐎ ᐅᒋ; ᑖᓐ ᐊᓂ ᐋᔨᑎᐎᓐ ᐙ ᐅᒋ ᐱᒧᓯᓈᑕᐅᔦᒃ?

ᐅᐸᓓᑭᔅ ᒑᓐ 8:24

ᐁᐗᑯ ᐌᒋ ᐃᑎᑕᑾᒃ, ᑭ ᑳ ᓂᐱᓇᐗᐤ ᑭ ᒪᒋᑐᑕᒧᐎᓂᐙᒃ: ᐌᓴ ᑮᔥᐱᓐ ᐁᑳ ᑖᐺᑕᒣᑴ ᓂᓚ ᐁᐗᑯ ᐁ ᐋᐎᔮᓐ, ᑭ ᑳ ᓂᐱᓇᐗᐤ ᑭ ᒪᒋᑐᑕᒧᐎᓂᐙᒃ᙮

ᐅᐸᓓᑭᔅ ᒑᓐ 8:12

ᐁᑯ ᒋᓴᔅ ᒥᓇ ᐁᔭᒥᐋᑦ, ᐁ ᐃᑗᑦ, ᓂᓚ ᐁᐗᑯ ᑳ ᐅᒋ ᐋᔅᑌᒃ ᐊᔅᑭ: ᐊᓇ ᑳ ᓄᔅᐱᓇᔑᑦ ᓇᒪᐎᓚ ᑲᑕ ᐱᒧᑌᐤ ᐗᓂᑎᐱᔅᑭᓯᐎᓂᒃ, ᒫᑲ ᑲᑕ ᐊᔮᐤ ᐱᒫᑎᓯᐎᓂ ᐙᓭᔮᓯᐎᓂᓕᐤ᙮

ᐅᐸᓓᑭᔅ ᒑᓐ 7:31

ᒥᒉᑦ ᒫᑲ ᐃᓕᓕᐗᒃ ᑮ ᑖᐺᔦᓕᒣᐗᒃ, ᑮ ᐃᑗᐗᒃ ᒫᑲ, ᐃᔅᐱ ᙭ ᑕᑯᔑᑫ, ᐊᐙᓯᑌ ᓈ ᒥᒉᑦ ᒫᒪᔅᑳᒋ ᐃᓯᒋᑫᐎᓇ ᑲᑕ ᑐᑕᒻ ᐃᔥᐱᔥ ᐅᐅ ᐊᐗ ᐃᓕᓕᐤ ᑳ ᑮ ᑐᑕᒃ?

ᐅᐸᓓᑭᔅ ᒑᓐ 3:2

ᐁᐗᑯ ᐊᐗ ᑮ ᐯᒋᓈᑌᐤ ᒋᓴᓴ ᓂᐹᑎᐱᔉ, ᑮ ᐃᑌᐤ ᒫᑲ, ᕌᐸᐃ, ᓂ ᑭᔅᑫᓕᑌᓈᓐ ᐁ ᐅᑭᔅᑭᓄᐊᒫᑫᔭᓐ ᑭᒋᒪᓂᑐᒃ ᐁ ᐯᒋ ᐅᒋᔭᓐ; ᐌᓴ ᓇᒪᐎᓚ ᐊᐌᓇ ᑮ ᑐᑕᒻ ᐅᐅ ᒫᒪᑖᐎ ᐃᓯᒋᑫᐎᓇ ᑭᓚ ᑳ ᑐᑕᒪᓐ, ᑮᔥᐱᓐ ᐁᑳ ᐎᒋᐃᑯᑦ ᑭᒋᒪᓂᑐᐗ᙮

ᐊᐸᔅᑕᓚᒃ 2:22

ᑭᓚᐗᐤ ᐃᔅᕃᐃᓪ ᐃᓕᓕᑐᒃ, ᐯᑕᒧᒃ ᐅᐅ ᐋᔭᒥᐎᓇ; ᒋᓴᔅ ᓈᓴᕆᑎᒃ ᑳ ᐅᒌᑦ, ᐊᓇ ᐃᓕᓕᐤ ᑳ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ ᐃᑕ ᐁ ᐃᑖᔦᒃ ᒫᒪᔅᑳᒋ ᐃᓯᒋᑫᐎᓇ ᐅᒋ, ᓀᔥᑕ ᒫᒪᑖᐎ ᐙᐸᑎᓕᐌᐎᓇ, ᓀᔥᑕ ᑭᔅᑭᓄᐙᒋᒋᑲᓇ, ᐎᓚ ᐅᒋ ᑳ ᑮ ᑐᑕᒃ ᑭᒋᒪᓂᑐ ᐃᑕ ᐁ ᐃᑖᔦᒃ ᑖᐱᔅᑯᒡ ᑭᓚᐗᐤ ᓀᔥᑕ ᐁ ᐃᔑ ᑭᔅᑫᓕᑕᒣᒃ:

ᐅᐸᓓᑭᔅ ᒑᓐ 8:56

ᑯᑕᐎᐗᐤ ᐁᑉᕃᐋᒻ ᑮ ᒥᓚᐙᑕᒻ ᑭᒋ ᐙᐸᑕᒃ ᓂ ᑭᔑᑳᒥᓕᐤ: ᑮ ᐙᐸᑕᒻ ᒫᑲ, ᓀᔥᑕ ᑮ ᓯᑭᓓᓯᐤ᙮

ᐅᐸᓓᑭᔅ ᒑᓐ 10:37

ᑮᔥᐱᓐ ᐁᑳ ᐁᑐᑕᒸᐗᑫ ᓄᑖᐎ ᐅᑦ ᐋᔨᑎᐎᓇ, ᐁᑳᐎᓚ ᑖᐺᑕᐎᒃ᙮