ᐅᐸᓓᑭᔅ ᒑᓐ 1:33 - ᐅᔅᑭ ᑎᔅᑌᒥᓐᑦ

³³ ᓇᒪᐎᓚ ᒫᑲ ᓂ ᐅᒋ ᑭᔅᑫᓕᒪᐤ: ᒫᑲ ᐊᓇ ᑳ ᑮ ᐯᒋᑎᔕᐅᑦ ᑭᒋ ᓯᑲᐋᑕᑫᐙᑫᐗᒃ ᓂᐱᓕᐤ, ᐁᐗᑯ ᓂ ᑮ ᐃᑌᒃ, ᐊᓇ ᑫ ᐙᐸᒪᑦ ᐁ ᓛᔑᔅᑖᑯᑦ ᐊᒑᑾ, ᓀᔥᑕ ᐁ ᑗᐅᑖᑯᑦ, ᐁᐗᒀᓇ ᑫ ᓯᑲᐋᑕᑫᐙᑫᑦ ᑳ ᐸᓓᑭᓯᓕᒋ ᐊᒑᑾ᙮

ᐅᐸᓓᑭᔅ ᒑᓐ 1:33 Referans Kwoze

ᐊᐸᔅᑕᓚᒃ 1:5

ᐌᓴ ᒑᓐ ᑖᐺ ᑮ ᓯᑲᐋᑖᑫᐤ ᓂᐱ ᐅᒋ; ᒫᑲ ᑭᓚᐗᐤ ᑭ ᑳ ᓯᑲᐊᑖᑲᐎᓇᐗᐤ ᐸᓓᑭ ᐊᒑᒃ ᐅᒋ ᐸᒧᔑ ᒥᒉᑐ ᑭᔑᑳᐗ ᐃᓕᑯᒃ᙮

ᐅᐸᓓᑭᔅ ᓘᒃ 3:16

ᒑᓐ ᑮ ᓇᔥᑴᐗᔑᐃᐌᐤ, ᐁ ᐃᑖᑦ ᒥᓯᐌ ᐁ ᐃᑕᓯᓕᒋ, ᓂᓚ ᑖᐺ ᑮ ᓯᑲᐋᑖᑎᓇᐗᐤ ᓂᐱ ᐅᒋ; ᒫᑲ ᐊᐌᓇ ᐊᐙᓯᑌ ᐁ ᓱᑳᑎᓰᑦ ᐃᔥᐱᔥ ᓂᓚ ᐯᒋ ᐃᑐᑌᐤ, ᐅ ᒪᔅᑭᓯᓀᐋᐱᔭ ᓇᒪᐎᓚ ᓂᑦ ᐃᔅᐱᑌᓕᑖᑯᓯᓐ ᑭᒋ ᐊᐱᑯᓇᒶᒃ: ᐎᓚ ᑭ ᑳ ᓯᑲᐋᑖᑯᐗᐤ ᐸᓓᑭ ᐊᒑᑾ ᐅᒋ, ᓀᔥᑕ ᐃᔥᑯᑌᓕᐤ;

ᐅᐸᓓᑭᔅ ᒫᑎᐤ 3:11

ᓂᓚ ᑖᐺ ᑮ ᓯᑲᐋᑖᑎᓇᐗᐤ ᓂᐱ ᐅᒋ ᑴᔅᑳᑎᓯᐎᓂᒃ ᐃᔑ: ᒫᑲ ᐊᓇ ᑳ ᐯᒋ ᓄᔅᐱᓇᔑᑦ ᐊᐗᓯᑌ ᓱᑳᑎᓯᐤ ᐃᔥᐱᔥ ᓂᓚ, ᐅ ᒪᔅᑭᓯᓇ ᓇᒪᐎᓚ ᓂᑦ ᐃᔅᐱᑌᓕᑖᑯᓯᓐ ᑭᒋ ᐱᒥᐎᑕᐗᒃ: ᐎᓚ ᑭ ᑳ ᓯᑲᐋᑖᑯᐗᐤ ᐸᓓᑭ ᐊᒑᑾ ᐅᒋ ᓀᔥᑕ ᐃᔥᑯᑌᓕᐤ᙮

ᐅᐸᓓᑭᔅ ᒑᓐ 3:34

ᐌᓴ ᐊᓇ ᑳ ᐃᑎᔕᐅᑯᑦ ᑭᒋᒪᓂᑐᐗ, ᐋᔭᒥᐌᐤ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐗ: ᐌᓴ ᑭᒋᒪᓂᑐᐗ ᓇᒪᐎᓚ ᑎᐯᓕᑕᒫᑯ ᐊᒑᑾ᙮

ᓂᔥᑕᒻ ᑯᕆᓐᑎᐊᓇ 12:13

ᐌᓴ ᐯᔭᒃ ᐊᒑᒃ ᐅᒋ ᒥᓯᐌ ᐁ ᐃᑕᔑᔭᒃ ᑭ ᓯᑲᐊᑖᑲᐎᓈᓇᐤ ᐯᔭᒃ ᒥᔭᐎᒃ, ᑮᔥᐱᓐ ᒎᐎᐗᑴ ᓀᔥᑕᐱᑯ ᒉᓐᑖᐃᓕᐗᑴ, ᑮᔥᐱᓐ ᐃᐋᐎᑳᓂᐗᑴ, ᓀᔥᑕᐱᑯ ᑌᐯᓕᒥᑎᓱᐗᑴ; ᓀᔥᑕ ᒥᓯᐌ ᑭ ᑮ ᒥᓂᒀᑕᒧᐃᑲᐎᓈᓇᐤ ᐯᔦᑯ ᐊᒑᑯᒃ ᐃᔑ᙮

ᐅᐸᓓᑭᔅ ᒑᓐ 3:5

ᒋᓴᔅ ᑮ ᓇᔥᑴᐗᔑᐃᐌᐤ ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᓂᑖᐎᑭᐃᑯᑌ ᓂᐱᓕᐤ ᓀᔥᑕ ᐊᒑᑾ, ᓇᒪᐎᓚ ᑲᑕ ᑮ ᐱᑐᑫᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᒃ᙮

ᐊᐸᔅᑕᓚᒃ 2:4

ᒥᓯᐌ ᒫᑲ ᑮ ᓵᑲᔥᑭᓀᔅᑳᑯᐗᒃ ᐸᓓᑭ ᐊᒑᑾ, ᑮ ᒫᒋ ᐊᔭᒥᐗᒃ ᒫᑲ ᑯᑕᑭᔭ ᐃᔑᑭᔗᐎᓂᒃ, ᑳ ᐃᔑ ᒥᓕᑯᒋᒃ ᐊᒑᑾ᙮

ᐅᐸᓓᑭᔅ ᒑᓐ 1:31

ᓇᒪᐎᓚ ᒫᑲ ᓂ ᐅᒋ ᑭᔅᑫᓕᒪᐤ: ᒫᑲ ᑭᒋ ᑭᔅᑫᓕᒥᑯᑦ ᐃᔅᕃᐃᓚ, ᐁᐗᑯ ᐌᒋ ᐯᒋ ᓯᑯᐋᑖᑫᐙᑫᔮᓐ ᓂᐱ᙮

ᐅᐸᓓᑭᔅ ᒑᓐ 7:39

(ᒫᑲ ᐅᒣᓕᐤ ᑮ ᐃᑗᐤ ᐁ ᐋᓕᒧᒫᑦ ᐊᒑᑾ ᑫ ᒥᓛᑲᓂᐎᓕᒋ ᐊᓂᐃ ᑳ ᑖᐺᔦᓕᒥᑯᑦ: ᐌᓴ ᐯᓓᑭᓯᑦ ᐊᒑᒃ ᓇᒪᐎᓚ ᐁᔥᑾ ᐅᒋ ᒥᓕᐙᓂᐎᐤ; ᐁᑳ ᐁᔥᑾ ᐁ ᑮ ᑭᔅᑌᓕᑖᑯᐋᑲᓂᐎᑦ ᒋᓴᔅ᙮)

ᐅᐸᓓᑭᔅ ᒑᓐ 14:26

ᒫᑲ ᐅᒥᓜᓕᒧᐃᐌᐤ, ᐁᐗᑯ ᐯᓓᑭᓯᑦ ᐊᒑᒃ, ᑫ ᐯᒋᑎᔕᐅᑯᑦ ᐅᑖᐎᒪᐗ ᓂᑦ ᐃᔑᓂᑳᓱᐎᓂᒃ, ᐎᓚ ᑭ ᑳ ᑭᔅᑭᓄᐊᒫᑯᐗᐤ ᒥᓯᐌ ᑭᒀᓇ, ᓀᔥᑕ ᑭ ᑳ ᑭᔅᑭᓯᐃᑯᐗᐤ ᒥᓯᐌ ᑫᒀᓇ ᑳ ᑮ ᐃᑎᑕᑾᒃ᙮