ᐅᐸᓓᑭᔅ ᒑᓐ 1:21 - ᐅᔅᑭ ᑎᔅᑌᒥᓐᑦ

²¹ ᑮ ᑲᑴᒋᒣᐗᒃ ᒫᑲ, ᑫᒀᓐ ᒫᑲ? ᑭᓚ ᓈ ᐃᓛᐃᒐ? ᐃᑗᐤ ᒫᑲ, ᓇᒪᐎᓚ ᓂᑦ ᐋᐎᓐ᙮ ᑭᓚ ᓈ ᐊᓇ ᐅᑭᔅᑭᐙᐃᑫᐤ? ᑮ ᓇᔥᑴᐗᔑᐃᐌᐤ ᒫᑲ, ᓇᒪᐎᓚ᙮

ᐅᐸᓓᑭᔅ ᒑᓐ 1:21 Referans Kwoze

ᐅᐸᓓᑭᔅ ᒫᑎᐤ 11:14

ᑮᔥᐱᓐ ᒫᑲ ᐙ ᐱᔑᒋᑕᒧᐌᑴ, ᐊᐗ ᐁᐗᒀᓇ ᐃᓛᐃᒐ ᑫ ᑕᑯᔑᑭᐸᓐ᙮

ᐅᐸᓓᑭᔅ ᒑᓐ 1:25

ᑮ ᑲᑴᒋᒣᐗᒃ ᒫᑲ, ᓀᔥᑕ ᑮ ᐃᑌᐗᒃ, ᑖᓀᑭ ᐌᒋ ᓯᑲᐋᑖᑫᔭᓐ ᒫᑲ, ᑮᔥᐱᓐ ᐁᑳ ᐃᐋᐎᐗᓀ ᐊᓇ ᙭, ᐁᑳ ᓀᔥᑕ ᐃᓛᐃᒐ, ᐁᑳ ᓀᔥᑕ ᐊᓇ ᐅᑭᔅᑭᐙᐃᑫᐤ?

ᐅᐸᓓᑭᔅ ᒫᑎᐤ 16:14

ᑮ ᐃᑗᐗᒃ ᒫᑲ, ᐋᑎᑦ ᐃᑗᐗᒃ ᐁ ᐋᐎᔭᓐ ᒑᓐ ᐅᓯᑲᐋᑖᑫᐤ; ᐋᑎᑦ, ᐃᓛᐃᒐ, ᑯᑕᑭᔭᒃ ᒫᑲ, ᒉᕆᒫᔭ, ᓀᔥᑕᐱᑯ ᐯᔭᒃ ᐁ ᐃᑕᓯᒋᒃ ᐅᑭᔅᑭᐙᐃᑫᐗᒃ᙮

ᐅᐸᓓᑭᔅ ᒑᓐ 7:40

ᐁᐗᑯ ᐌᒋ ᒥᒉᑦ ᐃᓕᓕᐗᒃ ᐃᔅᐱ ᐱᐁᑕᑭᒃ ᐅᒣᓕᐤ ᐃᑗᐎᓂᓕᐤ, ᑮ ᐃᑗᐗᒃ; ᑖᐺ ᐊᐗ ᐊᓇ ᐅᑭᔅᑭᐙᐃᑫᐤ᙮

ᐅᐸᓓᑭᔅ ᓘᒃ 1:17

ᑲᑕ ᓂᑳᓄᑕᐌᐤ ᒫᑲ ᐃᓛᐃᒐᐗ ᐅᑦ ᐊᒑᑯᓕᒃ ᓀᔥᑕ ᐅ ᑲᔥᑭᐅᐎᓂᓕᒃ, ᑭᒋ ᑴᔅᑭᓇᒸᑦ ᐅᑖᐎᒫᐗ ᐅᑌᐃᓕᐗ ᐊᐙᔑᔕ ᐃᔑ, ᓀᔥᑕ ᐊᓂᐃ ᑳ ᔑᐱᑕᒥᓕᒋ ᑭᒋ ᑲᑫᑕᐌᓕᑕᒥᓕᒋ ᑖᐱᔅᑯᒡ ᑳ ᒀᔭᔅᑭᑎᓕᒋ; ᑭᒋ ᐋᔦᔅᑲᐎᑕᒪᐙᑦ ᐃᓕᓕᐗ ᑳ ᐙᐌᔑᑕᒫᑦ ᐅᑎᐯᓕᒋᑫᐗ᙮

ᐅᐸᓓᑭᔅ ᒫᑎᐤ 21:11

ᒥᔮᒪᐎᒥᒉᑎᒋᒃ ᐃᓕᓕᐗᒃ ᑫ ᐃᑗᐗᒃ, ᐁᐗᑯ ᐊᐗ ᒋᓴᔅ ᐅᑭᔅᑭᐙᐃᑫᐤ ᓈᓴᕆᑎᒃ ᐅᒋ ᑳᓕᓕᒃ᙮

ᐅᐸᓓᑭᔅ ᒑᓐ 1:22

ᐁᑯ ᐁᑖᒋᒃ, ᐊᐌᓇ ᑭᓚ? ᑭᒋ ᑮ ᓇᔥᑴᐗᔑᐊᑭᒃ ᐊᓂᑭ ᑳ ᐯᒋᑎᔕᐎᔭᒥᒋᒃ᙮ ᑖᓂ ᐁᑖᒋᒥᑎᓱᔭᓐ?

ᐅᐸᓓᑭᔅ ᒑᓐ 6:14

ᐁᑯ ᐊᓂᑭ ᐃᓕᓕᐗᒃ, ᐃᔅᐱ ᑳ ᑮ ᐙᐸᑕᒸᒋᒃ ᒫᒪᔅᑳᒋ ᐃᓯᒋᑫᐎᓂᓕᐤ ᑳ ᑮ ᑐᑕᒥᓕᒋ ᒋᓴᓴ, ᑮ ᐃᑗᐗᒃ, ᐁᐗᑯ ᐊᐗ ᑫᒋᓈᔥ ᐊᓇ ᐅᑭᔅᑭᐙᐃᑫᐤ ᑫ ᑐᑯᔑᑭᐸᓐ ᐊᔅᑮᒃ᙮