ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:18 - ᐅᔅᑭ ᑎᔅᑌᒥᓐᑦ

¹⁸ ᐁᐁ, ᐃᓕᓕᐤ ᑲᑕ ᐃᑗᐤ, ᑭᓚ ᑭᑦ ᐋᔮᓐ ᑖᐺᔦᓕᑕᒧᐎᓐ, ᓂᓚ ᒫᑲ ᓂᑦ ᐋᔮᓐ ᐊᑑᔅᑫᐎᓇ: ᐙᐸᑎᓕᓐ ᑭ ᑖᐺᔦᓕᑕᒧᐎᓐ ᐁᑳ ᑭᑭ ᑭᑦ ᐊᑑᔅᑫᐎᓇ, ᓂᓚ ᒫᑲ ᑭ ᑳ ᐙᐸᑎᓕᑎᓐ ᓂ ᑖᐺᔦᓕᑕᒧᐎᓐ ᓂᑦ ᐊᑑᔅᑫᐎᓇ ᐅᒋ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:18 Referans Kwoze

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:13

ᐊᐌᓇ ᐁ ᐃᑕᔑᔦᒃ ᑳ ᑲᑫᑕᐌᓕᑕᒃ ᐃᓕᓕᐤ ᓀᔥᑕ ᐁ ᓵᑲᔅᑭᓀᔅᑳᑯᑦ ᑭᔅᑫᓕᑕᒧᐎᓂᓕᐤ; ᐁᑯᔑ ᑲᑕ ᐙᐸᑎᓕᐌᐤ ᐁ ᒥᓗ ᐃᑖᑎᓰᑦ ᐅᑦ ᐊᑑᔅᑫᐎᓇ ᑲᑫᑕᐌᓕᑕᒧᐎᓂ ᓗᔅᑳᑎᓯᐎᓂᒃ᙮

ᓂᔥᑕᒻ ᑎᒧᑎ 1:5

ᐁ ᑭᔑᐹᒃ ᒫᑲ ᑲᑫᔅᑴᐎᓐ ᐁᐗᑯ ᓵᑭᐃᐌᐎᓐ ᐸᓓᑭ ᒥᑌᐃᒃ ᐁ ᐅᒋᐸᓕᒃ, ᓀᔥᑕ ᒥᓗ ᒥᑐᓀᓕᒋᑲᓂᒃ, ᓀᔥᑕ ᑳ ᑖᐺᔦᓕᑖᑾᒃ ᑖᐺᔦᓕᑕᒧᐎᓂᒃ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:14

ᑖᓐ ᐁᑖᐸᑕᒃ, ᓂᒋᔖᓂᑐᒃ, ᐋᑕ ᐃᓕᓕᐤ ᐁᑗᒋ, ᓂᑦ ᐋᔮᓐ ᑖᐺᔦᓕᑕᒧᐎᓐ, ᐁᑳ ᒫᑲ ᐁ ᐋᔮᑦ ᐊᑑᔅᑫᐎᓇ? ᑖᐺᔦᓕᑕᒧᐎᓐ ᓈ ᑲᑕ ᐱᒫᒋᐃᑯ?

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᑕᐃᑕᔅ 2:7

ᒥᓯᐌ ᑫᒀᓐ ᐃᔑ ᐁ ᐙᐸᑎᓕᐌᔭᓐ ᑭᒋ ᑭᔅᑭᓄᐙᐸᒥᑲᐎᔭᓐ ᒥᓗ ᐊᑑᔅᑫᐎᓂᒃ: ᑭᔅᑭᓄᐊᒫᑫᐎᓂᒃ ᐁ ᐙᐸᑎᓕᐌᔭᓐ ᐸᓓᑭᓯᐎᓐ, ᓕᑆᑳᐎᓐ, ᒀᔭᔉ ᐃᑌᓕᑕᒧᐎᓐ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:23

ᐊᓇ ᒫᑲ ᑳ ᑶᑕᐎᐃᑌᓕᑕᒃ ᓂᔑᐗᓈᒋᒪᐤ ᑮᔥᐱᓐ ᒥᒋᓱᒋ, ᐌᓴ ᓇᒪᐎᓚ ᒥᒋᓱ ᑖᐺᔦᓕᑕᒧᐎᓂᒃ: ᐌᓴ ᑫᒀᓐ ᐁᑳ ᑖᐺᔦᓕᑕᒧᐎᓂᒃ ᑳ ᐅᒋᐸᓕᒃ ᒪᒋᑣᐎᓂᐗᓐ᙮

ᐦᐃᑉᕉᐗ 11:31

ᑖᐺᔦᓕᑕᒧᐃᓐ ᐅᒋ ᐱᔑᒀᑎᔅᑴᐤ ᕃᐋᑉ, ᓇᒪᐎᓚ ᑮ ᐎᒋᓂᔑᐗᓈᑎᓯᒣᐤ ᐊᓂᐃ ᐁᑳ ᑳ ᑮ ᑖᐺᑕᒥᓕᒋ, ᐃᔅᐱ ᐸᑐᑲᐋᑦ ᐅᑭᒧᓵᐱᐗ ᑳᔭᒣᓕᑕᒧᐎᓂᒃ᙮

ᐦᐃᑉᕉᐗ 11:33

ᐊᓂᑭ ᑖᐺᔦᓕᑕᒧᐎᓐ ᐅᒋ ᑳ ᑮ ᔖᑯᒋᑖᒋᒃ ᐅᑭᒫᐎᐎᓇ, ᑳ ᑮ ᐃᔑᒋᑫᒋᒃ ᒀᔭᔅᑭᑖᑎᓯᐎᓂᓕᐤ, ᑳ ᑮ ᐅᑎᓇᑭᒃ ᐊᔓᑕᒫᑫᐎᓇ, ᑳ ᑮ ᑭᐳᑐᓀᐙᒋᒃ ᒥᔑᐱᔑᐗ,

ᐦᐃᑉᕉᐗ 11:6

ᐁᑳ ᒫᑲ ᐁ ᐃᑕᑾᒃ ᑖᐺᔦᓕᑐᒧᐎᓐ ᓇᒪᐎᓚ ᑲᑕ ᑮ ᐃᑭᓐ ᑭᒋ ᓇᐃᓚᐌᐋᑲᓂᐎᑦ ᑭᒋᒪᓂᑐ: ᐌᓴ ᐊᓇ ᑳ ᐯᒋ ᓈᑖᑦ ᑭᒋᒪᓂᑐᐗ ᑲᑕ ᑖᐺᑕᒻ ᐁ ᐃᑖᓕᒋ, ᓀᔥᑕ ᐁ ᑎᐸᐊᒪᐙᓕᒋ ᐊᓂᐃ ᓱᑲ ᑳ ᓈᓇᑕᐌᓕᒥᑯᓕᒋ᙮

ᓂᔥᑕᒻ ᑯᕆᓐᑎᐊᓇ 13:2

ᐋᑕ ᒫᑲ ᐁ ᐋᔮᔮᓐ ᒥᓕᑯᓯᐎᓐ ᑭᒋ ᑭᔅᑭᐙᐃᑫᔮᓐ, ᓀᔥᑕ ᓂᓯᑐᑕᒫᓐ ᒥᓯᐌ ᑳᒋ ᑫᒀᓇ, ᓀᔥᑕ ᒥᓯᐌ ᑭᔅᑫᓕᑕᒧᐎᓐ; ᐋᑕ ᒫᑲ ᐁ ᐋᔮᔮᓐ ᒥᓯᐌ ᑖᐺᔦᓕᑕᒧᐎᓐ, ᐃᔥᐱᔥ ᑭᒋ ᑮ ᐋᑕᔅᑖᔮᓐ ᐗᒋᔭ, ᐁᑳ ᒫᑲ ᐋᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂᑦ ᐃᑌᓕᑖᑯᓯᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:28

ᐁᐗᑯ ᐅᒋ ᓂᑦ ᐊᑭᑌᓈᓐ ᐃᓕᓕᐤ ᐁ ᒀᔭᔅᑳᑎᓯᐋᑲᓂᐎᑦ ᑖᐺᔦᓕᑕᒧᐎᓂᒃ ᐅᒋ ᐁᑳ ᐁ ᐃᑐᒋᑳᑎᑭ ᐅᓚᔓᐌᐎᓂ ᐊᔨᑎᐎᓇ᙮

ᓂᔓ ᑯᕆᓐᑎᐊᓇ 7:1

ᐁ ᐋᔮᔮᒃ ᒫᑲ ᐅᐅ ᐊᔓᑕᒫᑫᐎᓇ ᑳ ᑭᒋ ᓵᑭᐃᑖᑾᒃ, ᐁᑯᔑ ᐹᔦᑭᐃᑎᓱᑕᐤ ᒥᓯᐌ ᐎᓕᐱᓯᐎᓐ ᐅᒋ ᐎᔮᓯᐎᓂᒃ ᓀᔥᑕ ᐊᒑᑯᒃ, ᐁ ᒥᑐᓂᐎᑖᔭᒃ ᐸᓓᑭᓯᐎᓐ ᐅ ᓇᓂᒋᔅᑖᑯᓯᐎᓂᒃ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 5:17

ᐁᐗᑯ ᐅᒋ ᑮᔥᐱᓐ ᐊᐌᓇ ᐃᓕᓕᐤ ᐁᑕᑴ ᙭ᑎᒃ, ᐅᔥᑭ ᐅᔑᐋᑲᓂᐎᐤ: ᑳᔮᔥ ᑫᒀᓐ ᐌᐱᐸᓕᐗ; ᒫᑎᑲ, ᒥᓯᐌ ᑫᒀᓇ ᐊᑎ ᐅᔥᑲᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:1

ᐊᓄᒡ ᒫᑲ ᓇᒪᐎᓚ ᓂᔑᐗᓈᒋᒥᑯᓯᐎᓂᓕᐤ ᑲᑕ ᐅᑎᑎᑯᐗᒃ ᐊᓂᑭ ᑳ ᐱᑖᒋᒃ ᙭ ᒋᓴᓯᒃ, ᐁᑳ ᐎᔮᓯᐎᓂᒡ ᑳ ᐃᔑ ᐱᒧᑌᒋᒃ, ᒫᑲ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:6

ᑖᐱᔅᑯᒡ ᑌᐱᑦ ᑳ ᑮ ᐃᑖᒋᑕᒸᑦ ᐅ ᔕᐌᓕᑖᑯᓯᐎᓂᓕᐤ ᐊᓂᐃ ᐃᓕᓕᐗ ᑭᒋᒪᓂᑐ ᑳ ᐃᑕᑭᒫᑦ ᐁ ᒀᔭᔅᑭᑖᑎᓯᓕᒋ ᐁᑳ ᐁ ᐊᑑᔅᑫᓕᒋ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:19

ᑭᓚ ᒫᑲ ᑭ ᑳ ᐎ ᐃᔑᓐ, ᑖᓀᑭ ᐌᒋ ᑫᔮᐸᒡ ᐗᓉᓕᒋᑫᑦ? ᐌᓴ ᐊᐌᓇ ᑳ ᑮ ᓇᔅᑯᔅᑕᒸᑦ ᐅᑦ ᐃᑌᓕᑕᒧᐎᓂᓕᐤ?