9 ᐁᑯᔑ ᐎᒋᔖᓂᒪᐤ ᑳ ᑕᐸᑌᓕᑖᑯᓯᑦ ᑲᑕ ᒥᓚᐙᑕᒻ ᐁ ᐃᔅᐯᓕᑖᑯᐋᑲᓂᐎᑦ:
ᑖᐱᔅᑯᒡ ᐁ ᒫᒥᔕᒣᓕᑕᑭᒃ, ᐁᓕᐌᒃ ᒫᑲ ᒧᔕᒃ ᐁ ᒧᒋᑫᓕᑕᒫᒃ; ᑖᐱᔅᑯᒡ ᐁ ᒪᓀᓯᒋᒃ, ᐁᓕᐌᒃ ᒫᑲ ᒥᒉᑦ ᐁ ᒥᔕᑭᐊᑭᒋᒃ, ᑖᐱᔅᑯᒡ ᐁᑳ ᑫᒀᓕᐤ ᐁ ᐋᔮᒋᒃ, ᐁᓕᐌᒃ ᒫᑲ ᒥᓯᐌ ᑫᒀᓇ ᐁ ᐋᔮᔮᒃ᙮
ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐊᓕᒥᓯᐎᓐ, ᓀᔥᑕ ᑭ ᒪᓀᓯᐎᓐ, (ᒫᑲ ᑮ ᒥᔕᑭᓯᓐ,) ᓂ ᑭᔅᑫᓕᑕᒸᓐ ᐅ ᐹᔅᑕᒧᐎᓂᐙᐗ ᐊᓂᑭ ᓂ ᒎᐎᓈᓐ ᑳ ᐃᑗᒋᒃ ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᒫᑲ ᑳ ᐅᑦ ᐋᔭᒥᐁᐎᑲᒥᒥᑯᒋᒃ ᓭᑕᓇ᙮
ᐅᑦ ᐊᐱᐎᓂᓕᒃ ᑮ ᐅᒋ ᓂᑎᓀᐤ ᐊᓂᐃ ᑳ ᓱᑳᑎᓯᓕᒋ, ᓀᔥᑕ ᑮ ᑭᔅᑌᓕᑖᑯᐁᐤ ᐊᓂᐃ ᑳ ᑕᐸᑌᓕᑖᑯᓯᓕᒋ᙮
ᓂ ᓄᔅᐱᓇᑌᓐ ᐁ ᑭᔅᑭᓄᐙᒋᒋᑳᑌᒃ, ᐁ ᐎ ᐋᔮᔮᓐ ᐊᓂᒪ ᐊᔅᑣᑐᐎᓐ ᑳ ᐅᒋᐸᓕᒃ ᐅ ᑭᒋ ᓇᑐᒋᑫᐎᓂᒃ ᑭᒋᒪᓂᑐ ᙭ ᒋᓴᓯᒃ᙮
ᐌᓴ ᑭᓚᓈᓇᐤ ᑭᔅᑭᓄᐙᒋᔓᐎᓐ ᑭᑦ ᐋᔮᓈᓇᐤ, ᑳ ᓇᐗᑭᔥᑕᐗᒃ ᑭᒋᒪᓂᑐ ᐊᒑᑯᐎᓂᒃ, ᓀᔥᑕ ᑳ ᒥᓚᐙᑕᔭᒃ ᙭ ᒋᓴᔅ, ᓀᔥᑕ ᐁᑳ ᐊᔅᐯᓕᒧᑐᑕᒪᒃ ᐎᔮᓯᐎᐎᓂᒃ:
ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮
ᐁᓕᐌᒃ ᒫᑲ, ᐁᑳᐎᓚ ᒧᒋᑫᓕᑕᒧᒃ ᐅᒪ ᐅᒋ, ᐁ ᐱᔑᒋᐃᑖᑾᒃ ᐊᒑᑾᒃ; ᒫᑲ ᐊᐙᓯᑌ ᒧᒋᑫᓕᑕᒧᒃ ᐁ ᒪᓯᓇᐃᑳᑌᑭ ᑭᑦ ᐃᔑᓂᑳᓱᐎᓂᐙᐗ ᑭᒋᑭᔑᑯᒃ᙮
ᑮ ᐃᑌᐤ ᒫᑲ, ᐊᐌᓇ ᑫ ᐅᑎᓈᑴ ᐅᐅ ᐊᐙᔑᔕ ᓂᑦ ᐃᔑᓂᑳᓱᐎᓂᒃ, ᓂᓚ ᓂᑦ ᐅᑎᓂᒃ: ᐊᐌᓇ ᒫᑲ ᑫ ᐅᑎᓂᑴ, ᐅᑎᓀᐤ ᓀᔥᑕ ᐊᓂᐃ ᑳ ᐯᒋᑎᔕᐅᓕᒋ: ᐌᓴ ᐊᓇ ᑳ ᒪᐗᒋ ᐋᐱᔅᑌᓕᑖᑯᓯᑦ ᒥᓯᐌ ᐁ ᐃᑕᔑᔦᒃ, ᐁᐗᒀᓇ ᑫ ᑭᔅᑌᓕᑖᑯᓯᑦ᙮
ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;
ᐌᓴ ᐊᐌᓇ ᑫ ᑭᔅᑌᓕᒥᑎᓱᑴ ᑲᑕ ᒪᒉᓕᒪᐤ᙮ ᐊᓇ ᒫᑲ ᑳ ᑕᐸᑌᓕᒥᑎᓱᑦ ᑲᑕ ᑭᔅᑌᓕᒪᐤ᙮
